屈服 (2010年5月5日)

我曾經話過屎都唔會買stand mixer!

其實我都有睇過人人讚好既KitchenAid、有型靚仔Kenwood kMix、Kenwood Titanium、Gordon Ramsay......等等專業stand mixer~

但除咗雪櫃之外，我真係好唔鍾意廚房有一大座唔會日日用得到，又唔可以隨時搬來搬去改變位置既用具! 在我來講非常咁阻訂!!

不過最重要係我覺得就算有咗一部stand mixer，但點都應該要有一部hand mixer 看門口e.g. mix 材料份量少既時候用......

 繼我之前部手提kMix 只用咗4個月就打柴......(網誌)

 剛剛好1個月前換咗部James Martin 返來，印象中之前只用過佢4次......

 依部James Martin 雖然只得300W，但唔知點解會比起有400W既kMix 更勁?  係我用過最高速既mixer!

連最細力度1號都超級勁，所以無論整麵包或蛋糕都好，我都只用1號，從未用過2、3、4、5，更無需要用到Turbo 功能~

不過尋日第5次用佢來整楓糖吐司......我剛打好麵糰時佢就一聲怪叫突然斃命!

似乎次次都係整麵包時出事!!  咁點解我又唔買部麵包機呢?

因為......

(1) 就算有咗麵包機，我仍然需要一部mixer 用來整蛋糕 + 其他野;

(2) 我覺得將所有材料放哂入去麵包機禁個制攪攪攪...甚至焗埋個包就有得食......咁"高科技"既整麵包方法實在太唔好玩嘞!

(3) 有麵包師傅 + 麵包機用家都同樣講咗 - 麵包一定要用手搓過先會更好食! 只用機打質感比手搓既差~

我唸原理同手剁豬肉 + 機攪免治肉一樣! 所以我從來整麵包將材料打到有筋性時，就會改用手搓!

(4) 我係唔信邪! 既然hand mixer 有麵糰勾，咁即係依個產品可以用來整麵包架啦! 我跟足使用手冊指示去用都壞，咁好明顯係產品質素問題嘞!!

越講越遠呢 ......anyway 用咗2個唔同牌子型號都打柴，Argos 可供我再換既hand mixer 型號已經越來越有限......

 今次唯有屈服換咗佢返來 - Breville~

 佢有380W; 唔太大部又唔太重; 加上白雪雪幾靚女......

 除咗有一般mixer 既麵糰勾 + beater 之外，仲有一對bubble whisk (中間幼d果對!) e.g. 可以用來mixer 醬汁~

 Mixing Bowl 有2個速度既自轉功能;

 Actual Mixer 有10個唔同速度，加Boost (即Turbo!);

 最重要係mixer 可以拆出來當手提用!

 個座平時可以收埋佢唔會阻訂~

希望佢會好用，唔洗再換機啦!

(雖然仲未開光，但我已經有少少鍾意咗依個新玩具~~~)