2010年5月24日星期一

二人世界Weekend 自己煮 - 2010年5月22 + 23日 (附食譜)



蕃茄薯仔排骨湯; 蝦醬蒸排骨; 帶子粉絲蒸水蛋 & 炒菜心苗

Weekend 我多數唔煮飯! 不過依餐本來係星期五煮既,但星期五晚最後食咗KFC做dinner,所以塞咗d餸入雪櫃......

星期六出街食咗Wudon; 尋日星期日晏晝餓到發癲但食咗餐好難食既中國茶!!!  原本想飲完茶即時去食第二d野,不過記得雪櫃仲有星期五預備好但未整既餸,最後都係返屋企拿拿淋煮餐飯!

蕃茄薯仔湯係星期二飲剩既,入咗雪櫃之後都無煮飯,尋日見仲未變壞就飲多餐啦! (我慳家嘛! )
我誓要令老公接受鹹魚蝦膏大作戰又成功咗一步嘞!Laugh-small.gif image by veronica_tsim

上次個鹹魚雞粒炒飯,令老公接受咗鹹魚;

 今次輪到挑戰老公更加討厭既蝦膏!

我煮緊飯時,老公問咗我幾次"有d咩食呀?"

我都只係好簡單咁答佢"排骨" - 完全唔透露半點任何有關蝦膏既消息! 廢事老公心理上會有所防範......

因為幾年前老公一次意外地喺雪櫃裡面搵到一包開咗但我已經包好咗既馬拉盞~ 依個傻人習慣唔知果樣係咩來就會攞來聞吓......

1775465285.gif image by veronica_tsim 佢聞完包馬拉盞就即時大叫: Honhon~ 依包咩來架? 好臭呀~~~~ 係咪變壞咗? 妳快d揼咗佢!!!!

(我緊係睬佢都傻啦! )

但從果日開始,每次我整親馬拉盞 / 蝦膏蒸肉片,老公都完全掂都唔掂! 所以我已經好耐無整過蝦膏......

不過上次鹹魚既成功,令我信心大增!
Smiling-Small.gif image by veronica_tsim 所以今次再下一城,果然不出我所料!!

因為老公事先唔知道係蝦膏,食落口後同樣唔知道係蝦膏! 仲食得津津有味....

_344.gif image by veronica_tsim 我: d排骨好唔好味呀?

_1856.gif image by veronica_tsim 老公: 好好味呀!

_1557.gif image by veronica_tsim 我: 咁你知唔知係咩來既呢?

(見老公稍微一呆_1645.gif image by veronica_tsim,一副知道事有蹺蹊咁既樣~ 再戰戰兢兢咁估......)

_381.gif image by veronica_tsim 老公: 係咪黑椒呀? (想死!!!! )

_1554.gif image by veronica_tsim 我: 係你至至至憎既蝦膏! 係咪好好食呢? 唔臭唔難食呀??

_353.gif image by veronica_tsim 老公: 係蝦膏????? 又唔係太大陣蝦膏味喎! 妳緊係鍚住我所以落得少少呢......(有人喺度死撐喎! 呵呵~~~~~ )

無喎~ 我係好鍚我老公,但我無落少蝦膏喎!

一向都係落咁多果喎!!_2264.gif image by veronica_tsim

 依隻泰國蝦膏味道唔錯~ 而且細細盒,最憎大大樽食九世都未食完果d!!!

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
 星期六整咗個街好少有得食既英式早餐 - Kippers with Soft Boiled Eggs~

來咗英國咁多年都未試過kippers~ 喺超市見就見得多; 睇電視又聽得多話係英式早餐......但出街食早餐就從未見過有得食!

 見到Tesco buy 1 get 1 free,就承機買來試試~

其實我都覺得幾好食~ 不過kippers 有太多幼絲軟骨,雖然係食得落肚唔會哽親,不過對唔習慣既人來講都幾turn off........

 蕃茄薯仔排骨湯食譜click here~

 蝦醬蒸排骨食譜click here~

 帶子粉絲蒸水蛋食譜click here~

 Smoked Kippers with Soft Boiled Eggs (煙燻鯡魚配流心水煮蛋)食譜click here~


13 則留言:

  1. 哈哈 我諗你今次整既 蝦膏排骨好好味啦 老公都食唔出 , 仲話好好味 ^^ k
    [版主回覆05/24/2010 23:35:00]佢食唔出蝦醬係因為佢幾乎未食過! 成日話臭臭臭就唔食,咁唔食過又點知自己鍾唔鍾意呢?
     
