簡易蟹肉粟米湯; 豆腐五香粉蒸肉; 蕃茄蝦仁炒蛋 & 炒菜心
本來尋晚唔係煮依咋餸架!
老公就放工時我突然太懶無乜mood 煮原來plan 好既菜單
......但連續幾日無煮飯，就算出街食or 叫外賣，都唔知食乜好~~~~ 
都係煮啦! 不過已經唔夠時間準備之前想整既野~ 唯有睇吓屋企有咩存貨可以快手搞掂一餐啦!
雪櫃有1包枚頭肉、1盒快到期既熟大蝦、仲有幾隻後日到期既雞蛋 + 1包菜心;再摷摷食物櫃裡面有咩可以用來配搭上面果咋材料......有盒早排買既五香蒸肉粉、1盒紙包豆腐、史雲生清雞湯、罐頭粟米、罐頭蟹肉.....
就係咁夠哂材料臨時砌一餐出來嘞! 
咪住 - 咁蕃茄喺邊度來呀?
因為大蝦 + 雞蛋就快到期，所以好急切要食咗佢地~ 不過我尋晚唔想食蝦仁炒蛋，想食蕃茄炒蛋!!!
即刻打電話叫老公返來前幫我買幾隻蕃茄!
簡易蟹肉粟米湯食譜click here~ 豆腐五香粉蒸肉食譜click here~ 蕃茄蝦仁炒蛋(參考食譜)click here~
最好就係清曬個雪櫃再買野番屋企.....哈哈
回覆刪除同埋食雪櫃都要幾用心思先得...
[版主回覆04/07/2010 18:00:00]係啦~ 尤其我依d唔想煮時，但見到減價都會買餸返屋企既師奶! 搞到雪櫃 + 食物長期客滿......
哈哈~~~~清左個雪櫃,又可以去買野食啦!!
回覆刪除[版主回覆04/07/2010 20:57:00]不過我好多時未清個雪櫃就再買野食架嘞!
五香蒸肉粉係咩嚟架 ??? 五香粉 ? 香港買架 ?? (哈哈, 十萬個為什麼)
回覆刪除時不時都要攞d倉存出嚟睇下, 尋日岩岩滅左包自發粉, 過左1日期咁大把
唔買,拿起手又無得用, 買買埋埋有時又會過期 ~
[版主回覆04/07/2010 21:38:00]好似係碎粉 + 五香料~ 依盒野台灣出品，我喺依度既中式超市買架!
係呀~ 係呀~ 妳講中哂呀!!! 唔買拿起手無得用，買埋一大堆又怕過期要成日check 住! 完全講中哂師奶心聲!
你真係有急才咁容易就諗到咁多餸出來 .
回覆刪除[版主回覆04/08/2010 02:06:00]屋企買埋買埋咁多存貨，就係依種時候用架嘞!
嘩﹗你屋企都好多貨啵﹗隨手都可以炒出幾隻送﹌ 五香粉蒸肉餅好味呀﹐好鐘意五香粉陣味﹌ 罐頭蟹肉我都有買過呀﹐不過呢邊果的有骨架﹐好難食架﹌
回覆刪除[版主回覆04/08/2010 02:05:00]係架! 我屋企食物存貨多到我唸2、3個月唔出街唔入貨都可以生存到!
妳用過依隻蒸肉粉呀? 係咪一樣架? 我都覺得好香，不過無咩味......
依度罐頭蟹肉有幾隻 - 有一隻shredded crab meat 的確好多骨架! 不過平d~ 我今次用依隻係chunky，啖啖肉又無骨! 不過係shredded 既3倍價錢........
V女, 我收到喇~~~ 搵日要試用下先~你用左未呀?
回覆刪除[版主回覆04/08/2010 02:00:00]收到啦! (挑~ Royal Mail 又話唔寄得! 真係想攞妳個blog 比班八婆睇!!! )
妳依套我用過啦! 我聖誕前買架嘛~ 聖誕果陣我都用佢刻咗幾個章，不過唸住再刻多幾個先一次過出post!
不過依套最細既V1無我想像中咁細! 但我都覺得幾好用~ 我早排另外喺ebay 又訂咗套依種刀 (由美國寄來)，ebay 依套個V1細好多 + 尖好多，我唸刻出來既線可以更幼! 搵日得閒試吓先!
粉蒸肉我聽過不過未食過，原來係有五香粉既~
回覆刪除[版主回覆04/08/2010 17:02:00]我都係第一次試咋! 不過我覺得麻麻地~ 唔知關唔關盒蒸肉粉事呢?
蒸肉粉我未用過呀﹐不過我有五香粉 ﹌ 我成日以為蒸肉粉要自己用糯米磨﹐你果盒方便好多﹌ 我罐蟹肉係係亞超買既﹐得一隻牌子咋﹐算平不過唔好食﹌
回覆刪除[版主回覆04/08/2010 17:01:00]依盒野方便不過唔好食~ 唔會再買!
我依邊中式超市有急凍鮮蟹肉賣~ 我唸會好好味! 但太鬼大盒，溶咗雪後唔知點辦.......
唔知煮乜都諗到咁多新野出黎...勁
回覆刪除我諗到頭都爆其中一隻皮蛋都係唔食飯,最後要出動我最新買俾佢地既米奇同米妮學習筷子佢地先肯乖乖食飯
[版主回覆04/08/2010 16:59:00]點解妳好似成日照顧皮蛋們起居飲食既?
佢地父母呢?
皮蛋daddy冇返...佢地媽咪返黎就係享受囉(一個人薯出去行街扮)所以一返黎兩隻皮蛋就我負責囉,...但我又好enjoy喎,我實在太愛佢地嘞,一年先見佢2-3weeks,仲有d嫌唔夠耐添
回覆刪除[版主回覆04/08/2010 23:34:00]妳咁鍾意小朋友唔自己生返個?
自己既咪成日都見住囉~
我成日放假都想煮飯,但成日都諗唔到煮咩餸...今個星期六煮飯先!!
回覆刪除我通常都煮飯, 因為出去都唔知食乜好, 但係有時都唔知煮乜好, 真係好煩
回覆刪除[版主回覆04/10/2010 04:03:00]香港周街都係野食都唔知食乜好?
如果妳來到我依度仲慘呀! 出街食無咩選擇; 自己煮都無咩選擇 - 因為好多時想整既都未必買到材料!