青紅蘿蔔煲瘦肉; 豉汁排骨; 薑蔥炒龍蝦 & 蒜蓉菠菜
我發現自己心情靚靚與否，其實同天氣有好密切既關係!
今個星期天氣非常麻麻，除咗星期二 + 星期三落雪之外，過去幾日都天陰陰又凍冰冰
.......搞到個人懶鬼哂，乜都唔想整、唔想煮~~~~
(懶妳就懶啦!!!
) 今朝起身居然陽光普照，煮野意慾大增!
即時攞齊哂新舊玩具出來開光......
) 
而且仲好鬼鎖水 - 蓋上蓋後湯一路滾緊都唔見有水蒸氣走出來喎!
哇~~~~~~ 好犀利呀!!
果然名不虛傳.....刀身非常輕巧，刀柄設計好好渣手，而且真係好鬼利啊!! 從未試過切紅蘿蔔切得咁輕鬆 + 咁快~~ SUPERB!
德國既blog 友話依舊野可以代替中國青蘿蔔來煲湯~ 我又買個來試試先......
批緊皮時已經聞到味道好似...煲完湯出來果然好得喎!
啖湯好鬼甜好好飲啊!!!
偷懶咁多日無煮飯........為咗補償一句怨言都無既親愛老公
，特別買咗老公最愛既龍蝦! 
買咗2隻來試試62既煮法 - 薑蔥炒龍蝦 (偷懶速簡版!
)62用既當然係新鮮生猛既巨龍精啦! 不過今次我第一次試整，就用住急凍野來練習吓先啦.......
老公食到連殼都"損"埋，仲話好食過62整既呢!
至於我自己......我自己都覺得味道同62整既無乜分別! 哈哈~~~~
唯一分別係無咁大舊肉囉!
今次用咗個墨綠Chasseur 鑊來炒龍蝦~ 個鑊買咗咁耐，我只用過幾次來炒菜......因為鑊氣實在太鬼勁嘞! 我仲未習慣火喉，好易炒燶餸.......用佢來炒龍蝦真係啱哂 - 夠哂火喉!
青紅蘿蔔煲瘦肉食譜click here~ 豉汁蒸排骨食譜click here~ 薑蔥炒龍蝦食譜click here~
青紅蘿白湯好甘甜好好飲！等我都買返舊泥試下煲先
回覆刪除我呢邊簡直係一日之間經歷左春夏秋冬！(其實我諗英國度度都係咁)11點出門口勁暖好好太陽，1點就陰天，2點就落大雨，3點就凍到騰騰震 天氣真係好影響心情，心情好時心情都d
[版主回覆04/02/2010 18:37:00]依度既中國超市都有香港青蘿蔔賣架! 不過上面依舊代替品Asda Tesco 都買得到方便好多~ 煲出來既湯仲好甜好好飲架!
係呀! 英國真係度度都係咁架~ 不過今日我依度又係好好天，藍天白雲~ 希望整個easter weekend 都係咁就好咯!
祝妳復活節快樂啊!
台灣買唔到青蘿蔔...唔知妳介紹果舊有冇呢???搵日去八下
回覆刪除[版主回覆04/02/2010 18:33:00]依舊野英文叫做Swede，中文叫乜我就唔知嘞! 不過煲湯出來真係好甜好好飲~~~
見到你很用心煮每一餐愛心dinner 很幸福呀 支持你 ^^ k
回覆刪除[版主回覆04/02/2010 18:28:00]多謝Katie~ 太過獎嘞!
祝妳復活節快樂啊!
之前落大雪, 我個人都好down, 又出唔到去, 都係同你一樣很少煮, 最近new york的天氣好好, 陽光普照.
回覆刪除個青蘿白個樣好特別呀.
[版主回覆04/02/2010 18:27:00]總之天陰 + 凍，我就會好無energy! 今日蘇格蘭天氣都好好呀~ 藍天白雲! 希望整個easter weekend 都係咁就好嘞!
其實依度既中國超市都有正常青蘿蔔賣~ 不過上面依種普通超市都買到，方便d啫!
祝妳復活節快樂啊!
其實咁淺嘅炒鑊，炒菜會唔會有啲難度...
