2010年5月3日星期一

從未食過咁好食既Pub Food - Dovecote Beefeater (2010年5月2日)

尋日(5月2日)特登去Stirling Dobbies Farmfood Hall 買雞肝醬~ 不過Stirling 果頭無乜好食,唸唸吓都係先搞掂lunch 先!

 半路停低入咗間Pub - Beefeater~

一向對pub food 都無乜要求亦無咩期望,本來唸住依餐但求填飽肚就算......點知竟然好食成咁 - 依餐係我食過最好食既pub food!!!!

其實唔係第一次去Beefeater! N年前喺Manchester Beefeater 食過一次早餐,當時感覺同一般pub food 完全無分別~

今次一入到Beefeater,已經感受到Beefeater 同一般pub 既分別......

 尋日既是日Specials 餐牌上竟然有燒鴨 + risotto!

我真係未見過pub 有依兩樣野食!!

 正常餐牌上除咗有一般pub food,仲竟然有sea bass + 帶子......

平時既pub food 除咗fish & chip + 間中有蝦之外,sea bass + 帶子依類平時只係海鮮餐廳先會出現既海鮮,pub food 都有真係第一次見!

 兩份分頭盆Beefeater Grill Combo~

有烤免治羊肉條2條; 燒雞串2串; 燒排骨2塊; 蒜蓉包2塊 + 一堆nachos~

我食緊個頭盆時已經同老公講: 哇~ 未食過咁好食既pub food starter!!
118712980_c.gif image by veronica_tsim

 我主菜要咗是日special 既Half Roast Duck with Blueberry & Balsamic Sauce~

真係比足半隻燒鴨喎! 有一大個連鴨翼槌既鴨胸,仲有一隻肥美既大鴨脾~ 配埋香滑dauphinoise potato + 一堆又甜又爽脆既french beans + 紅蘿蔔......

水準媲美正式既餐廳有過之而無不及!!!118712982_c.gif image by veronica_tsim


 超悶蛋老公又係要burger 配薯條~
不過果細碟沙律好正! 個vinegarette salad sauce 超級好味!!!29_3_16.gif image by veronica_tsim

 是日我個開心為食樣~

 連我件間條衫都畫埋架! 不過老公手快快無畫到我札辮......



15 則留言:

  1. 你老公的畫功好得喎! 好"得意"! 好有天份喎!!
    [版主回覆05/04/2010 18:35:00]多謝何媽! 我都好鍾意老公畫我既公仔~
     
     

    回覆刪除
  2. Gaileは林家歐巴桑2010年5月3日 下午5:36

    pub food有超水準真係少有...份量仲落足料,通常妳對佢冇期望就會俾到妳驚喜,睇黎妳食得好鬼爽
    Mr.T仲畫少左妳果兩粒鑽石耳環
    [版主回覆05/04/2010 18:33:00]真係完全無唸過pub food 可以咁正! 尤其之前都食過Beefeater 既早餐但無乜特別.......依間一定要再幫襯!!
     
    哈哈~~~ 係喎! 老公淨係記得畫我條頸鍊,唔記得畫我對耳環喎!
     
     
     

    回覆刪除
  3. 香港d pub food好多都唔錯架
    見到個Beefeater Grill Combo流哂口水添
    Mr. T畫得好快手, 又畫得好cute呀  
    [版主回覆05/04/2010 18:30:00]但喺英國pub food 好參差嘛!
    除咗個Grill Combo 好味之外,主菜都一樣好有水準~
    老公等緊野食來,咪求其畫吓我d公仔囉!
     
     

    回覆刪除
  4. 哈哈, 乜今次畫得你對眼冇咩神既~?
    仲好想訓覺??
    [版主回覆05/04/2010 18:28:00]我唔覺喎!
     
     

    回覆刪除
  5. 你個主菜有足半隻鴨, 見到就勁開心呀, 係香港出去食多數都只係得幾片肉咋
    [版主回覆05/04/2010 18:28:00]喺依度如果去餐廳食鴨,都一樣係得幾片肉架! 不過依間係pub,所以份量先咁大~
     
     

    回覆刪除
  6. 睇個賣相都好得咁喎,我鐘意個Grill Combo  
     
    妳老公啲畫公真係冇得彈呀  不過爭兩滴口水喎,依家個樣未夠為食
    [版主回覆05/04/2010 18:27:00]依間pub 就算同餐廳相比都真係好好食! 而且份量比餐廳大,所以比普通pub 貴少少都係值既~
     
    Thanks 阿四~ 老公話要每次出街食飯都畫一個我,要畫滿成本簿仔喎!
     
     

    回覆刪除
  7. WOW ... 份量都好大喎....  你個公仔好 cute 呀.. 又似你....
    [版主回覆05/04/2010 18:23:00]大份又好食! 完全估唔到pub food 有咁既水準~
     
    我都好鍾意個公仔呀!
     
     

    回覆刪除
  8. What a nice couple!  You look very young.
    [版主回覆05/04/2010 18:22:00]Thanks Eleana!
     
     

    回覆刪除
  9. 你老公畫妳既公仔好得意
    [版主回覆05/05/2010 05:16:00]Thanks Andrea~ 我都覺得老公畫得我好可愛!
     
     

    回覆刪除
  10. 我鐘意食NACHOS架﹌ 最好有多芝士﹌ 其實你老公會唔好食下你的野咁架?
    [版主回覆05/05/2010 05:15:00]nachos 最好睇戲時食! 最好仲要有一pat 黃色臭臭地既芝士醬~~~
     
    唔係好明妳最尾問乜?  係咪話我老公會唔會攞我份餐食吓呀?  我地出街食飯有個習慣 - 第一啖會先餵比對方~ 如果對方都鍾意自己份餐既話,會大家都切份餐同對方交換~~~
     
     

    回覆刪除
  11. 半隻鴨咪好大碟?你食唔食得曬呀?不過咁好食應該無問題!!
    [版主回覆05/05/2010 18:03:00]食哂呀! 食哂d鴨 + d菜,不過剩返少少薯仔,因為薯仔用忌廉煮好漏....  但真係好好味!!!
     
     
     
     

    回覆刪除
  12. Almaly 卡樂B媽咪2010年5月5日 上午7:27

    個日去完FRANKE & BENNY'S 先醒起另一邊馬路有BEEFEATER,好耐無去過,不過我仲記得佢地個MENU係幾特別(有D東南亞野食),D GRILLS整得好好。你一提。。。我要快快去食一次先得!
    [版主回覆05/06/2010 21:07:00]果日我去唔多覺有東南亞食物,可能係唔同分店供應唔同食物? 又或者佢地間中會轉吓餐牌~ 我已經愛上咗依間Beefeater,一定會再幫襯!
     
     

    回覆刪除
  13. 你老公d畫功真係越來越正.....
    [版主回覆05/06/2010 21:05:00]多謝小尾子!
     
     

    回覆刪除
  14. 無睇錯喎真係pub food喎!
    [版主回覆05/06/2010 21:05:00]係pub food 呀! 佢地仲好似一般pub 咁有£5.99 Sunday Roast Offer 架~ 不過味道就相差好遠嘞!!
     
     

    回覆刪除
  15. 點解妳老公唔畫埋妳流口水個樣上去
    [版主回覆05/06/2010 21:03:00]口水樣主頁右上角整咗個啦!
     
     

    回覆刪除

Related Posts Plugin for WordPress, Blogger...