是咁的......尋晚(5月5日)同老公散步去超市買完野，見超市附近果幾棵櫻花樹，有一棵大既已經開得好燦爛!
有個十幾歲既"0靚"仔行我地前面約30呎，見佢行到大櫻花樹下前突然鬼上身成個人跳起，左右兩手各拆斷一大節櫻花球!!!
不過隨即隨手掉落地繼續行......英國真係好多依d咁既死仔架!!!! 
(不過我又無唸過原來櫻花樹咁易斷果喎!
)我 + 老公行到櫻花樹下，見到大大2球開得好靚既櫻花喺地上，感覺好浪費~ 於是我就拾咗返屋企唸住插起佢......
返到屋企插插吓花我突然醒起早前喺Internet，見過有人用一種用鹽醃漬過既櫻花入饡，整飯、整和果子、整蛋糕，甚至沖茶......
我今朝check 過d花仍然好新鮮，我估可能係因為我用既海鹽太乾既原因!?!?
well~ 希望會成功啦!
剪吓剪吓足足剪咗2大碟，反正唔知成唔成功......
哈哈~~~~~ (咁我係咪應該要多謝果個死仔呢??
)
唔知出黎會係點架呢 果兩樣都有仲未開得哂,妳可以賞櫻賞耐d囉...駛鬼多謝個死仔咩~~~
回覆刪除[版主回覆05/07/2010 02:57:00]我唔知要醃幾耐架! 我唸住醃到似網上賣果d鹽漬櫻花咁既樣就當得架嘞.......
棵花好靚呢~ 希望可以擺耐少少啦!
櫻花好靚
回覆刪除[版主回覆05/07/2010 02:55:00]我都覺得d櫻花好靚!
哈哈, 可以係屋企賞櫻花仔都幾唔錯 ^^ 好型添呀 k
回覆刪除[版主回覆05/07/2010 02:54:00]果個死仔又拆得果2枝幾好喎! 插起上來咁靚~
嘩﹗你講呢的細路我都係市中心見過呀﹗ 呢的櫻花球好似我上次見到吹到成地係果的呀﹗
回覆刪除[版主回覆05/07/2010 02:53:00]係一樣架~ 不過可能蘇格蘭同德國天氣唔同，所以蘇格蘭遲開花 + 仲未有落櫻咋! 遲吓等依度d櫻花開盡，都會落到一地都係架!
D人真係好鬼手多.... 如果 bath 放D櫻花上去都幾靚噃...
回覆刪除[版主回覆05/07/2010 02:51:00]哈哈~~~ 沖bath 放櫻花上去，好香艷喎!
地上執到寶 粉紅色好靚呀，齋睇都好
回覆刪除[版主回覆05/07/2010 19:22:00]我唔執佢地返屋企，第二日就會比清道夫掃走架嘞~ 好浪費啊....
啲花好靚呀... 我未賞過櫻花, 都好想睇下.... 而家啲0靚仔真係冇公德心, 好鬼想打巴佢..
回覆刪除[版主回覆05/07/2010 19:13:00]好似話全香港得一棵櫻花樹喺長洲? 係咪呀? 妳睇我早2日出依篇吖，有多d相架! http://hk.myblog.yahoo.com/veronicams_tsim/article?mid=37787
全英國都係依d死仔，打得幾多個......
妳快d唔該個死仔啦, 幫妳一物二用
回覆刪除棵櫻花好靚, 睇見都心情好d
如果ok, 妳出篇blog嚟講下點整吖 (謝謝 )
[版主回覆05/07/2010 19:09:00]好呀! 不過等成功咗先啦~ 如果唔成功出來都no point......
^___^好靚丫" 不過好唔好食架@~~@? 食完話我知丫^^~
回覆刪除[版主回覆05/07/2010 19:07:00]唔知好唔好食架! 不過我唸都係裝飾靚靚多過好食.....但據我所知櫻花好似有美容功效既!
