今日(4月11日)天氣比尋日更大太陽 + 更暖!
我屋企附近有個有大片草地既休憩散步地方~ 夏天天氣好時既傍晚，就會有大班兔仔出來開曬太陽party!
我今日正喺度唸: 咁好天又咁暖，唔知d兔仔冬眠醒咗未呢?
不過佢地好怕人架! 離遠見到我好似見到鬼咁
，成班即時向唔同方向四散!我就成個傻婆咁時而鬼鬼鼠鼠一步一步慢動作地接近佢地; 時而突然發力追住佢地來影......
我已經著短袖T shirt，但追咗d兔仔一陣就出哂成身汗!!
......(不過我影依張相"咔嚓"咁就嘈醒咗佢! 醒咗即時鬆兔~~~
)
真係好多兔仔走來走去! 幾得意喎!! 有無松鼠仔? 我在倫敦見到很多走來走去, 幾得意! 你影D相藍天碧雲個張好靚, 個天好靚, 人都醒神D
回覆刪除[版主回覆04/12/2010 19:03:00]松鼠要爬樹，所以多數要有喬木既地方先會見到~ 但兔仔一到夏天就成日都見到!
依幾日藍天白雲真係好正! 哈哈~~~ 我以前喺香港時校服好老土，仲係個天依種蔚藍色 - 果時一d都覺得唔靚! 而家反而好enjoy 藍天白雲!!
我沿住條河跑步果的兔仔深啡色同唔驚人架﹗
回覆刪除[版主回覆04/12/2010 18:59:00]原來德國兔仔咁親民架!
天氣好有陽光心情都靚D架
回覆刪除嘩~ 咁多兔仔好熱鬧呀，平時去旺角金魚街睇兔仔都超興奮，比我現場見到咁多開心屎我 law，d兔仔有人養定野生架？
[版主回覆04/12/2010 18:58:00]係呀~ 尤其過咗個成日落雪又凍冰冰既冬天! 依幾日日日藍天白雲真係好爽!!!
d兔仔係野生架! 唔止郊區，蘇格蘭只要有灌木矮樹既地方都有架~
其實兔仔喺pet shop 都有大把，但每次去親pet shop 我唔會特別睇 + 覺得佢地得意~ 唯獨見到野兔時就大驚小怪.........
你嗰邊咁快開始熱，我仲係長袖!
回覆刪除真係好多兔仔喎，好大隻啊!!!
你有冇發覺香港無咁特別嘅雲，定係根本見唔到咁大片個天，所以唔知。美國啲雲又係好立體，我會影低佢架
[版主回覆04/12/2010 18:55:00]咁我仲見到有人著褸! 可能係我比較麻煩 - 又怕凍又怕熱........ 我依度一到夏天成日都會見到好多兔仔架!
香港空氣無咁好嘛~ 而且周圍都高樓大廈遮住哂.......過咗個凍冰冰又成日落雪既冬天，依幾日日日對住藍天白雲真係正正正!!!
天氣咁好, 人心情都靚D !
回覆刪除[版主回覆04/12/2010 18:51:00]係呀~ 尤其過咗個成日落雪 + 超凍既冬天!!!
好多兔仔呀~~ 仲好大隻添~~ 香港開始熱返啲, 但係呢 2 日勁潮濕, 好討厭呀... 見到你地嗰邊啲天氣咁正, 真係好喇.... 搞到我手痕想出去影相...
回覆刪除[版主回覆04/12/2010 18:51:00]依度有樣野好 - 夏天幾熱都好，唔會好似香港咁潮濕! 不過天氣一唔好既時候，我就寧願好似香港咁潮濕!!!!
雖然熱少少, 但天色咁好, 人都開心d呢
回覆刪除[版主回覆04/12/2010 18:50:00]直頭係心情勁靚啦! 尤其過咗一個成日落雪既冬天~~
D兔仔好得意呀~@@
回覆刪除你就好啦~可以見到咁多兔仔...係HK淨係可以響寵物店睇,我都未見過咁多兔仔係草地度行!!
[版主回覆04/12/2010 18:49:00]哈哈~~~~ 其實兔仔喺pet shop 都有大把，每次去親pet shop 我唔會特別睇 + 覺得佢地得意~ 唯獨見到野兔時就大驚小怪......
藍天白雲.... 香港也甚少見了, 空氣實灰太污染啦...
回覆刪除咁多兔仔, 比我睇到真係好開心呀 , 23度又真係幾暖喎 , 但每人溫差大嗎?
[版主回覆04/12/2010 18:48:00]最近蘇格蘭天氣開始好，連續幾日都係藍天白雲好天氣!
我覺得自己好怪 - 其實兔仔pet shop 都有大把，每次去親pet shop 我唔會特別睇 + 覺得佢地得意~ 唯獨見到野兔時就大驚小怪......
