星洲炒米

二人世界食麵包 - 2010年1月29日 (附食譜)

本來今晚準備整星洲炒米做晚餐，我仲一早準備哂所有材料......

晏晝突然興起想搓包，於是即刻去買料整白汁洋蔥雞包~

本來打算整12個......

點知原來雞包好鬼難包架~~~ 因為有汁!

一路包一路爆一路抹......包咗6隻雞包後終於頂唔順!

不過仲有一半已經發酵好既麵糰，咁點算呢??   即時摷吓屋企有咩材料可以用來整包......
最後比我搵到雪櫃裡面有包未開袋既grated cheddar cheese + 1 pack 火腿扒!

不過屋企無沙律醬!!! 所以都要落街買......順手買埋pack 膠唧樽~~~

 因為咁......今日出爐除咗有6個白汁蔥雞肉包，仲有8隻火腿芝士沙律包!

火腿芝士沙律包 (湯種)

白汁洋蔥雞肉包 (湯種)

Thirst (饑渴誘罪) - 2010年1月26日

舊年2009睇咗好多戲但無作紀錄，當中有好正亦有好爛; 決定要將今年所有睇過既戲，無論好壞都要有系統地記錄落來......不過咁就死嘞!

踏入2010年暫時我地睇咗3套戲 - weekend 戲院睇既Daybreakers; 買返來DVD既把鬼Hansel & Gretel + 尋晚睇既Thirst (饑渴誘罪)......

朴贊郁既"Oldboy 原罪犯"揚威全球影展，獲獎無數，連帶佢自己本人喺海外名氣都急升!

我自己亦都係由"Oldboy" 開始欣賞朴贊郁，除咗"Oldboy"之外，我都好鍾意佢既"Sympathy for Mr. Vengeance" (復仇) + 三更2之割愛 (Three Extremes - Cut)~ 雖然我覺得"Sympathy for Lady Vengeance" (親切的金子) 麻麻地 ，不過又不至於好差果隻!

一個人午餐 & 二人世界碟頭飯 - 2010年1月26日 (附食譜)

生滾腰潤粥; 台式炒米粉 & 柱侯牛腩飯

台灣 - 台式炒米粉

生滾腰潤粥

全英最好炸魚薯條店 - Atlantic Fast Food (2010年1月23日)

尋日(1月23日)睇MSN News，介紹本年度全英國Top 10 最好既炸魚薯條店，大部份上榜既店都集中喺南下英倫......

而榜首兼得Scottish's Top Fish & Chip + The Best Fish & Chip Shop in Britain (蘇格蘭最好炸魚薯條 + 全英最好炸魚薯條店) 既Atlantic Fast Food......
原來喺我地屋企附近!!!

Atlantic 最威水既地方係 - 佢地開業多年，但今年先係第一次報名參賽~ 而第一次參賽就攞哂2個大獎，贏盡全英國!

Daybreakers - 2010年1月23日

今年第一套去戲院睇既戲~ 一早都預咗好睇......估唔到好睇成咁!!!!

2019年世界95%人口都變成吸血鬼，剩低既5%人類成為吸血鬼社會狩獵既目標~ 吸血鬼成立大公司將捉到既人類keep 住，作為生產 + 儲存血液既血庫。但由於人類人口越來越少，血液供應量越來越貧乏，吸血鬼 + 人類都面臨滅絕......

吸血鬼社會一方面狩獵剩餘既人類，另一方面研製血液代替品; 僅存既人類除咗要逃避吸血鬼追捕，亦發現咗終極解決方法 - 由吸血鬼變回人類! 於是一直尋找可以信賴既吸血鬼幫助......

狗公 (2) + (3)

續狗公(1)......

(2) 以前每年暑假返香港，我一定會相約同我一樣鍾意睇書既好友伴娘C一齊去行書展，每次都滿載而歸~

有一年我地又去書展，已經行到尾聲，我 + C兩手都抽住幾大袋書，突然行到一個好多人既攤位，C先行頭擠入人群當中，我跟住C後面，八卦地尖起腳伸頭張望......

依個時候我感覺到抽住兩大袋書本既右手，有一團暖暖既野"high"緊我手背! 我轉頭一望 - 係一個外表斯文帶金絲眼鏡，身穿裇衫西褲，兩手空空插住褲袋既狗公，隔住條褲用佢下體"high"緊我手背!!!!!

(正人渣~ 真係行書展既又點會兩手空空??)

