我一直都覺得Twilight 絕對係一套好"神奇"既戲! 因為......
- 故事關於吸血鬼但對我毫無吸引力;
- 好難相信到咗2010年.......
- 男主角Robert Pattinson 臉型古怪 + 一副吸毒 / 長期患病咁既樣 (我覺得!
)，何解可以瘋魔到萬千少女為佢尖叫"你好靚仔呀~~~~"?? 
根本從來無打算要睇Twilight 任何一集~
不過最近開始宣傳緊今年上畫既第3集Eclipse，終於有d野開始引起咗我既注意!
Twilight 由第1集開始"紅"到依家第3集......
我所指既"紅"係
- 依套戲喺電視、雜誌大肆宣傳; 上網又無啦啦彈個pop up 廣告出來......睇來非常受12歲以下既觀眾歡迎!
但我同時發現大部份成年人都非常唔鍾意Twilight!
唔鍾意既程度仲會開個Facebook Group 來反Twilight......一早認定咗依套戲係比幼稚園睇既! 
我想睇係完全出於好奇~ 當我向老公提出想租依套戲既時候，老公話: Oh No Honhon!! It's so gay!!!!!
不過就係因為咁gay 都有咁多"靚"妹鍾意; 同時有更多既人好憎，但都可以拍到第3集......所以更加要睇吓咩料!!!
width="480" height="385">
睇完New Moon 先知道 - 依套原來係笑片來既!
(無睇第1集~ 因為好似已經無得租......
)真係笑鬼死我......
1. Jacob Black 一出場我見到佢果頭秀髮已經噴茶!
有無搞錯呀?? 飾演Jacob 既Taylor Lautner 本身已經唔係靚仔~ 佢個樣包包地又非常唔夠秤feel! 仲整個咁既髮型過佢......邊個咁大整蠱呀??
仲有佢成日唔著衫，齋著住條短褲走來走去...笑爆咗個咀好多次!
2. Bella 手指paper cut (流咁多血似比孖人牌切親多過paper cut 喎!
)，為食Jasper 因此忍唔住想食咗Bella...Edward 英雄救美一手撥開Bella......搞到Bella 成隻手爆哂缸!
哇卡卡卡卡~~~~ 依段我真係笑到我反枱!!
仲好笑過周星馳!!! 3. 臨完場Edward 依依un un 同Bella 講: Marry me, Bella!"
唸起早幾個月戲院裡面一定有好多"靚"妹覺得"噢~ Edward同Bella 求婚啊! so romantic~~~~
.......我笑到扒咗喺度!!!! 完場驚見credit 當中竟然有Dakota Fanning! (即係"War of the Worlds 強戰世界"裡面，做Tom Cruise 個女，不停尖叫果位小妹妹.....
) Dakota Fanning 喺New Moon 裡面飾演只出場幾分鐘既Jane~ 好耐無睇過佢做戲，原來佢已經大個咗咁多喎!
不過演技依然唔討好......
睇完New Moon 後我更加覺得 - 依套係一套幼稚園僵屍戲!
唸起早排見到姑仔渣住本Twilight 小說睇.....我同老公笑到噴飯!!!!
(當笑片來睇就爆哂5粒星!
)
有冇笑到嘔埋飯出嚟呀
回覆刪除[版主回覆04/02/2010 18:58:00]尋晚打緊依篇野時，笑到手震~~~~~
Twitter Background
咁好笑??@@
回覆刪除不過可能唔同人抱住唔同心態去睇,就會覺得套戲有唔同lo!
可能呢套戲都係岩d想像力豐富既人睇啦...=v="
[版主回覆04/02/2010 18:54:00]係呀~ 我真係覺得好好笑呀!
當然抱住唔同心態去睇感想會唔同啦! "心智"成熟與否都應該有d關係囉~
不過我覺得睇依 種unoriginal 又un cool 既戲， 基本上完全 唔 需要想像力囉! 睇依套戲都要用想像力既人，睇其他真係有水準既戲應該會好辛苦!
雖然我覺得twilight幾好睇...不過...非常同意jacob個part... 特別是佢經常性突然話脫就脫個下...真係諗親都笑爆咀~!!!!! 同埋張poster真係老土到想喊... 我仲要行mall見到有張壁畫size既賣緊...!! 真係成張fram埋懶係artistic個隻...笑到我拉埋男朋友一齊爆笑...!! 我諗本書應該會好睇得多... 因為我睇完percy jackson套戲、覺得好普通~ 但好奇睇埋本書先發現原來睇書精彩好多~!!