會架! 日頭幾熱都好，早晚都會特別涼架~~~
d兔仔自由 自在走來走去, 好正 !!
回覆刪除但係有冇獵人捉佢哋 ?
[版主回覆04/12/2010 18:44:00]睇d兔仔個款又真係好似好歎好自在咁~
無人捉佢地架! 捉來做乜呀? 佢地仲未至於多到為患嘛! 最多都係間中有個傻婆追住佢地來影相 (我!)
藍天白雲加埋的可愛兔子
回覆刪除好開心呀
[版主回覆04/12/2010 18:42:00]係呀~ 天氣好心情都特別靚! 而且一見到兔仔點都要影返幾張!
~天氣咁好，親親大自然的確悠然自得，仲有玉兔相陪！Good Good Good!
回覆刪除[版主回覆04/12/2010 18:41:00]我屋企附近來之嘛~ 一到夏天成日都見到架!
XDXD 追人地黎影...嚇屎兔呀...
回覆刪除[版主回覆04/12/2010 18:40:00]果咋兔仔神經衰弱.......我靜雞雞佢地一樣嚇屎!
得閒去吓郊外吸新鮮空氣，睇吓D小動物都唔錯o架!
回覆刪除除咗兔仔仲有咩小動物呀???
[版主回覆04/12/2010 18:39:00]依度唔係郊外來架! 喺我屋企附近之嘛~ 一到夏天就成日喺散步道附近 見到兔仔架嘞!
除咗兔仔之外，古靈精怪樣既雀仔 (唔係雀后喎! ) 松鼠 + 狐狸都有架!
超勁呀!!!!!!!!!!!!!!! mrs t
回覆刪除你知唔知你琴日有 差唔多成萬人睇你個blog
超勁呀........人氣第二呀, 加油呀!!!!!!!!!!!!!!!!!!!!!!!!!!!!!!!
[版主回覆04/12/2010 18:35:00]東主乜你咁"背"架! 事源小編輯喺weekend 擺咗小妹上Yahoo 頭版用戶分享嘛~ (尋晚換咗嘞! ) 人氣榜排第2已經係第二日嘞!
不過其實都無咩大不了! 有無人睇、多少人睇我都係咁照寫......我仍然係我啊~~~
不過我都想多謝大家支持! 我會加油架嘞~ 多謝東主!
真係好鍾意夏天,個人都活力好多,冬天個天成日死氣沉沉咁,見到都無咩動力~~~
回覆刪除[版主回覆04/13/2010 01:16:00]淨係冬天凍冰冰已經唔係好願郁嘞!
點都好啦, 我真係好"燈" 你開心... 我都知你唔會變得commercial 不過 lee 件真係一件好事黎架 恭喜 Mrs. T 就一定要 只怪我原來遲左...
回覆刪除[版主回覆04/13/2010 01:15:00]唔遲唔遲! 再次多謝東主~
不過事實真係無咩大不了 - 小編輯輪住擺人上去之嘛!
上到既blog 唔代表一定好睇; 上唔到既亦唔代表唔好睇~ 係咪?
d兔仔係唔係野生呀?好大隻, 好可愛
回覆刪除[版主回覆04/13/2010 01:13:00]係野生架! 佢地周圍走，人養既話點捉得返呀?
D兔仔好得意呀～～咁妳會唔會見到松鼠？
回覆刪除[版主回覆04/13/2010 01:12:00]松鼠比較少~ 因為佢地要喺有喬木既地方嘛! 我依度市區少喬木，比較少見! (咁都見過既~)
唔見傻婆嘅??
回覆刪除[版主回覆04/13/2010 20:04:00]傻婆渣緊機嘛!
以前係borading school 個大草地都有好多兔仔架..D校工叫我地唔好捉, 因為野生既兔仔如果俾人類摸過會有人既氣咪係身, 當你放走佢, 佢返到去自己既地方, 其他兔仔會唔理佢/攻擊佢...
回覆刪除唔係係唔係真呢? 不過見到佢地咁得意, 真係好有衝動想要返隻..哈哈~
[版主回覆04/13/2010 20:03:00]假架! urban legend 來架咋~ 不過佢地好怕人 + 走得好快，想捉都捉唔到.....
真係好多RABBITS 好得意呀~
回覆刪除[版主回覆04/13/2010 20:02:00]唔知點解喺pet shop 見到佢地又唔覺得意~ 硬係喺街見到我就覺得佢地好可愛~~~
兔仔好得意呀
回覆刪除真係好好天喎，依兩日香港都好鬼熱，不過今晚又開始返風，聽日開始又話涼番啲，比啲天氣玩死
[版主回覆04/14/2010 18:52:00]其實兔仔pet shop 都有大把，每次去親pet shop 我又唔會特別睇 + 覺得佢地得意喎~ 唯獨見到野兔時我就大驚小怪......
咪同我依度一樣囉! 尋日同今日又天陰陰 + 涼返好多......