劉德華告劉德華板鴨侵權
(星島日報報道)
六十八年前出生以來，便以"劉德華"作為名字的一名四川老人，在家鄉經營馳名的"劉德華牌板鴨"，三年前更註冊成為商標，但月前他收到香港天王巨星劉德華所屬公司律師信，指他侵犯版權，更對劉德華造成侮辱和詆毀，要求"劉德華牌板鴨"取消註冊，變成一宗"劉德華告劉德華"的官司。
四川同名老翁賣板鴨
四川崇州的板鴨遠近馳名，"劉德華牌板鴨"是四大品牌之一，但這個四川劉德華，與香港劉德華沒有任何關係，他是土生土長的崇州人，已六十八歲，自出生起就是這個名字。
零四年，四川劉德華申請將"劉德華牌板鴨"註冊成商標，零七年申請成功，當時他們也知道香港有一個著名的劉德華，擔心被指侵犯名譽權，但很快便打消這個顧慮。因為劉老先生自出生便叫這個名字，比香港劉德華早，應該沒有問題。
"劉德華牌板鴨"註冊商標
不過，一個月前，四川劉德華收到律師信，發信人是歌星劉德華在內地的經紀人公司"亨泰環宇有限公司"，為一份商標爭議裁定申請書，內文大意是，"劉德華牌板鴨"對歌星劉德華造成精神損害，是侮辱和詆毀，而且商標由"劉德華"三個字和一位老者的頭像組成，與歌星劉德華的相貌相差甚遠，令他多年奮鬥獲得的良好公眾形象，與社會影響力受到損害，因此，香港劉德華請求撤銷"劉德華牌板鴨"這個商標。
雖然覺得要求不合理，但畢竟對方有很大影響力，四川劉德華一家都擔心保不住這塊三十年的老字號，並找來成都商標事務所進行答辯。事務所認為，崇州劉德華已經使用這個名字近七十年，以自己名字和肖像註冊品牌，合理合法。天王巨星劉德華昨對本報的查詢表示，事件已交由律師處理，故不作回應。
劉: 已交律師處理
本港藝人在內地受歡迎，但經常為肖像權和名譽權而煩惱，劉德華更經常是被侵權的受害者。零六年有人生產"華仔牌"洗頭水，之後又出現"流得滑"及"瀉停封" (劉德華及謝霆鋒普通話諧音)等塗改液和止瀉藥商標產品。
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
唔知大家睇完依段野會有乜感想? 我就覺得超級無聊小題大造法國菜!!!
(我指劉德華內地間經理人公司呀!)一，人地四川阿伯一出世已經叫做"劉德華"，阿伯今年68歲即係個名已跟咗佢68年; 劉天皇今年只得49，而且劉天皇原名好似叫做"劉福榮"喎......
阿伯早過劉天皇用"劉德華"依個名最少成廿年咁滯喎.....如果阿伯告返劉天皇轉頭咁又得唔得呢?
二，阿伯板鴨商標由"劉德華"三個字和一位老者的頭像組成，與歌星劉德華的相貌相差甚遠......阿伯無侵肖像權 - 好明顯根本無意圖去混淆視聽，並非刻意令顧客覺得板鴨同劉天皇有關係喎!
至於講到侵名譽權，"對劉德華造成精神損害、侮辱和詆毀"...唔係吓化??
再者劉天皇又唔係未遇過風雨既人，佢有無咁弱咁小事就"精神損害"呀??
三，一個香港大明星; 另一個係四川賣鴨阿伯，風馬牛不相及，而且板鴨商標上有阿伯肖像，白痴既都唔會搞錯劉天皇賣鴨啦!
其實我一向都欣賞劉德華予人樂於助人 + 有情有義既形象; 而且多年來佢甚少有負面新聞......Well~ 佢隱瞞同朱麗倩已婚一事，對我來講根本唔係咩負面新聞!好多人因為依件事話佢擘大眼講大話 - 但我認為劉德華只係一個藝人，佢既工作係演戲唱歌娛樂觀眾，根本無責任要向全香港人公開交代自己私事!
