菜乾紅蘿蔔煲羅漢果; 蝦醬肉片煲仔飯 & 蒜蓉炒菜心苗
老公出咗trip，今晚得返我一個人食飯......
天氣凍冰冰~~~~~
最好就係食煲仔飯! 反正聖誕前買咗個Tefal 16cm cast iron 煲仔都未用過，正好用來整煲一人煲仔飯嘞~ 
咁整咩煲仔飯好呢?
難得唔洗就老公，緊係整d我好鍾意但佢至憎既野啦 - 蝦醬是也!
最近天氣凍到個人懶哂唔想煮飯，新年後都未煮過三餸一湯，成日都係煎扒就算......今晚就一不做，二不休! 煲埋個湯 + 炒埋碟菜~ 一於將掛住老公既情緒化為好鬼勁既食慾!
菜乾紅蘿蔔煲羅漢果食譜click here~ 蝦醬肉片煲仔飯食譜click here~
一個人都可以o甘豐富...............
回覆刪除[版主回覆01/16/2010 20:35:00]一個人都要食飯架嘛!
呢個煲係咪16cm呀?
回覆刪除[版主回覆01/16/2010 20:34:00]yes~~
正! 又有煲仔飯食, 蝦醬好惹味呢~
回覆刪除[版主回覆01/16/2010 20:32:00]我都好耐無食過蝦醬豬肉~ 所以尋晚煲飯特別正!
天寒地凍真係想食個煲仔飯， 個煲好正呀!!!
回覆刪除[版主回覆01/16/2010 20:34:00]個煲仔size perfect! 一煲啱啱好夠哂我!
哈﹗好豐富喎﹗
回覆刪除[版主回覆01/16/2010 20:28:00]老公唔喺屋企但我都要食飯架嘛!
我都好想食蝦醬ar.....至衰我男朋友超憎 搞到我好幾年無食過蝦醬,好掛住香港媽咪的飯
回覆刪除[版主回覆01/16/2010 20:28:00]有時我突然真係好想食蝦醬既話，我會 好似平時咁煮三餸一湯，全部都係老公會食既餸，再另加一碟細細碟既蝦醬肉片比自己! 整細碟d，咪唔怕一個人食唔哂囉!
可惜只有暖笠笠,無得暖love love........老公快啲返嚟呀!---v心聲!
回覆刪除[版主回覆01/16/2010 20:25:00]真係知我莫若蟻! 不過你咁坦白道出事實，有少少殘忍喎........
依餐都唔錯呀,一人煲仔飯就十足十廟街果種size囉,我都想買個唔癡既煲,but屋企冇地方擺,舊煲老爺又唔捨得揼,真係難為了家嫂(我)
回覆刪除[版主回覆01/16/2010 20:24:00]所以我打死都唔同in laws 一齊住! 妳煮飯定妳62煮飯架? 如果係妳煮既話，我係妳就話知佢! 吼佢出咗街時揼咗d舊煲，買自己鍾意 + 啱用既返來!!!
有個咁靚既煲煮飯，食都食得開心呢～
回覆刪除我搵日都要整蝦醬蒸豬肉食
[版主回覆01/17/2010 04:25:00]應該係又平又靚又好用既煲仔至啱!
蝦醬豬肉真係好味到呢~~~~
你改左張相啲藍色好靚好舒服~仲有呀你個冰左的公仔好得意~
回覆刪除[版主回覆01/17/2010 04:24:00]多謝~ 我新年時已經換咗張相架嘞!
我無諗過有人唔鍾意食煲仔飯喎, 話時話, 煲仔飯咁鬼香, 何解唔鍾意呢..
回覆刪除[版主回覆01/17/2010 04:23:00]唔係~ 我老公只係唔鍾意蝦醬鹹魚依類食物啫! 佢話臭喎.......佢好鍾意食煲仔飯架!
老公唔係樹，煮蝦醬煲仔飯真係啱晒囉 ~
回覆刪除[版主回覆01/17/2010 04:22:00]唔洗怕臭親佢!
食完呢餐肯定成身暖笠笠呀~~~正呀!!!
回覆刪除[版主回覆01/18/2010 04:04:00]煲仔飯真係驅寒最佳晚餐!
一個人都咁豐富， 你 掛住老公既情緒真係高漲。
回覆刪除[版主回覆01/18/2010 04:03:00]咁掛住佢還掛住佢~ 我始終都要食飯架嘛!
思念係一樣好厲害的武器, 可以令你食慾增強, 也可以令我長期眼腫...最近和BF離離合合, 哭得好辛苦, 沒有胃口了...
回覆刪除[版主回覆01/18/2010 04:03:00]新年快樂 Song! 感情既野好難講........有問題出現只係喊係無用既，反而會削弱自己力量! 希望妳早日解決妳既問題啦! good luck~
個tefal 煲在香港都見唔到喎 ....
回覆刪除[版主回覆01/18/2010 04:00:00]唔知太子大廈Panhandler 會唔會有呢? 我睇人地個blog 好似好多英國有得賣既廚具果度都有得賣~
依個煲幾好用! 我仲買咗個30cm oval 用來烚雞鴨~ 有位澳洲住既網友都買咗同款同色，佢用來炆鴨炆得好靚! http://hk.myblog.yahoo.com/veronicams_tsim/article?mid=28478