好耐無去既Rumours (2010年5月15日)

真係好耐無去過Rumours 嘞!

仍然係咁好生意咁多客人，不過係咪仲好似以前咁好食呢?

唔知係我自己煮野食越來越進步，所以覺得出街食飯越來越唔好食??

還是佢地水準真係退步咗呢???

 先例牌每人來個冬蔭雞湯~ 平平無奇! Noodles Bar 既比佢好味......

 老公既馬來西亞炒飯~ 依個係好食既!  (其實生菜絲底下有好多大蝦 + 鮮魷架!! )

 我個海南雞飯就唔得嘞!

先講碟雞......

點菜時侍應問我碟雞去唔去骨?

我唸住去咗骨老公都可以食，咁我就話好啦~ 去骨啦......

 點知佢同我連皮都去埋!!!

真係激死呀~~~

人地好鍾意食雞皮架嘛!!!

 

睇吓以前碟雞大碟幾多 + 幾靚! (2008年8月)

無雞皮既雞真係食得好無癮!!

 個飯叫做好香雞油味，不過煮得太爛!
原來唔止成日去既地方水準會下降，隔咗咁鬼耐先再幫襯，水準一樣可以退步到好明顯!!!

 張圖點解好似食得好滋味? 因為老公點菜後等緊餐時畫架嘛!