(其實你地唔問人地既私事，人地自然唔需要講大話啦! 明星結咗婚生咗仔未關你地鬼事咩? )
我一早已過咗迷偶像既年紀，而且早在我迷偶像既時候，我亦從來唔係"噢~ 華仔我永遠支持你!"果隻，因為佢從來都唔係我杯茶......
雖然佢唔係我偶像，但我好希望今次依件所謂侵權事件，只係佢間法國菜經理人公司既屎橋，而並非劉德華本人既主意~ 如果唔係就真係破壞哂佢喺我心目中既良好形象嘞!!
自己個真名都唔比用!?!!?
都好惡啫!! 
絕對贊成你嘅睇法。
回覆刪除[版主回覆05/02/2010 05:47:00]劉華間公司黐黐地!
係啦我尋日睇到呢篇新聞都覺得...咁都要告? 咁人地伯伯真係叫劉德華丫嘛... 同埋人地都幾十年歷史.... 如果要告我覺得真係好無聊囉~
回覆刪除[版主回覆05/02/2010 05:45:00]咪係! 人地阿伯真名叫劉德華，香港劉德華真名叫劉福榮.....阿伯告返佢轉頭就差唔多!!
veronica你個blog真係魅力沒法擋~ 成日都可以見到呢d賣廣告既~ 可能佢地賣廣告之餘亦都追睇你blog~哈哈~ 呢單新聞我都有同感~d人真係小題大作~冇鬼聊既~ 真名又唔俾人用~連自己個嘜頭都唔得~ 真係唔知邊鬼個搞屎棍~
回覆刪除[版主回覆05/02/2010 05:44:00]哈哈~~~ 佢地要賣廣告咪由佢地賣囉! 反正佢地賣幾多次，我一見到都會即剷走!!!
劉德華而家好應該出來講句野啦!
這是國內濫用名人作短線塗利的結果。如果唔告呢單，可能即嚟十單。
回覆刪除姿態上要告。雖則呢單我唔贊成佢告，亦唔希望告得入。
[版主回覆05/02/2010 05:33:00]
就算只係姿態上要做吓動作，我都覺得好法國菜!!
阿伯間野做咗咁多年，註冊都註咗3年一直相安無事，如果唔係佢地無啦啦走去告人，我唸根本唔會有咁多人知道四川崇州有間野叫"劉德華板鴨"......
再者若只係擺姿態，何需用到"精神損害、侮辱、詆毀"依d咁既操辭呀? 好老實 - 因為佢地咁講，令我更加對依件事反感!
i dun think its andy lau's idea. its his management company's problem i guess.
回覆刪除[版主回覆05/02/2010 05:19:00]im not sure abt this now......i think he should clarify his own position on this matter!
其實我都好鐘意劉德華架!!但係覺得依單野佢地唔應該告阿伯,因為劉德華依個名又唔係劉天王真名,識得佢既人都知道佢個名叫"劉福榮"人地阿伯用既係真名,都唔涉及侵權!!
回覆刪除我唔知係咪劉天王既本意啦,人地板鴨做得咁成功,點都係好事黎架嘛,又唔係d咩唔見得光既生意,覺得內地個經理人公司冇事搵事做,無聊
[版主回覆05/02/2010 05:08:00]佢間經理人公司可能自以為好醒，但若果唔係劉德華既意思，咁佢地就真係pat pat 痕嘞! 真係好老土!!!!
絕對同你一樣睇法 , 這單官司無聊得很 .
回覆刪除[版主回覆05/02/2010 05:06:00]無聊又老土! 仲令人嬲嬲地~
呢條新聞又真係既搞笑又無聊 .....
回覆刪除[版主回覆05/02/2010 05:04:00]我覺得劉德華應該出來表吓態!
Exactly as what I think
回覆刪除[版主回覆05/02/2010 05:03:00]i think a lot of people are thinking the same thing!
下...佢間內地經理人公司好明顯做埋晒d膚淺o野... 成個世界得1個劉德華ga咩...救命= =" 重要劉福榮先係佢真名呀...侵咩權呀!! 人o地呀伯都未告佢間公司la...= =" so crazy!!
回覆刪除[版主回覆05/02/2010 05:02:00]佢經理人公司一係就以為自己好精明，一係就想造新聞~ 但兩樣都係咁戇居! 不過造新聞都唔係咁造架~ 如果真係唔關劉德華事，咁今次間經理人公司就累死佢嘞!
