豪 + 蠔 - 2010年4月12日 (附食譜)

野菇黑松露醬意大利粉, 配歐芹牛油燒龍蝦

依餐咁"豪"既係尋晚既晚餐來;

不過我尋日晏晝既一個人午餐都好"蠔"架!

喺晚餐無餸食剩既日子 - 就代表第二日我既午餐無著落......

有時偷懶午餐我會食個出前一丁當搞掂; 有時有興致煮就一個人都食得好豐富架!

 e.g. 上星期五我整咗煲方魚肉碎蠔仔粥做午餐 .........

 方魚肉碎蠔仔粥食譜click here~

 隨手拿起材料都整到碗粥，就緊係用雪藏生蠔啦!

依包韓國生產既雪藏生蠔都幾大包，煮粥只用咗一半~ 不過溶咗雪又唔可以再放返入冰格......

 所以尋日晏晝用剩低一半既蠔仔來煎我至愛既蠔仔餅!

炒埋雪櫃裡面仲有果幾條菜心; 忍唔住好想食又整咗2磚腐乳 ...一個人既午餐我覺得好豐富呀!

老公放lunch 打電話來問我lunch 食乜，佢知道我食煎蠔餅都不知幾恨食!  

哈哈~~~~~

 蠔仔煎蛋 / 煎蠔餅食譜click here~

日頭"蠔"完，夜晚果餐就"豪"!

 今次用既意大利粉 - 黃色果包......

 同埋黑松露醬，都係2月去羅馬時既戰利品! (我終於都捨得食嘞~~~ )

1人1隻燒龍蝦......姣痴~ 姣痴!!

 不過我整完依碟野時硬係覺得有d野唔對路......
我唔記得整d龍蝦拑呀~~~~~~~即時入雪櫃! 要唸吓點樣搞掂果4隻拑......

 野菇黑松露醬意大利粉, 配歐芹牛油燒龍蝦食譜click here~

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

3星期前學人自製咗樽水果酵素! (網誌)

原本浸2個星期已經夠~ 不過直至上星期為止，樽野一粒泡......都無!

除咗d糖溶哂之外，裡面既水果同2星期前一模一樣 - 連放面既蘋果，個樣竟然仲好新鮮完全無生銹! 糖水又好清喎.....
但我見其他網友整既水果酵素起泡起到似啤酒咁喎!

於是就由佢放多一星期......

 唔知係咪過去一星期熱咗，有反應嘞 - 起泡嘞!  而且仲見到不停有細波仔由底升上去~~~

咁尋日打開佢唸住試試味啦........

一打開個蓋大陣水果香味混合刺鼻酒精味即攻出來!!!

鼻窿似著火感覺! 嚇到我即時冚返個蓋!!

有無人可以話我知 - 究竟我樽酵素成功定失敗咗?  仲飲唔飲得呢??