(終於租咗DVD......好彩係租DVD呢!!
)
好好睇? 真係好正?? 今年一定要睇依套戲???依套令我同老公先後輪流恰眼瞓
既所謂"一定要睇既戲"，我真係完全感覺唔到有幾好睇 + 有幾咁"好正"! 更加唔覺得係一定要睇!! 
Thank god 我 + 老公當時無隨波逐流同其他人一齊迫去IMAX 排隊，如果唔係散場時我分分鐘真係嬲到燒咗間IMAX!! 
劇情講乜唔多提嘞~ 反正我唸好多人都睇咗，已經知道講乜! 喺度只發洩吓我有幾唔鍾意依套戲......
- 戲裡面好多用詞都同宗教有關，說教意味又好重，但又唔關任何宗教既"神"事喎，主張既其實係大自然......令我感覺好不倫不類!
- 天馬行空得來太騎呢! e.g. 當Na'vi 人騎Pandora 上既古怪生物Direhorse + Leonopteryx 時，頭髮竟然可以同怪物某個部位相連......OMG~ That's so disgusting!!
(如果隻野有病，咁會唔會傳染呢?? 
)- Jake Sully 既avatar 同Neytiri 發生關係......
That's even more disgusting!!!- 劇情真係老土呢!!!!!!!
打完一大輪之後"邪不能勝正"依個老土happy ending 就一早預咗架嘞! 但最後果一幕Jake + Avatar 一齊瞓喺度，Avatar 突然睜開眼就完場......我估應該係Na'vi 人將Jake 變成真正Na'vi 啩!!? 哇~ 真係佢想點就點! 
Don't get me wrong
- 我並唔係唔鍾意天馬行空 + happy ending! 只係Avatar 果種天馬行空過於完美化，太過"佢想點就點"; 結局更加完美到似比幼稚園小朋友睇既童話故事 - e.g. 怕小朋友見到"王子"死咗會喊，所以特登搵個方法令佢返生，等佢可以同"公主"幸福快樂地生活下去.......
可能會有人話"如果妳去戲院睇3D既話，感覺可能會唔同既!"
Well~ 我而家都可以好肯定 - 一定唔會!
若我當時去咗戲院睇3D的話，一定會更火滾!!
因為我討厭既正正係個故事~ 而人人都讚有幾靚幾正既特技 + "靚景" - sorry~ 我一樣唔覺得有幾靚幾正喎......有怪物既戲我好鍾意睇架~ 睇我有幾鍾意"Clash of the Titans"就知啦! 不過Avatar 裡面果咋怪物毫無新意又五顏六色，同模型舖裡面果咋figures 一模一樣感覺好"膠"! 個人覺得仲衰過睇BBC Walking with Dinosaurs; 17年前既Jurassic Park 都好過Avatar 多多聲!!
(James Cameron~ 廿幾年前Aliens 既怪物造型，果種令人倒抽一口氣既"驚艷"去咗邊度??? )
五顏六色對我來講我唔一定覺得靚! 雖則我屋企無3D，但我部電視都有50吋，當我睇到真係覺得靚既野既時候，我都會睇到哇哇聲~ 但Avatar 果咋所謂靚景......我真係寧願睇宮崎駿囉!!
James Cameron 花咗14年去籌備 + 製作咗依套令我覺得比"太攤力"更悶、故事更弱 + 令我睇完後更加想講粗口既所謂鉅獻......
角色Colonel Quaritch 喺戲中講咗一句對白"The Avatar program is a joke!" - I can't agree more!
(其實連半粒星都唔想比~ 依半粒星只係比型男Sam Worthington!
本來想闊佬d比足1粒佢，不過戲開場時佢個長髮look......頂唔蒲!! 要倒扣半粒!!!)
哈哈.....我没去戏院看，也没在网上看，觉得这种所谓 今年一定要睇依套戲... 一定是不好看的。上一次进戏院是带我女儿看coraline( 鬼妈妈）, 挺好看的。现在期待7月23日的 TOY STORY 3.....