回覆刪除[版主回覆04/02/2010 18:23:00]妳覺得淺咩? 我唔覺喎! 唯一有難度係鑊氣太勁要快手d炒囉~
青籮蔔青蘿蔔，我原本想從香港偷運幾條青蘿蔔回台灣的。但實在太多行李，結果冇買到。 好想飲呀！
回覆刪除[版主回覆04/02/2010 18:22:00]台灣真係無青蘿蔔賣咩? 其實我依度都有中國青蘿蔔架，不過要中國超市先有，而上面依隻一般西式超市都有，方便好多~ 一係妳睇吓台灣有無上面依種囉!
祝妳復活節快樂啊!
你個煲好特別喎 , 好似在其他blog上見過差唔多樣的, 他們用作煲仔飯而且唔錯 , 是否你的煲也可做煲仔飯呢 ? 我在香港唔多覺有得買 .
回覆刪除[版主回覆04/02/2010 18:18:00]我依個同其他bloggers 既同樣係cast iron casserole (生鐵煲)~ 香港最常見既牌子係Le Creuset / Staub，不過英國就比香港多其他牌子選擇!
當然可以用來整煲仔飯啦! 我有幾個依種煲，都整過幾次煲仔飯啊:
http://hk.myblog.yahoo.com/veronicams_tsim/article?mid=27169
http://hk.myblog.yahoo.com/veronicams_tsim/article?mid=29098
http://hk.myblog.yahoo.com/veronicams_tsim/article?mid=26684
這是生鐵煲但我看到你的不同欵煲 , 有D有白色油有D冇, 是否有唔同功用的 , 現我用日本制生鐵鑊一樣黏鑊 , 你的會否有這個問題呢 ?
回覆刪除[版主回覆04/02/2010 19:21:00]其實白色光滑面 + 黑色磨砂面都係琺瑯塗層來，作用係保護個煲本身，防止生锈~
黑色磨砂既霧面琺瑯層煲處理方法同所有生鐵廚具一樣 - 買返來時用前先用豬油韭菜來開一開佢，然後用熱水沖乾淨 (唔好用洗潔精!)，再徹底抹乾~ 之後每次用完，都只用熱水洗煲 / 鑊，唔需要用洗潔精，久而久之就越來越唔黐鍋又唔會生锈架嘞!
原來個舊係鬼老青蘿蔔, 個味又幾似喎!!
回覆刪除[版主回覆04/03/2010 23:58:00]我都係由德國網友果度睇返來先知架咋! 我覺得依種鬼佬青蘿蔔煲出來既湯仲加甜仲加好飲~ 又平喎!
我又要食埋一份呀~~~無論係個湯同個龍蝦我都睇到眼金金,下次黎英國搵你先,好想食好想食呀!!!!!!!!!!!!!
回覆刪除[版主回覆04/03/2010 23:57:00]如果妳真係來探我既話，我唔用急凍龍蝦咯~ 買隻生猛大龍蝦來招呼妳!
哎呀﹗你個龍蝦﹐我初初以為係冇殼架﹗ 我今個禮拜整死左隻龍蝦黎煲湯呀﹗ 不過殺佢前都俾佢游水爽下﹌
回覆刪除[版主回覆04/03/2010 23:56:00]點會無殼架?
生猛龍蝦我就唔敢自己殺......買親都係叫魚檔幫我放埋尿 + 斬件~
THANKS for telling me that swede is 青蘿蔔..Is the taste same ..
回覆刪除[版主回覆04/03/2010 23:54:00]you're welcome~
嘩！龍蝦你都整到！
回覆刪除厲害！
小魚公成日都話想試試在家煮龍蝦，但我就覺得龍蝦要用大鑊油坎油，好麻煩，之後啲油又唔知要唔要好，所以一直都未試過呀！
[版主回覆04/03/2010 23:54:00]依隻龍蝦本身熟咗，所以咪唔洗走油囉!
依個係偷雞做法來架咋~
如果用新鮮生猛既龍蝦，都要走油架!
個龍蝦好好味咁喎....
回覆刪除[版主回覆04/03/2010 23:52:00]係幾好味架!
我今日都煲左青紅蘿白湯呀!但係我今次買中個青蘿蔔係花心架...
回覆刪除SWEDE真係好介紹,一定要試(我仲要講買比我D其他BLOG友知!).係咪落左章魚個湯會紅色D呢 ?
[版主回覆04/04/2010 08:32:00]係架~ 加咗章魚湯色會紅d，味道又會濃d架!
係咪得架?﹗我講極個鬼佬都唔知咩放尿﹌
回覆刪除[版主回覆04/04/2010 08:31:00]我依度賣生猛龍蝦既魚檔係中國人來......