哈哈哈哈哈哈﹗瀉停封﹗ 哈哈哈哈哈哈﹌ 我覺得好心就唔好告啦﹗ 好似整到我以前上堂食糖﹐ 唔肯俾一粒我隔離個男仔食﹐ 佢就即刻舉手同先生告發我咁﹌超老套﹌ 哈哈哈哈哈哈 ﹗然後你順便爆埋人地今年４９﹌ 係囉﹗其實人地的結婚生仔私人事點解要交代呢?﹗ 唔通因間分手又要解釋呀?﹗ 不過劉德華唔係其實叫劉福榮架咩?﹌
回覆刪除[版主回覆05/02/2010 04:59:00]我真係覺得依單野好老土呀!
上面都講咗劉天皇真名係劉福榮，我反而覺得應該係阿伯告佢就差唔多!
我睇呢段新聞時，都同你一樣睇法
回覆刪除人地連樣都加埋落去，仲係一個阿伯的樣添！係人都知同你劉德華無關喇
咁都仲要告人，真係惡得緊要！
[版主回覆05/02/2010 04:54:00]果間咁既經理人公司真係好做唔做， 咁樣反而影響到劉德華形象!
人家用自己真名都唔得呀! 加埋個樣做商標都已經唔想跟其他同名同性的人扯上關係架啦! 唔係咁惡吖嘛!
回覆刪除[版主回覆05/02/2010 06:53:00]真係好老土囉! 如果今次唔係劉德華既意思，咁佢經理人就真係累咗佢嘞!!!
有同感~
回覆刪除[版主回覆05/03/2010 06:40:00]我唸好多人都有同感!
以前我都有一樣0既事情發生，話說小弟以前個web叫alexdesign.hk 有日接到個電話打俾我，話我唔可以用alextsang.hk呢個名，因為佢已經註冊左alextsang.com.hk同alexdesign.com.cn呢個名，我話我只係個web domain似，有問題0既話你應該聯絡域名註冊公司..... 而家咁多年後，我改左自己個domain做atdesignhk.com~嘿!
回覆刪除[版主回覆05/03/2010 06:39:00]你個case....果條友都戇居既! 佢唔想人用類似既網址既話，有本事就將所有Alex Tsang / AT既網址全部註哂冊咪一了百了囉!
真係好無聊,阿伯真係好無辜,用自己個名都要比人告,真係有問題,不過我一直都好唔鍾意劉華,加埋呢件事,令我更加討厭佢!!
回覆刪除[版主回覆05/03/2010 06:35:00]點解妳咁討厭劉德華呀?
我都覺得唔係劉生既意思囉...因為佢邊有咁得閒去理呢D呀? 梗係佢大陸經理人公司搞出黎啦...真係patpat痕喇... 其實我都算係佢半個fans黎既 ..又未去到要入fans club 咁迷..不過都對佢既個人形象都有好感..其實上次話佢講大話話自己未結婚果單...我都覺得人地有無結婚生仔又關你咩事呢? 佢做得好佢既工作, 演出, 唱好佢既歌就OK啦~ 要做fans 都係中意佢呢D姐..唔係諗住同佢一齊下話?!?!
回覆刪除[版主回覆05/03/2010 06:34:00]我本來都覺得應該唔關劉生事，但佢咁多日都唔出來表態就開始令我生疑嘞! 佢去到咁既位，唔得閒理呢d野，但同時我唸佢應該夠power 叫停囉! 佢一日唔出來澄清，就算唔關佢事，都一定會影響形象~
劉華係時候出黎表態啦，唔同佢都想告果亞伯
回覆刪除[版主回覆05/04/2010 20:10:00]點都係時候講句野嘞! 佢發言人繼續拖盞令佢形象越來越受損!
真係好無聊,阿伯真係好無辜, 加上劉德華 原名係叫劉福榮.. 阿伯叫劉德華時, 劉華都未出世啦
回覆刪除[版主回覆05/04/2010 20:09:00]依件事越來越多輿論，我相信應該唔會告得入! 如果唔係就無天理~
咪係~ 人地阿伯賣鴨時，佢仲係叫做劉褔榮呀!