回覆刪除[版主回覆05/14/2010 19:30:00]我個人覺得Avatar 真係唔好睇囉! 我今年暫時都睇咗好多戲，好多都好過Avatar 多多聲!!
Coraline 我都有睇呀! 真係唔錯呀~ 妳有無睇"UP"?
http://hk.myblog.yahoo.com/veronicams_tsim/article?mid=34354
我強力推介!!! "UP"真係好好睇，大人細路都啱，妳可以同囡囡一齊睇~
我個人覺得好睇喎...可能係我第一次入戲院睇3D同埋要求低!!
回覆刪除[版主回覆05/14/2010 19:27:00]咁各花入各眼~ 各人睇戲口味未必相同!
不過以上係我睇完Avatar 既真實感覺........
上畫嗰陣，我老公自己一條友自己去咗睇，佢又係話好好睇，我仲鬧佢咁衰自己去睇唔預我~
回覆刪除上兩個星期想租佢同美食風球，一直都租唔到，仲諗住買碟添，不過，依家最想睇葉問2
[版主回覆05/14/2010 19:25:00]咁妳真係好彩嘞! 我 + 老公都好好彩無去戲院睇!! 我真係超級唔鍾意囉!!! 大佬~ "人"身體有part 同騎住果隻"馬" / "飛龍"身體某部份可以相連喎.....我真係接受唔到!!!
"美食風球"我買咗嘞! 依度啱啱開始減價~ 我都好想睇"葉問2"呀!!!
真係完全冇諗過去睇 even 啲人講到佢幾巴閉.... 嗰排個個都話睇, 連茶 B 都話要睇, 好彩我冇屈服咋, 一個用成 $120 睇我就唔捨得喇... 我家姐睇完都話普通啫.... 而家茶 B 唔記得咗佢, 我連碟都唔駛買/租.... BTW, 我勁鍾意異形, 佢嘅系列儲齊哂, 得閒開嚟睇返仲好......
回覆刪除[版主回覆05/14/2010 19:18:00]所以妳話傳媒力量幾犀利呢? 當一個人講到似層層，對方又係大導演，就個個都話"好呀正呀"咁!!!
我唔係懶有型有獨特，但依套真係過譽到離哂譜囉! 上半下半都可以各cut 走一大段不必要既劇情，咁套戲就唔洗咁長嘞! (咁妳有無睇到呀?)
異形到依家仍然係經典! 而家睇返仍然緊張好睇啊~ 洗鬼搞成14年呀?
不過Avatar 令我唔再咁憎Titanic~ Avatar 取代咗Titanic 喺我心目中既爛片位置! (因為更爛......)
我未睇呀,不過我西文老師就'EE哦哦'左呢套戲成個月[因為佢要帶學生去睇,自己又唔鍾意SCI-FI]一上堂DISCUSSION係HOBBIES, CINEMA佢就AVATOR...攪到我都有D驚左呢套戲,我老公又唔好,相信我都唔會睇LU...
回覆刪除[版主回覆05/15/2010 02:04:00]我好好古靈精怪既戲，但依套都悶到我嘔白泡! 如果唔好依家野既話，咁就真係唔洗睇嘞!
原來除咗我 + 老公之外，都有人覺得依套比人讚到飛起既鉅獻不外如是既~
你今年做乜鬼睇套套戲都唔岩心水咁邪架?﹗ 你平時會唔會睇下片頭先去戲院睇套戲呢? 不過有時就算係咁做都係會失望既﹌ 哈哈哈哈哈哈﹌半粒星﹌﹌
回覆刪除[版主回覆05/15/2010 02:01:00]唔係呀~ 我都睇咗幾套好好睇架!
依套我一早預咗唔好睇，所以先無去戲院睇~ 但真係無唸過差成咁囉!!!
Final 梗係冇啦.... 有啲人睇完話有抑鬱喎... 真係唔明.... 其實只有 2 個人嘅戲會吸到我去戲院睇 & 買碟0架咋... 其他我都唔會睇, 所以我一年都未必會睇一次戲.....
