蕃茄薯仔排骨湯; 梅子蒸排骨; 蜜豆炒鮑貝 & 火腿絲炒椰菜
激死我嘞!!!!!!!!!!!!!!!!!!!!!!!!!!!!!!!!!!!!! 九千幾樣野想update，
但屋企個Internet 偏偏由星期二晚開始壞到而家都未好返!! 尋日老公打電話比provider，佢地話就話會尋晚修理好，只係唔知幾點整好......不過結果咪又係到而家都未整好!
(預咗!!) 有次冬天停電，打電話去電力公司話最多6粒鐘就會修理返好~ 但最後足足停電停足30粒鐘! 真係好討厭外國人果種他他條拖慢手腳既做野方法!!
咁我而家點update?
唯有用信用卡買咗另一個wi-fi provider 既one-day pass 頂住檔先囉!
講返依餐飯......
天氣開始熱就想食d醒胃既食物，梅子蒸排骨真係好好食~
連最憎累骨既老公都話正!之前試過用日本酸梅整過梅子蒸雞(食譜click here~)，都好食~ 不過又少又貴又唔夠酸!!
整出來既排骨好好味~ 煮中式餸菜，果然係要用返自家地方出品既材料!
蜜豆炒鮑貝無咩特別~ 之前用過翠玉瓜XO醬來炒鮑貝 (食譜click here~)，今次改用蜜豆蠔油，一樣好食! 不過鮑貝存貨食哂嘞，遲d返香港時一定要記得入貨!
火腿絲炒椰菜 - 依個更加無乜特別! 只係只前用火腿絲炒蛋剩返幾塊火腿，所以用來炒椰菜食埋佢......慳家呀~慳家呀~~~
題外話1 –
最近入依隻Meyer易潔鑊成為咗我新寵呀! (網誌~)
我依餐竟然炒燶咗少少椰菜!!
但我從未試過用易潔鑊炒燶餸果喎，所以你話依隻Meyer 係咪好好鑊氣呢? 哈哈~~~~ 
題外話2 – 我最近黐咗線呀!
連甜品怪老公都話甜得滯!
雖然我都覺得甜到黐肺，不過我竟然食上咗癮喎!!! 我懷疑依盒野落咗迷藥......題外話3 – 原來我唔止得玉手會有騎呢意外而受傷~
in fact 我全身任何一個部份都太脆弱不堪一擊! 
正當我點緊guacamole 食得好滋味時
，脷底竟然比塊粟米片割傷! 傷口仲有成5mm 長，流咗好鬼多血~~~~ 成口血又一陣血腥味即時無哂癮! 
老公話: 食薯片都會整親個口......真係第一次見!希望我個Internet 快d整返好啦!!!!!!!!!!
蕃茄薯仔排骨湯食譜click here~ 梅子蒸排骨食譜click here~ 蜜豆炒鮑貝食譜click here~
yahoo blog都成日壞呀
回覆刪除[版主回覆05/20/2010 23:00:00]今次係我個network provider 呀! 我果區所有用Virgin Media 既人全部上唔到網!!!
Yahoo Blog 壞最多post 唔到，但我完全上唔到網呀!!! 而且另外比錢用另一個provider 頂住一日，唔知佢地幾時先整好.......
妳最近似乎麻地好運喎 ! 竟然食薯片都整親 , 咁妳点止血呀 ! 流咗咁多血要食番多 D 嘢保吓先得 lu , 小心保重為要 .
回覆刪除[版主回覆05/21/2010 04:16:00]
尋晚含住張廚房紙含到口乾先止到血呀!
喺脷底真係好鬼痛~~~~~ 我尋晚 + 今朝刷牙時仲整親傷口，又流過!!!
第一次聽到薯片傷人案 , 唔知您現傷口好返未呢 ? hehe ....上次蒜頭弄傷您 , 您令佢死得好慘 , 唔知今次您會點對薯片報仇呢 ?
回覆刪除如果冇 internet 真系好慘的 , 好像突然間同外界斷絕左咁....我會否說得誇張左 d 呢 ?
[版主回覆05/21/2010 04:00:00]未呀~ 我尋晚先整到架.......尋晚臨瞓 + 今朝刷牙時都唔小心整返傷口流血!
唉~ 真係激死! 買咗個one day pass 只用咗幾粒鐘，原本個wi-fi 又整返好喎!!!!
你講得岩呀﹗的日本梅真係貴到痴孖筋﹌ ５個幾歐羅一細盒﹗ 原來隻鑊係輕架?﹗我望落去仲以為好重添﹌ 我都試過整親口呀﹗俾麵包餅乾刮親又試過﹐ 食糖食傷左又試過﹐太熱辣親同唔小心咬親都試過呀﹗ 全部都超痛﹌
回覆刪除[版主回覆05/25/2010 01:54:00]日本梅我依度要成£4一盒呀! 得好少架咋~ 咁妳果度有無依種香港梅呀? 我依個牌子幾好架!
隻鑊超輕身，但最奇係好好鑊氣，所以好好用!
係呀~ 硬糖都好容易割親口架! 口裡面皮膚薄，好容易會比硬食物整傷......
哈哈!我第一次聽人話食薯片介親條脷咋!
回覆刪除下次食小心D啦!
[版主回覆05/25/2010 01:50:00]nachos 用粟米整，又厚又硬過普通薯片，所以先會割親口~ 我下次會小心架嘞! thanks~
食薯片整親條脷我都係第一次聽架咋,HEHE~~你要小心D呀,唔好整親呀,整損左條脷食咩都無味喇!!
回覆刪除[版主回覆05/25/2010 01:48:00]我下次會小心架嘞!
條脷損咗都唔係最大問題，最慘係果陣血腥味......
原來係妳個internet作怪~~見妳咁耐唔蒲頭仲估妳去邊wet添
回覆刪除我(lum)骨先會割傷脷姐,食薯片...仲要係脷底!!都好高難度喎,咁長,有排痛嘞陰公...
[版主回覆05/25/2010 01:47:00]無咗internet 成2日咁滯，真係好唔方便!
嘩，妳都有蔥"花"喎
回覆刪除妳個口好啲未呀?? 妳又會咁唔小心既食粟米片都介得咁傷，真係唔好睇小塊粟米片
[版主回覆05/25/2010 01:45:00]買返來已經有朵花架嘞!
咁nachos 硬過普通薯片好多架嘛，都幾容易割親口架! 不過而家好返咯~
阿V, 最近成日都整親喎, 小心!!!小心!!!
回覆刪除仲流血就吟d冰水啦 ... 不過隔左咁多日都應該會好d掛
咁one day pass幾多錢呀要 ???
上唔網好煩 ......
[版主回覆05/25/2010 01:43:00]係囉~ 最近血光好強，我會小心架嘞! 而家已經好返哂嘞， 不過啱啱整到果晚 + 第二朝刷牙時，都唔小心整返流血......
one day pass要£10架! 買咗個pass 用咗幾粒鐘，個internet 整返好喎!!! 激死我~~~~~
梅子蒸排骨好多時都有整, 但梅子蒸雞我就未試過喎 , 夏天熱有時想食d酸甜開胃食物呀 ....
回覆刪除[版主回覆05/25/2010 01:39:00]蒸雞都好好食架! 依個餸真係好開胃，夏天最啱食~