自製環保洗潔精

市面上既洗潔精大多都係檸檬味 - 我最憎!!!!

果陣所謂檸檬味假到呢......真係聞到都想嘔~~~~


以前我一直用開M&S既薰衣草洗潔精，但後來無咗唔再出.......

 我就改用依隻 - Cussons Morning Fresh Wildflower~

依個雖然係大牌子間間超市都有得賣，不過依隻紫色野花味就唔係間間都有得賣! 檸檬味就大把......

其實我寧願洗潔精完全無味，都好過果陣化學檸檬味!!!!

早幾日睇NHK台，一個住喺日本京都既英國女人Venetia Stanley-Smith 教點樣自製eco-friendly rosemary 洗潔精......

我好有興趣整呀!

當中一種材料"powdered soap" - 節目中話係用鹽 + 煮過餸既廢油製造出來既梘粉，望落似奶粉~

不過節目中無教點整powdered soap，又無講邊度有得賣...都唔知去邊度搵powdered soap??

 尋日我無意中喺Tesco 發現依隻純梘片......

 包裝指明純梘片不含任何化學漂白劑 + 香料，性質天然溫和不傷皮膚，對環境損害又低!

 倒出來係咁既~

 廚房窗台果大盆rosemary 越生越欣欣向榮~~~ 仲開咗好多紫色花仔呢!

今日睇網上新聞，Glasgow 係全球eco-friendly 城市當中排47~ ( I guess it's not bad!!?!?)

等我又剪幾條rosemary 來自製環保洗潔精，為環保出一分力啦!

環保迷迭香洗潔精做法:

 1. 將6段迷迭香枝葉(每段約10cm 長) 放入清水1L煮滾，蓋上蓋中小火煮20分鐘。

 2. 熄火後隔清迷迭香枝葉。

 3. 趁液體仍然有餘溫，加入1/2杯純梘片，拌勻至梘片完全溶化，待放涼後入樽即成。

自製環保洗潔精用後感......

唔錯喎~ 香味好subtle，唔會一陣味咁攻過來，啱哂我!

雖然唔似一般洗潔精咁起泡，不過洗碗洗得好乾淨啊!!

唔知點解大部份環保清潔用品都比唔環保既產品貴?

不過一盒純梘片只售£1.56，大約2枝唔環保洗潔精既價錢~ 不過就可以自製好多好多枝環保洗潔精嘞!

又平又環保又唔會有難聞假檸檬味......

等我下次試吓整薰衣草 + 玫瑰味洗潔精先!