回覆刪除[版主回覆04/02/2010 18:48:00]
咁唔係所有被拍成電影既原著都好睇既! 好似 攞埋Oscar 既"The Silence of the Lambs" 咁，就係戲改編得比原著好!
一套頂級大製作尚且有咁既情況; Twilight 成個故事骨幹咁不堪，睇來書都應該係比Harry Porter 更幼稚......
我睇過第一集都好好笑的 , 祝你復活節快樂 !
回覆刪除[版主回覆04/02/2010 18:38:00]我都估第一集應該都好好笑!
我都祝妳復活節快樂啊~
我真係一集都未睇過...見好多妹妹仔瘋部戲,曾經想過租黎睇,不過次次都冇租!
回覆刪除我租左UP黎睇嘞,真係好感動,果然冇介紹錯
[版主回覆04/04/2010 00:45:00]若妳租依套的話，記住要抱住笑片心態來睇喎! 否則我怕妳會好似艾莉咁瞓著覺!
妳睇UP時有無喊呀?
真係咁好笑 ??? (等我買嚟睇下先)
回覆刪除我之前做gym,跑緊步時睇過第一集, 就覺得依d戲都係岩o靚妹多d
不過我當時掛住睇, 差d仆倒 ...
[版主回覆04/04/2010 00:43:00]買來做乜鬼? 租得啦~ 我怕妳買咗後走來插我搞到妳嘥錢!
(Empty)
回覆刪除(Empty)
回覆刪除第一集。。。我睇到訓著左。。。 我都唔明仲咩我D同事話勁好睇囉....
回覆刪除[版主回覆04/04/2010 00:42:00]我唸如果妳睇第2集既話應該唔會瞓著，因為太好笑嘞!!!!
我唔鐘意呢的戲架﹗
回覆刪除[版主回覆04/04/2010 00:30:00]咁恭喜哂妳啊!
點解近几年又興翻咁多吸血鬼戲........真係撞鬼!
回覆刪除[版主回覆04/04/2010 00:28:00]基本上依套都唔係吸血鬼戲來既! 成套戲都無見過有尖牙.......真係第一套吸血鬼戲未見過有牙!
Read the books, they are actually not bad. I agree with you, New Moon, didn't do the book justice and unless you know the background of the story plot, the film is quite disjointed. I was skeptical when I bought the books, but I finished reading them all in 3 days:)
回覆刪除[版主回覆04/04/2010 00:25:00]nah~~~~~ actually for horror / romance / vampire whatever books, there are much better authors out there! the Twilight series would never go on my bookshelf - not in a thousand years~ (i may have enjoyed the books...if i was still 12 years old! )
笑左 我十幾歲少女都對佢完全無興趣=P 但係美國呢邊D人迷得好瘋狂 我隨波逐流咁睇左2套 為既都係有話題講下 我覺得隨手拎起一本台灣言情小說都好過佢 起碼有D仲有深度
回覆刪除[版主回覆04/04/2010 00:17:00]就算十幾歲既少女，當中都會有思想成熟既人既! (好似妳咁~)
由細到大情情塔塔都唔係我杯茶~ 更莫講話我而家到咗準阿嬸咁既年紀啦~
可幸我身邊既朋友同我睇法都幾一致~ 我唔需要為咗話題而去睇依套戲! 純粹為笑~~~~
其實只係大家用唔同心理去睇姐、
回覆刪除你一早認定佢唔好睇所以咪特登搵D缺點尼講囉、
雖然我對呢套戲冇乜特別既感覺，
但係我覺得你好似對佢有偏見囉.......
呢套野既賣點係romance唔係war =]
仲有就係,,
其實，你既笑點真係低到呢..........
[版主回覆04/04/2010 00:12:00]依個係我既blog，我鍾意寫乜都得!
妳覺得我特登搵缺點來講、我對戲有偏見 + 我既笑點低 - 依d 係妳既事;
事實我真係覺得依套戲非常幼稚可笑~ 我絕對有權喺 自己blog 講我既睇法!
依套戲唔會因為我喺度寫依幾隻字仔而影響到票房囉~ 所以妳唔需要喺我個blog 度咁defensive!
其實本書真係幾好睇架！我成set書都睇晒，係唔知點解套戲會拍到一塌糊塗！可能導演又唔得、演員又唔得啦！有幾場戲我都睇到忍唔住笑左出泥！
回覆刪除另外，我唔明點解d人會咁鍾意robert pattinson，我覺得佢成日都好似"need a good wash"咁呀
[版主回覆04/05/2010 19:53:00]好多人都話書好睇，但又從來無提過點好睇法喎!?!? 不過我覺得就算套戲拍得點差，story 始終都係跟返書既內容~ 一本書有個咁gay 既故事......ive got better books to read!
