上回提要......我樽自製水果酵素發咗2星期都好似無乜料到
，所以我由佢發多1個星期，終於都有泡嘞~ 不過有網友話我知原來無泡都係正常既! 
Anyway 尋日(4月14日)我第一次試飲 - 我將酵素隔咗渣，齋留汁~
本來一打開樽有強烈酒精味道，但隔完渣之後酒精味道就散哂嘞~ 神奇地酵素汁液帶有一種似蜂蜜香味既果香! 但我無落過蜜糖喎......
有網友話佢地整既酵素好酸要溝水飲; 不過我依樽就係甜既，都有少少酸 - 我唸係檸檬! 酸酸甜甜味道唔錯，又帶蜜香，幾好味架!
我自己依樽其實唔溝水飲都無問題，不過我都有溝水 - 因為我平時都飲好多水，我唸只係個人習慣，溝唔溝水應該無乜所謂! 就算飲酵素都要飲水架嘛~
至於飲既份量，好多網友都有唔同講法~ 有人話一日最多30ml; 有人又話可以90ml......
我個人就認為喺未知道自己飲咗酵素後會有咩反應之前，最好由份量少飲起! 我尋日飲咗一次30ml，暫時未見有咩變化......
見有d網友話飲過一次酵素已經好暢通無阻~ 可能我一向都飲好多水，一向都暢通! 所以暫時感覺唔到分別啦!
發酵完隔好渣既酵素要放入雪櫃保存喎!
我飲完酵素又無咩特別野喎 (除左上次試過angel個隻酵精 ... 一瀉千里呀)
回覆刪除我果個真係好酸, 可能因為我加左蘋果醋
咪當有病醫病, 無病強身 ~
[版主回覆04/15/2010 20:07:00]我唸都係因為妳架咗醋，因為我果樽酸酸甜咁就咁飲都得!
我都係咁話 - 有病醫病，無病強身~ 不過我想加埋皮膚靚靚!
我都買咗 lemon 同 orange 諗住整呀~ 不過諗緊加唔加蘋果醋好.....
回覆刪除[版主回覆04/15/2010 20:05:00]妳唔係食緊蒜頭醋咩? 唔好直接飲用太多醋啊~ 長期可能影響胃酸分泌整壞胃啊! 試吓唔好落啦，都好好飲架~~
所以上星期係可以飲囉... 冇飲開都係唔好唔溝水
回覆刪除[版主回覆04/16/2010 02:30:00]應該係~ 正式飲時可以先試味，睇吓自己覺得洗唔洗加水!
嘩!!飲完暢通無阻又真係幾好喎,等我又整樽飲下先!!
回覆刪除[版主回覆04/16/2010 02:30:00]好多網友係咁講~ 但我一向暢通，所以覺得分別不大!
有人早，午飲左90ml之後皮膚敏感，可能飲太多唔受得
回覆刪除而我就想keep住飲
[版主回覆04/16/2010 02:29:00]妳受得到既可以keep 住飲咁多!
啲色都有啲似蜜糖水 等我都試下整先~
回覆刪除[版主回覆04/16/2010 02:28:00]我覺得似........
好呀~ 等我就試下唔加醋先~~ thanks 靚女~~
回覆刪除[版主回覆04/17/2010 01:12:00]you're welcome~~~
d顏色真係好似蜜糖
回覆刪除[版主回覆04/17/2010 01:11:00]不過好似水咁稀架!
好~等我又試吓，我都想暢通無阻
回覆刪除[版主回覆04/17/2010 01:11:00]妳好"阻塞"咩? 平時飲多d清水都會幫暢通架~
上個星期四學你整咗樽酵素，剛剛去完韓國返黎，發現樽酵素入面的lemon發"毛"，成樽比我倒咗!
回覆刪除[版主回覆04/29/2010 18:20:00]可能因為妳d水果未徹底抹乾水份; 又有可能裝酵素既容器唔乾淨~
不過我見其他網友好似話出白霉無問題，但出黑霉就唔要得~ 但我自己果樽黑白都無喎!
點解咁多水, 可能橙和雪梨多水份, 我都要用你的配方!!
回覆刪除[版主回覆07/19/2010 21:22:00]我唸我用既水果種類水份多啩!!?!?
發酵完後我仲搾哂d汁先揼渣架~