西洋菜滾豬肝; 花雕炆雞 & 蠔油雜菇扒豆腐
依餐本來係星期五煮既，不過星期五晚懶蟲突然上身唔想煮 (KFC搞掂!
)尋日星期六weekend 就更加唔想煮，不過發現雪櫃有1大盒豆腐 + 2盒雜菇 - 全部都即日到期!
為咗唔想浪費，唯有焗住煮咗佢......最近Tesco 西洋菜好靚，搞到我成日都想飲西洋菜湯~
早幾日先飲完西洋菜粟米陳腎，今次想飲滾湯，就用來滾豬肝啦! 
老公雖然唔食豬肝，不過佢話啖湯好好飲!上三餐都係食豬
，係時候食吓雞嘞! 
好耐無整過嘞~ 個汁撈飯一流!
不過今次唔小心倒多咗花椒出來，搞到花椒味道重咗少少.......
即興唸出來既食譜，又唔錯喎!
星期五晚幫佢開光......
當燉盅咁都幾好用喎! 啱啱好燉哂一盒牛腱~
不過今次我好大頭蝦 - 我唔記得先將牛腱汆水，搞到燉出來既湯好濁唔清......
西洋菜滾豬肝食譜click here~ 花雕炆雞食譜click here~ 蠔油雜菇扒豆腐食譜click here~ 當歸紅棗燉牛腱食譜click here~
妳覺唔覺得 Le Creuset 真係好重好重 ...
回覆刪除我原本見好多人買左又話好正,好靚
但係我一拎起 個 煲蓋 ... 即刻打消左個念頭 ...
[版主回覆06/01/2010 16:39:00]我以前都覺得太鬼重 + 覺得"洗唔洗呀?"咁.......就係因為太重好turn off，有幾次真係臨扑槌想買都縮沙!
不過自從我買咗第一個cast iron casserole 之後 (唔係LC，係另一法國牌子Chasseur~ 不過款 + 質量同LC 一模一樣!)， cast iron 唯一缺點真係好重! 不過用來炆野煲湯真係一流!!!
我真係越用越上癮!! 我而家有3個煲、1個大鑊、1個frying pan + 1個grill pan - 全部都重到阿媽唔認得!!!!
好補呀個湯，醒碗黎啦
回覆刪除[版主回覆06/01/2010 16:31:00]來來來~~~~~ 趁熱一齊補返補!
當歸湯正呀...LC依個樣當燉盅又真係好岩喎
回覆刪除[版主回覆06/01/2010 16:30:00]依個LC用來做燉盅真係啱哂!
你碟蠔油雜菇扒豆腐﹐如果我用黎送飯﹐ 我諗我三大腕都食得落﹌
回覆刪除[版主回覆06/01/2010 16:28:00]依個又有汁，炸豆腐又香口，係幾好送飯架!
個花雕炆雞好正呀, 你用全雞定雞脾肉整架? 就咁睇相已經見到啖啖肉喇, 啲邊邊位又整到微脆咁好吸引呀
回覆刪除[版主回覆06/01/2010 16:28:00]我用雞全脾~ 一來全雞2個人實有排食; 二來雞脾炆起來滑好多!
樣樣都好岩我喎,我都好想食埋一份呀!!
回覆刪除[版主回覆06/03/2010 06:18:00]嘻嘻~~~~ 係咪好啱妳口味呢?
個湯真係好正, 好想飲返碗
回覆刪除[版主回覆06/03/2010 06:17:00]有2個唔同湯喎~ 妳想飲邊個呢?