2. 豬心和豬脷洗淨血水。
3. 燒滾一鍋水，加入酒和薑片，放入豬心、豬脷和豬大腸汆水5分鐘，取出沖淨白泡，豬脷刮去厚皮。
4. 滷包2個和清水適量煲滾，加入加入適量生抽、冰糖和少許老抽拌勻煮滾10分鐘至出香味。
5. 放入豬心、豬脷和豬大腸煮至回滾，上蓋轉小火炆滷1小時後熄火。
滷包的確比自己用滷水料煮滷水方便好多! 而且仲好香又好好味~ 以後都唔洗用李錦記啦! 
不過原來依種滷包有分開 
牛肉用 + 
豬肉用果喎......
(筍尖香滷五花腩食譜click here~)
不過我發現牛肉用滷包好味d + 香味較濃!
我唸我以後滷乜都會用牛肉用果隻~
嘻嘻。。。第一是我呀！ 見到您個 滷水豬腸我又好想食呀！ 係邊到可以買到架？ 洗豬腸係咪好嗅架。。。
回覆刪除[版主回覆04/29/2010 18:39:00]第一叻叻!
雪藏豬大腸我喺依度中式超市硬櫃有賣架! 本身已經洗得好乾淨，不過始終裝過2號仔，所以仍然好臭......
哈哈...唔怪得啦!其實我用既滷包同妳係同牌子"真好家(真好食)",不過我都覺得唔對路,事開我兩次都係買橙色盒,原來妳上次用左牛肉!!
回覆刪除咁妳下次可以用牛肉滷包整牛肉麵啦
[版主回覆04/29/2010 18:37:00]原來係同牌子呀? 咁妳有無試過牛肉用果隻呀? 我覺得牛肉用好味過豬肉用呀! 牛肉用香好多架~
係喎~ 等我去買d牛腱返來整台灣牛肉麵先!!!! (不過滷包用哂，要weekend 先去買......)
洗腸係咪好麻煩呢 ??? 有無心得 ???
回覆刪除不過腸又真係好好味 ... 好矛盾
[版主回覆04/29/2010 18:34:00]我果d豬大腸係雪藏野來，本身都洗得好乾淨架嘞~ 不過始終係生 + 裝過豬仔d 2號仔......所以都仍然好鬼臭!!!
唯有一路洗一路唸住整完後既美味樣，用粟粉 + 粗鹽"省"多幾次囉!
豬心我都好鐘意食，通常我就咁用鹽醃咸佢煲粥或者滾湯咋~
回覆刪除[版主回覆04/29/2010 18:29:00]我都好鍾意豬心! 豬脷都係~ 有時想食但又懶唔想整滷水，就煲湯時揼個豬心或豬脷入去，煲完湯點美極一樣好好食!
妳真係好有心機整野食 , 次次D的製成品都好吸引 .
回覆刪除[版主回覆04/29/2010 18:27:00]過獎嘞~ 依度唔似香港乜都有得食嘛! 有時想食d刁轉d既野，唯有麻煩少少自己親手整啦~
那裡有售?
回覆刪除[版主回覆04/29/2010 18:24:00]乜野那裡有售?
呢個餸好開胃呀
回覆刪除最愛 滷水汁撈飯 好入味 哈哈 !!
k
[版主回覆04/29/2010 18:22:00]係呀! 尤其我好鍾意食內臟~ 不過我老公唔食內臟，所以依碟野益哂我一個人!
屋企個老人家唔食牛,我都冇乜機會煮,所以冇買...聽妳咁講等我試下用牛果款黎滷先
回覆刪除[版主回覆04/29/2010 20:13:00]佢話牛肉用啫~ 但唔一定要來煮牛肉架嘛!
呢個餸我家大小魔怪超鐘意食o架!
回覆刪除[版主回覆04/29/2010 20:13:00]我老公唔食內臟，所以得我一個人獨食!
我未見過呢隻滷水包﹐睇落真係好好味呀﹐我都好 鍾意食滷水食品。講到內臟﹐呢度ASDA無咩選擇﹐主要kidney﹐心好似未見過﹐可能在LOCAL肉檔有得賣。搞到我流口水啦。
回覆刪除[版主回覆04/29/2010 23:52:00]依隻滷水包泗和行有得賣! 不過唔知妳果頭有無泗和行.....
Asda 既kidney 係羊腰來~ 豬只得liver (膶)! Morrisons 好少少，豬腰、豬膶、豬心都有~ 不過豬心唔係成個，係切咗片既!
所以我喺中式超市肉檔賣整個豬心 + 整條豬脷~ 豬大腸就係雪藏野~
豬大腸我愛食~~~~~~ 有無試過整炸大腸呀!?hahaa 不過豬利唔ok , 有d難頂XDDD
回覆刪除[版主回覆04/30/2010 17:08:00]我今次第二次整豬大腸咋~ 之前我都唔知依度買到急凍豬大腸.....仲 未試過整炸大腸呀!
我鍾意豬脷呀! 基本上所有內臟我都鍾意~~~~
滷包都分牛肉同豬肉用架? 咁你滷豬肉做咩買牛肉滷包呀?
回覆刪除[版主回覆05/02/2010 06:00:00]依個牌子有呀!
我上次滷豬肉只買咗一盒滷包 - 係牛肉用來既~ 不過我買時根本無留意有分牛肉 + 豬肉用.....之後我再去泗和行見到先知咋!
哈哈。下次試下整炸大腸呀XDDD我有情意結呀!!
回覆刪除[版主回覆05/02/2010 05:58:00]好呀! 因為我都鍾意食炸大腸~
豬雜唔咁我
回覆刪除[版主回覆05/03/2010 06:49:00]豬雜、牛雜、雞雜.....我全部都啱!