我一轉頭佢即時轉身走!!! 我向C求救，但C從人堆中返出來後，狗公已於書展人群中消失得無影無蹤!

C唯有安慰我，陪我去洗手間，我不停洗咗好多次手.......

狗公 (1)

會考八優既中文大學二年級生喺港鐵公然露械摩擦少女臀部罪成，雖然我好戥對方父母難過，不過我真係覺得大快人心!

因為世界實在越來越多依種變態狗公狗婆! e.g. 早陣子睇新聞18歲少女同未成年男友喺公眾地方進行性行為，被途人發現喝止仍然當人無到繼續做，係都要人地報警拉上差館見哂報紙先知衰......依d行為同狗根本完全無分別!

有朋友曾經喺圖書館比人偷拍裙底; 而我曾經遇過3次下流狗公......

椰汁西米露

突然口痕好想食椰汁西米露~~~~


好彩屋企有齊哂材料，可以即時開工!

二人世界又來四餸一湯 - 2010年1月21日 (附食譜)

蕃茄豆腐滾紅衫魚; 士多啤梨果醬骨; 鹹菜炒鹵水豬大腸; 香煎三文魚腩 & 蒜蓉小棠菜

來咗英國咁耐都未飲過滾魚湯，因為好少見到有紅衫魚賣! 間中見到魚檔有新鮮紅衫魚，不過賣得幾貴，所以買來都係煎，唔捨得用來滾湯......

香煎三文魚腩

鹹菜炒鹵水豬大腸

蕃茄豆腐滾紅衫魚 (滾湯)

士多啤梨果醬骨

I Love My Kitchen!!!! (2010年1月20日)

前日(1月18日)煮咗餐四餸一湯，煲羊肉好鬼大煲食唔哂! 本來唸住尋晚dinner 食隔夜餸...不過老公lunch 打電話來問我想唔想食壽司......

 所以尋晚(1月19日)又去咗YO!Sushi 食6折壽司!
今次食咗16碟，另加一碗Spicy Seafood Udon~ (碗烏冬鹹死人!!!!!)

湯種伯爵奶茶吐司

我一向好少飲西茶~  不過屋企一定有伯爵茶包 (Earl Grey)以備不時之需! 鍾意earl grey 味道清香獨特，第一次飲已經愛上咗~~~

新玩具 - JML Handy Seal (2010年1月19日)

身在外國~ 唔似得喺香港下下想食乜都可以買新鮮，自然要習慣食急凍雪藏野......

尤其係海鮮! 我雪櫃冰格裡面長備急凍蝦、蜆、魷魚、魚蛋......依d食物好多時都係一大包，一次過未必食得哂~ 所以通常開咗封後，剩低既我要另用急凍保鮮袋裝起保存......

 不過有咗佢 - Handy Seal 膠袋封口機~ 我以後可以慳返好多保鮮袋嘞~~~~

二人世界四餸一湯 - 2010年1月18日 (附食譜)

菜乾紅蘿蔔煲羅漢果; 枝竹冬菇炆羊肉; 麵豉醬蒸小黃花魚; 蒜蓉炒芥蘭苗 & 烚自製鹹蛋
天氣真係黐咗線嘞!!!!今日一早就陽光普照，我出街買餸時行咗5分鐘竟然熱到出汗!

不過其實都只係得7度~ 但我真係未試過蘇格蘭既1月喺室外會熱到出汗囉......

氣溫明顯比上星期真係暖咗好多! 我果條想煮三餸一湯既孖筋好似啱啱冬眠完畢咁，好有意慾煮返餐中餐!

依餐係2010年第一餐正式中式晚餐，就整夠四餸一湯啦! (不過個湯其實係前日飲剩既! 嘻嘻~~~~ )

枝竹冬菇炆羊肉

麵豉醬蒸小黃花魚

Waitrose 甜酒松露鴨肝芭菲

我愛膽固醇~~~~~~~~

中毒@Lakeland Limited (2010年1月17日)

死火嘞~ 死火嘞!!!

繼TK Maxx 之後，又多一間店我每個星期唔去一次唔安樂 - Lakeland Limited~

上星期特別去買新出既心型pasta，點知仲未有貨 ......但就比我好彩買咗減價靚靚salt & pepper set~  (網誌)

今日返去6299度食飯，食完飯明知時間忟水舖頭就關門，但死都心思思想去及及心型pasta 有貨未......
因為仲要趕住去中式超市買餸，所以入去打咗個5分鐘旋風轉......

 都有收穫啊!