"茶泡飯"聽就聽得多，但食我就真係第一次食!
由細到大睇漫畫、卡通片、日戲......一見到日本人用綠茶撈飯，我都會唸: 味道襯咩? 好食既咩??
尋晚11點幾夜夜地，終於一嘗日式茶泡飯既滋味!
於是煲咗1杯珍珠米......
以前仲未食過茶泡飯時，以為白飯加綠茶味道會淡茂茂好鬼寡......
但原來白飯綠茶以外，同加咗紫菜、白芝麻 + 炒玄米既調味料一齊撈勻係鹹既~ 熱辣辣又香噴噴，非常好味!!!
今日(5月1日)晏晝shopping 後返到屋企，見飯煲裡面有尋晚既剩飯...
一樣好好味!!
不過查實我食唔出同尋晚果碗唔知咩味有乜分別......
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
老公收到工作上既1個禮物包......
(我覺得貴呀!!!)
你老公返工都有禮物收咁好既﹌ 茶泡飯我都鐘意架﹗
回覆刪除[版主回覆05/02/2010 06:51:00]佢銀行成日送親都係酒呀朱古力呀.....貴夾我唔食既野! 好彩成日都有超市贈券啫 - 依個先啱我!
我第一次食茶泡飯咋，估唔到咁好食果喎!
唔好食咩？ 係咪因為您唔鍾意食甜野呀？ 我覺得HOTEL CHOCOLAT 好好食好滑喎。。。我買一排排黎食。。不過我都覺得好貴呀！
回覆刪除[版主回覆05/03/2010 06:30:00]我覺得佢果咋酒味朱古力好難食! 連我個甜品怪老公都話難食.......
我記得以前食茶泡飯係冇咩餸所以撈茶加飯食o架!
回覆刪除不過，日本茶泡飯梗係好味好多啦!
[版主回覆05/03/2010 06:28:00]哈哈~~~ 我之前又真係未試過用茶撈飯喎! 今次係第一次，真係好好味!
不如我地下個計劃試下整茶碗雞蒸丫﹌ 我唔識講個日文名呀﹌ 都好食架﹐又唔洗炸﹌
回覆刪除[版主回覆05/03/2010 06:25:00]茶碗蒸我計劃咗好耐啦~ 我連日式魚糕我都買埋，不過放咗喺冰格遲遲未開工之嘛! 搵晚整個日本之夜~
我覺得milk praline o個隻味好好食wor，係唔係你唔鍾意食甜野咋？
回覆刪除[版主回覆05/03/2010 06:21:00]我無話過全部都難食呀!
milk praline 果粒咪叫做最好食囉~
但其他尤其有酒果咋，連我個甜品怪老公都話好難食!
荼泡飯我都好似淨係係日本料理店先食過 等我下次去日式超市時留意下 試下先 yummy yummy !! k
回覆刪除[版主回覆05/03/2010 06:19:00]我今次先係第一次食咋!
其實茶泡飯既調味料自己都可以整到架! 唔一定要買我依種現成調味包~
茶泡飯我一定食唔到,因為wasabi我真係頂唔順,再加綠茶落D飯度,我會覺得好怪,我覺得自己都幾麻煩,成日都多野都唔食,唔健康!!
回覆刪除[版主回覆05/03/2010 06:18:00]妳有無食過茶泡飯先? 我以前未食過時都一樣覺得會好怪! 試過先知原來咁好食!! 加wasabi 係傳統食法，不過可以唔加架!
茶泡飯真係未試過,一定要用日本綠茶呀?定係咩綠茶都得!!
回覆刪除朱古力我都好鐘意!!盒野應該幾正架?只係妳唔好甜先覺得唔好食?
[版主回覆05/03/2010 06:16:00]我唸唔一定要用日本綠茶既! 烏龍茶 + 玄米茶都一樣得~
我係唔鍾意甜，但間中都會發神經食朱古力~ 但Hotel Chocolat 好多"創新"口味，果咋酒味好難食! 連我個甜品怪老公都話難食.......
哈哈哈。我覺得上排右2 o個粒好似............. 咸旦蒸肉餅呀!!!! 我諗完自己忍唔住笑XDD 不過我自己對甜味接受到好低...好多糖同朱古力都麻麻... dark除外.........依d真係食一粒要狂灌水呀!! 救命!!
回覆刪除[版主回覆05/03/2010 06:14:00]又幾似喎!
原來妳同我一樣唔鍾意食甜野~~~
黃昏景好醉人! 有機會都要試試綠茶泡飯先得!
回覆刪除[版主回覆05/03/2010 06:12:00]只要好天氣，就睇到好靚既黃昏~
我真係食茶泡飯食到上哂癮! 無唸過咁簡單既野會咁好味!!!
hotel chocolate D味真係好怪又好貴架... 上次去bluewater間shop 買左一盒6粒...都要4鎊20.... 有隻cherry+rum....簡直十足十藥水.......
回覆刪除[版主回覆05/03/2010 06:11:00]"Hotel Chocolat" - 法文~ 無e架!
就係有酒味果咋好鬼難食!
茶泡飯如果加d肉鬆唔知會唔會更好味呢
回覆刪除我係香港食過茶泡飯, 加左三文魚既(熟), 好正, 夏天無乜胃口食就一流
都三十幾蚊一碗 ~
我都收左好多古古力呀 ~果款Praline with Crispy Pancake 好怪呀, 救命!
[版主回覆05/04/2010 18:55:00]夠味唔洗加肉鬆啦! 加埋肉鬆就食唔到紫菜既香味，而且會太鹹嘞......
我都有依個熟三文魚茶泡飯既食譜，唸住搵日試吓自己整!
果粒Praline with Crispy Pancake 我反而覺得OK喎! 最難食係Amaretto Buttercream 同埋Amarena suspended in Amaretto Buttercream 依2款!!! 因為每款得一粒，所以我 + 老公每人咬半粒，連我老公都頂唔順~~~
i agree, Hotel Chocolat is no good!
回覆刪除[版主回覆05/04/2010 18:50:00]it's not my cup of tea.
古古力正呀, 不過樣靚未必好食呢..哈哈
回覆刪除[版主回覆05/04/2010 18:49:00]口味古靈精怪! 我就唔識欣賞嘞.....
黃昏景好靚
回覆刪除[版主回覆05/04/2010 18:49:00]係呀~ 只要天氣好就有靚景，而且次次唔同!
我都未食過茶泡飯，我又係成日覺得會淡茂茂冇黎味道 等我都試下先
回覆刪除[版主回覆05/04/2010 18:48:00]我以前就係覺得茶撈飯會淡茂茂......點知原來係咁好味喎! 我食上咗癮呀! 依幾日日日都要整碗先安樂!! 尋日先去買多pack 返來......
香港應該會有依種茶泡飯調味料賣~ 如果無我寄pack 比妳試試!