     

    回覆刪除
  2. 哈哈哈哈哈哈 ﹗你係咁答話食排骨﹌ 哈哈哈 ﹌ 叫你快d成包野掉左佢﹐佢自己唔敢掉 ﹌
    [版主回覆05/24/2010 23:34:00]緊係~ 比佢知道有蝦醬既話,佢一定掂都唔掂架!
     
    包野係我架嘛! 佢夠膽揼???
     
     

    回覆刪除
  3. 明顯mr t 有心理障礙la
    v女你好醒ar
    [版主回覆05/25/2010 00:25:00]嘻嘻~~~~ 我目的係想佢試嘛! 但佢覺得臭就試都唔試,唔試過又點知自己唔鍾意呢?
     
     

    回覆刪除
  4. 其實妳有無統計過一年365日煮過几多味?
    [版主回覆05/25/2010 20:14:00]無呀~ 如果蟻兄你得閒既話,不如你幫小妹統計吓吖?
     
     

    回覆刪除
  5. 我好得奇怪,聞唔到蝦膏啲味,但食落幾好味
    [版主回覆05/25/2010 20:13:00]咁我唔係齋落蝦膏架嘛,加埋其他調味配料,蒸出來都幾香架!
     
     

    回覆刪除
  6. 妳寫得好攪笑呀 ! 幸福滿溢 。
    [版主回覆05/25/2010 20:12:00]多謝 + 歡迎妳芹菜!
     
     

    回覆刪除
  7. 醒喎, 阿V. 專登唔話俾 Mr. T聽有蝦膏, 等佢唔好有心理陰影
    不過其實有d食物聞就唔好聞但食落有好好味, 好似魚露, 蝦膏咁
    我地呢就多數用蝦膏蒸豬肉, 又係好味架
    (不過都係隔離飯香, 覺得妳d餸正勁多)
    [版主回覆05/25/2010 20:04:00]老公個衰野鹹魚蝦膏都話臭,所以試都唔肯試! 我特登唔話佢知就係要佢試吓!! 唔試過點知自己鍾唔鍾意呢?
     
    我平時都係用蝦醬來蒸豬肉架! 不過上次排骨特價買咗2盒嘛~  (所以我依排成日食排骨! )
     
     

    回覆刪除
  8. 其實MR T係唔係未食過個D蝦膏,唔知咩味所以先唔鐘意呀?!
    我以前都係咁架,但係食左之後就鐘意左
    [版主回覆05/25/2010 20:01:00]一來啦!  二來我整時唔係齋用蝦膏,會加埋其他調味配料,可能咁佢覺得無咁抗拒陣味啩!
     
     

    回覆刪除
  9. Gaileは林家歐巴桑2010年5月24日 下午7:23

    妳已經好成功咁破左佢心理果關 我諗下次講到明係蝦膏佢都應該唔會再抗拒嘞掛
    [版主回覆05/25/2010 19:58:00]係呀~ 咁我以後可以事無忌憚咁整蝦醬嘞!
     
     

    回覆刪除
  10. 哦,咁唔怪得啦...
    我記得以前我第1次食個陣,媽咪一黎就係蝦醬通菜..
    搞到我叫哂救命,係之後佢又係用黎蒸排骨我先接受到
    [版主回覆05/28/2010 20:03:00]炒通菜都好香好好味啊!
     
     

    回覆刪除
  11. 蝦膏係"文"就臭D,但食係就好食,我以前都唔食架,因為頂唔順果陣味,不過而家好鍾意用黎炒通菜!!不過我阿妹間公司帶飯唔比人帶蝦膏,因為叮飯叮到成陣味,HEHE~~
    [版主回覆05/28/2010 20:03:00]哇哈哈~~~~  咁又係既,中央冷氣真係會頂唔順果陣味架! 好似榴槤咁,焗住陣味我都頂唔順啦!
     
     

    回覆刪除
  12. 睇見到流口水!
    [版主回覆05/28/2010 20:01:00]流到成地都係嘞~~~~ 快d攞地拖拖地啦!!!!
     
     

    回覆刪除
  13. 咁妳咪可以整多啲蝦醬菜式囉
     
    係喎,妳有冇試過"老友記"啲蝦醬,好正架~
    [版主回覆06/01/2010 17:13:00]無錯~ 我而家可以攞正牌去整蝦膏!  雖然我一向平時想食都會整比自己食,但就要另外唸整多碟野補返比老公,真係好煩!!!
     
    我未試過老友記呀! 依度有泰國蝦醬 + 馬拉盞我已經好滿足嘞! 李X記完全唔得~~~
     
     

    回覆刪除

Related Posts Plugin for WordPress, Blogger...