回覆刪除[版主回覆05/16/2010 14:48:00]哈哈~~~~~ 我知其中一個係阿Rain!
我好同意呀..不過D人真係吹到好大, 仲話要入去睇幾次先夠皮, 我地呢D一話唔好睇, 即刻比成班人話我地唔識睇戲 但個故事其實真係好麻麻, 我都係為左3D效果先入去睇JA 睇完出黎就覺得好普通姐..頂多叫3D效果真係幾好.. 如果呢套野冇睇3D既話一定更加悶-_-
回覆刪除[版主回覆05/16/2010 14:47:00]唔係講笑 - 無論我寫依篇野之前或之後，我睇過所有論及此戲既香港網誌都係有讚無彈! 我依篇可能係唯一一篇彈依套戲既中文網誌.......而 我寫完依篇野後，反而發現好多英國既討論區 + blog，都有好多人同我有同感 - 爛!
我開始懷疑James Cameron 既"魔法"係咪只對香港人有效? 還是香港人真係崇洋至此??
你真頂引, 仲識港 "妖" 字, 正!!!!!!!!!!!!
回覆刪除[版主回覆05/16/2010 14:38:00]睇完依套戲，我真正想講既字唔係"妖".........
其實呢, 我入戲院, 都係睇佢d 3D~~ 我以前做呢行架麻~ 所以更加想睇下有幾勁! 其實平心而論, 佢既3D係唔同之前既3D架~ 佢既3D係有深度(唔係指套戲既內容, 而係睇果陣會感覺你深入左個芒), 之前既3D, 多數都係飛D野出黎呀, 嚇鬼下你咁~~ 所以以3D黎睇, 我會比幾高分佢~ 至於故事~~ 實不相暪, 中段我都差D訓著左~~ 只係諗住撲左咁耐飛, 加上成165蚊張(冇記錯好似呢個數, 我係尖咀既IMAX度睇), 所以頂硬上~~ 基本上我係全心黎欣賞占士哥既新3D方式既~~ (諗諗下其實我都幾無聊!!)
回覆刪除[版主回覆05/16/2010 14:38:00]若一套戲完全只靠畫面來做賣點，咁依套戲實在好極有限! 尤其依套所謂大製作，資金足夠加上而家CG技術咁好，畫面對佢地來講應該毫無難度~ 所以我唔會比credit 佢地!
我個留言又唔見左...>.<
回覆刪除[版主回覆05/16/2010 06:36:00]今次係打錯碼定成功留言後消失咗?
我都驚俾人笑我重未睇架～～因為講到好正一定要睇唔睇就走寶咁，
回覆刪除但見到妳話妖，我都想睇下又幾差
[版主回覆05/18/2010 06:51:00]我個人覺得唔睇完全無損失! 不過妳想睇吓又幾差的話又另作別論~
haha*我之前睇依套戲係本住「是但啦,睇下lor」o既心態... 同埋唔洗$ XDDDD 所2 ... 老實比我想像中好睇!! 但係我覺得其實唔整3D 都可2... 其實淨sell 個內容都已經夠! 3D係用來呃$ ga~~~~~~~~~
回覆刪除[版主回覆05/18/2010 06:50:00]咁真係各花入各眼嘞!
我 + 老公都覺得故事好不堪........
無錯~~ 另一個係星爺 頭先見到猛鬼街喺 HKG 5 月20日上映呀~~ 好開心呀~~~ 你會唔會睇??
回覆刪除[版主回覆05/18/2010 06:49:00]猛鬼街我依度上咗嘞! 不過依套我一向麻麻地，所以都係唸住等出DVD先租~
我都無去戲院睇呀,等我去買隻碟返屋企睇下先~~
回覆刪除[版主回覆05/18/2010 06:48:00]買乜鬼吖~ 我租都嫌嘥錢呀!!!!
成功留言後..唔見左..我仲係第一個留言添架!
回覆刪除[版主回覆05/18/2010 06:47:00]係呀.......我連通知都無收到啊! 之前都有網友同我講過依個情況......