估唔到你竟然睇咗, 不過我靜靜雞話你知, 我兩集都睇咗, 仲要係買飛入場睇個集...... 我諗你記得我一般會係電腦睇戲, 所以買飛去睇 Twilight 絕對唔會係我嘅主意。 其實睇完第一集我已經發誓唔會再睇, 點知..... 唉... 唔好講笑, 第二集我真係笑唔出, 悶到呢.... 最慘係我瞓唔到。 你唔講我真係唔知同佢一齊嗰個 friend 就係 War of the World 煩到全世界都想打把佢嘅小妹妹, 不過我已經原諒咗佢, 因為我而家想打把嘅係 Bella!! 成套戲煩到呢.... 唔講啦, 再講我真係會發癲!!
回覆刪除[版主回覆04/07/2010 18:37:00]我都估唔到自己會睇! 若你當New Moon 係正經戲來睇緊悶到嘔白泡啦! 當笑片來睇好得架~~~
Bella 一開波我已經想扯巴佢嘞! 佢老豆咁sweet 買個粉紅DC送比佢做生日禮物，比驚喜氹佢開心~ 個死女包完全唔appreciate! 黑口黑面好似成村人得罪佢咁，好話個老豆送禮物!! 我喺佢老豆的話會即時搶返部DC掟爛佢!!!
依個Kristen Stewart 完全唔識做戲架! 未睇New Moon 之前，租DVD睇過一套叫Adventureland - 又係做果d對父母態度好差既死女包! 佢既所謂演技同New Moon 一模一樣!!
仲有好頂唔順佢對三白眼! 張張相一係似瞓唔醒，一係就眼倔倔.....
我憎鬼死 yahoo blog, 啱啱覆又覆唔到啦.... 我噚日睇咗一套鬼片, 叫 The messgeners, 鐘意睇鬼片嘅我, 雖然見到又係佢, 但係冇選擇下唯有睇, 如果你見到呢隻碟嘅話真係唔好嘥時間, 因為不單止唔恐怖, 而且隻鬼一出嚟我就已經估到邊個係衰人同埋個結局, 當然仲有位傑出演員嘅黑口黑面演技... Ironman 2 嚟囉喎, book 咗飛未呀? 我已經 book 唔到 Imax 啦
回覆刪除[版主回覆04/20/2010 20:36:00]"The Messengers"? 係咪彭氏兄弟果套呀?? 我N年前睇咗嘞! 不過屎到我連套戲講乜我都唔記得，更莫講話記得三白眼有份做......
speaking of 彭氏兄弟~ 佢地真係令我好失望! 因為"見鬼"(李心潔果套) 實在太好嘞~ 但之後果咋一套比一套垃圾!!! 最討厭係豬皮做果集，唔記得2定3......
Iron Man 2 我無咩興趣喎! 要睇吓我老公有無興趣嘞~ 如果佢興趣都不大的話，咁我唸我會等出碟先租來睇!
no no no, 唔係港產片, 西片嚟, 2007 嘅戲, 不過冇緊要, 都係爛片一套。 係呢, 講開港産片, 你好唔好架? 我噚晚睇咗 "心魔"。 恵英紅憑呢套片攞咗最佳女主角, 不過套戲 90 分鐘, 佢出場大概唔超過 20 分鐘, 我真係唔係好欣賞到佢嘅演技囉... (我今次醒啦, copy 咗先, 覆唔到就 paste, 試到得, 哼!!)
回覆刪除hahahha, sorry madam 失覺晒, 我真係唔知佢地進軍咗荷里活~~ 我好贊同你對港産片嘅睇法, 因為我都好怕睇家吓佢地拍嘅戲, 不過有機會嘅話你睇吓十月圍城啦, 我覺得拍得唔錯。
回覆刪除[版主回覆04/24/2010 02:29:00]咁又唔洗sorry! 好明顯彭氏兄弟喺荷理活無紅到，所以先無乜人知啫......
十月圍城我有興趣架! 不過要網上order，或者等返香港先買囉.......
again! like Avator - not worth half-star!! I watched Episode III only! so rubbish!
回覆刪除[版主回覆07/23/2010 20:15:00]不過有好多人好得意架! 口口聲聲話對依套戲無感覺，又話只係鍾意睇戲裡面既打鬥鏡頭 (唔係吓化!!!?!?)，轉個頭成個blog post 滿哂Twilight 男女主角既相.......