WOW~~~~MRS T真係好環保,D櫻花咁靚,個死仔咁就掉左佢,真係好衰,希望你成功啦,到時見到櫻花蛋糕呀@@
回覆刪除[版主回覆05/07/2010 18:54:00]如果我唔拾返屋企既話，第二朝就會比人掃走架嘞! 我都希望可能成功呀~
哈, 多得有果d死仔, 如果唔係你都唔可以係屋企賞櫻花
回覆刪除[版主回覆05/07/2010 18:51:00]係呀~ 係呀~ 不過如果要賞落櫻就唔好喺屋企咯!
係呀~~ 長洲有呀~ 不過好細棵... 好多人去睇... 我就冇入去睇過喇... 你嗰篇我都睇咗喇... 真係好靚呀....
回覆刪除[版主回覆05/07/2010 23:56:00]櫻花樹大陸又有、台灣又有、日本又有、韓國都有.....係唔明點解香港會無既呢?
真是櫻花處處?! 你真是甚麼都掂!!! 創意無限
回覆刪除[版主回覆05/07/2010 23:49:00]其實櫻花樹真係好多國家都有架!
哈哈~~~~ 過獎嘞! 我idea 多啫，但未必一定掂架~
條死仔真係好多手
回覆刪除[版主回覆05/07/2010 23:48:00]依度好多依d死仔! 如果依度好似羅馬街頭咁多橙樹，肯定會比依d死仔摘到禿哂.....
樽櫻花好靚好有創意 . 祝你的櫻花入饌成功 .
回覆刪除[版主回覆05/08/2010 00:25:00]多謝~ 我都希望可以成功啦!
呀.... 個啲死鬼仔嘅行為我曾經有諗過... 因為啲櫻花真係太靚, 好想係屋企種番一棵...
回覆刪除[版主回覆05/08/2010 23:24:00]咁就不如索性種一棵啦!
哈~用櫻花整野食,聽就聽得多,要試真係考工夫WO@@
回覆刪除不過亂咁破壞D樹木真係好差既行為呀~你幫佢地執番手尾,都叫做冇令到D櫻花白白犧牲左...=V="
[版主回覆05/08/2010 23:23:00]要自己先多功夫既啫，鹽漬櫻花其實有得賣架! (不過英國無.......)
好彩d櫻花樹好大棵，如果唔係多幾條咁既死仔就真係變到光秃秃嘞!
我地鋪頭後面個Garden(自己)有棵大大棵0既櫻花樹~任摘唔嬲啊~~
回覆刪除如果你試過OK既...我都想試0下
[版主回覆05/08/2010 23:21:00]啱啱醃落咋，唸住醃一星期，下星期先知道成唔成功~
櫻花真係好靚~
回覆刪除其實棵櫻花要多謝妳就真，唔係妳拎返屋企，佢係地實比人踩爛
[版主回覆05/08/2010 23:10:00]就算唔比其他人踩爛，第二朝都肯定比清道夫掃走~
估唔到插咗幾日仲繼續開花喎!
回覆刪除好靚呀！比我見到都會執番,唔好晒嘢呀！
[版主回覆05/08/2010 23:08:00]係呀~ 我唔執返屋企既話，第二朝就會比清道夫掃走架嘞......
(Empty)
回覆刪除嘩 ! 好勁啊 ! 鹽醃漬過既櫻花 都想到
回覆刪除[版主回覆05/12/2010 01:10:00]唔係我唸架! 日本真係有鹽漬櫻花架~ 我試吓自製之嘛!
勁!! 不過日本人每年花期都會有一d限定美食, 用櫻花入饡... 3月去日本時食過一個食, 上面有少少櫻花碎, 不過食唔到佢有咩味.. *-)
回覆刪除[版主回覆05/12/2010 01:09:00]日本人好多食物都分季節性架啦!
朵花醃埋咁細朵，都估到唔會有咩味，我估都係裝飾懶靚既多~