我係戲院睇‥開場半個鐘‥就戴住副3D眼鏡瞓著左‥瞓到臨完場半個鐘‥嘈得勁先醒‥哈哈
回覆刪除好彩你係到講咋‥我從來都唔敢話比人知我睇呢套戲瞓著左‥因為好多人走去戲院睇左幾次呀‥
[版主回覆05/21/2010 05:28:00]
我完全唔可以理解去戲院睇幾次先夠皮果d人! 我睇一次感覺已經生不如屎......
（企起身個隻） 我都唔鐘意呢套戲， 奈何我同親所有人講佢地都好鐘意， 我大佬仲買埋隻 blu ray 一睇再睇 ＝＿＿＿＝ 同你一樣， 1。我唔覺境靚； 2。我唔覺特技出色； 3。我唔覺劇情好； 4。隻野 （外星人）真係好肉酸！！！ Oscar 兩套呼聲最高嘅電影， 佢同 Hurt Locker 我都不敢恭維， 可惜我又係屋企裡嘅小數份子。。。 係呢， 呢排有冇睇其他電影呀？ 我睇咗 Prince of Persia 同 Robin Hood, 前者我覺得幾 OK， 後者就。。。差啲瞓著咗。。。
回覆刪除[版主回覆06/09/2010 23:58:00]早排同朋友食飯時佢地問起我地有無睇依套茄野，朋友們竟然話"個故事係唔好，但個3D令到成套戲好好睇! 同2D分別好大~ 若我地去睇3D的話，我一定會覺得好睇喎blah blah blah~" - 完全唔合邏輯! very stupid!!! 一pat C無論噴幾多香水，始終都係一pat C，唔會突然變香or 變舊鑽石吓哇!!?!?! 最近成日見到電視依套野唔知咩廣告，我越來越憎依套垃圾!!!
Hurt Locker 我完全無打算睇呀! 我睇Oscar Kathryn Bigelow 上台領獎時講野講到口窒窒咁，覺得佢信唔過! 而且我覺得Oscar 係特登搞雷聲比佢爆冷攞囉! "James Cameron 輸咗比前妻" - 第二日報紙幾多人講呀! 超~
最近戲院無咩戲我特別想睇~ 不過weekend 租咗2隻DVD睇完都想講吓，但仲未有時間......過兩日補返吖~
講個秘密你知， 我想入場睇新個套猛鬼街呀 shu~~~
回覆刪除[版主回覆06/13/2010 03:29:00]哈哈~~~~ 你講得比我知就唔係秘密啦!
猛鬼街仲上緊咩? 我唸住去戲院睇Brooklyn's Finest + Rec 2呀!
STOP!!!!! 千期千期千期唔好睇 REC2呀, 我唔想睇華人報紙時報導一中國籍妙齡少女戲院 "介" 凳被控刑事破壞呀 !!
回覆刪除[版主回覆06/15/2010 18:57:00]哈哈~~~~ Henry 兄你真係比面! "中國籍妙齡少女" 我係"中國籍中女"來架嘞!
Rec2好唔掂咩? 第一集都可以架喎!
就是因為個個講到天花龍鳳 , 被欺騙了看 , 我瞓左半場 , 散場好似你咁即刻 ” 媽媽 ” 聲 !
回覆刪除真係半粒都唔想俾!!!!!
[版主回覆07/23/2010 20:39:00]我睇到未夠一半都想熄機架! 不過已經睇咗咁耐，唔睇埋佢好似無咩資格去鬧依套戲.....所以我先捱得好辛苦咁捱埋佢!!!
我喺imax睇呀! $150架!
回覆刪除個主角偏偏叫做"Jake"!
[版主回覆07/23/2010 20:37:00]我好慶幸無去IMAX，甚至2D都無睇!
原來James原本有考慮過JG架! 不過試鏡條片太矇, 走漏眼呢! (萬幸)
回覆刪除[版主回覆07/23/2010 20:36:00]睇來妳真係好迷JG.......
不過依個咁爛既故事，就算比Tom Hanks 主角都唔會拍得好睇!