晏晝突然興起想搓包，於是即刻去買料整白汁洋蔥雞包~ 本來打算整12個......
點知原來雞包好鬼難包架~~~ 因為有汁! 
即時摷吓屋企有咩材料可以用來整包......
最後比我搵到雪櫃裡面有包未開袋既grated cheddar cheese + 1 pack 火腿扒!
不過屋企無沙律醬!!! 所以都要落街買......順手買埋pack 膠唧樽~~~
(之前我預咗出爐後會爆哂架!! 
)整咗包包都有一段時間，發現自己熟手咗好多!
今次2種包包都無跟任何一本麵包食譜書，只係好隨意 + 隨手隨心咁整出來~
上2次整湯種麵包 (北海道牛奶吐司 + 伯爵奶茶吐司)，都係跟足"65C湯種麵包"; 今次我又膽粗粗試吓自己調較湯種份量，來做2種港式麵包......非常地實驗性質!
Luckily 符符碌碌成功咗! 嘻嘻~~~~
一野就同我KO咗4隻 - 1隻雞包 + 3隻火腿芝士沙律包!!!
之後竟然仲夠膽同我講:
Hon~ 每樣再來多1隻! (即係2隻啦!!!
)
我: 唔得呀!! d包包我唸住聽朝做早餐架!!! 我一陣炒米粉呀!!!!見老公啱啱食咗包，咁我唸住晏少少先星洲炒米啦! 搞吓依樣又搞吓果樣......
老公又同我講: 妳d米粉不如聽日先炒啦? 我地今晚食包吖??
越來越夜我都唔想煮咯~~~ 就食包啦!!!
火腿芝士沙律包(湯種)食譜click here~ 白汁洋蔥雞肉包(湯種)食譜click here~
包包好好味呀,我又係好鍾意搓包包,好有成功感!!
回覆刪除[版主回覆01/31/2010 03:30:00]妳可以襯閉關果幾日搓包包搓飽佢囉!
妳完全被催眠,不過難得Mr.T話食包就得,咁妳咪唔駛又煮囉...期待ing妳嘅星洲炒米
回覆刪除[版主回覆01/31/2010 03:30:00]佢正衰人來，打亂哂我d計劃!!!! 今朝炒咗星洲炒米做lunch 嘞~
熱辣辣既包包，我都想食幾個
回覆刪除Mr. T 除咗係漢堡怪，仲係V女包包怪，可以一次過食咁多個
[版主回覆01/31/2010 03:27:00]妳又幾時開工整包包呀?
老公依幾日好恐怖........ 今朝我炒咗好鬼大兜星洲炒米，佢竟然食咗3碟之後仲想再夾! (兜野我食咗碟半，佢食咗3碟，但仲有1大碟剩返喎.......)
仲以為整咁多會有排食...嘩, 一次4隻, 好快擦晒, 睇見都流口水呢...
回覆刪除[版主回覆01/31/2010 03:16:00]total 整咗14個，一出爐老公整咗4隻，我又整咗2隻....
愈來愈叻呀!!!有無整中式包?
回覆刪除[版主回覆01/31/2010 03:14:00]KK~ 妳終於出現嘞!!!
唔係叻~ 只係熟能生巧啫! 之前整過一次中式菜肉包囉~ http://hk.myblog.yahoo.com/veronicams_tsim/article?mid=10565 不過好耐都無整過中式包嘞! 或者遲吓會再試整中方包~
你好叻啊！識整包包，我始終都未勇於嘗試！
回覆刪除有時我同孫生都會食麵包&飲湯做晚餐架！
[版主回覆01/31/2010 03:11:00]多謝靚太~ 其實整包包唔難架! 快d試吓整啦~~~~
食包包包你食飽飽!
回覆刪除[版主回覆01/31/2010 03:49:00]
喂唷....寄隻過黎好wo.o""" e個我食到唷....=)
回覆刪除[版主回覆01/31/2010 21:02:00]我依度Royal Mail 好衰果喎!
香港朋友12月頭寄聖誕咭比我，我早兩日先收到咋! 差唔多成2個月!!!! 我唸隻包包寄到來生哂蟲蟲都似......
唉...係YAHOO衰...常常要人打驗證碼.....
回覆刪除[版主回覆01/31/2010 21:00:00]Yahoo 直頭衰到貼哂地啦!
尋晚個統計資料又停咗嘞!!!!
果個咁既殘廢驗證碼，打到我都火哂滾!!!
見到您做麵包，我也想學做麵包，請問您覺得做麵包用麵包機好定用Oven好呢？
回覆刪除[版主回覆02/01/2010 01:40:00]妳好~ 我唔知麵包機好唔好用，因為我無麵包機! 我只用hand mixer + 手搓麵糰 + 焗爐架咋~
一路包一路爆我整中點果時成日都發生﹗ 由蒸包到雲吞都係咁﹐真係包到頸都痲痺~ 不過包雲吞都成日爆係因為我貪心﹐成日包好多餡~ 噢﹗我都試過焗完的包出水呀﹐不過之後開風焗又冇野喇啵~ 你呢個真係焗得岩岩好﹗一的問題都冇好正。 其實晚餐食包都得架﹐不過你第日早餐咪要食炒米囉﹖﹗
回覆刪除[版主回覆02/01/2010 20:27:00]包雲吞我又無乜大問題喎~ 可能我d料夠乾身!
個雞包出爐無爆仲咁靚仔，我都好意外!!!
星期六老公唔洗返工瞓晏咗~ 所以起身時都接近中午，順理成章炒米粉做咗午餐!
我呢排少咗整包呀... 掛住整蘿蔔糕~~ 得閒整返先, 唔係會生疏....
回覆刪除[版主回覆02/01/2010 20:24:00]我都要快手開工先得! 今年唸住整底年糕比6299......
生大食積 不過妳老公唔肥仔，都冇所謂啦
回覆刪除[版主回覆02/01/2010 20:23:00]佢話我d包落咗"愛"去焗喎!
彤彤啱啱話：嘩好靚呀 (講個包包)
回覆刪除我依排冇咩心機，本來想整玻璃曲奇，買晒糖、牛油架啦，成個月都未開工~~~
最緊要係爭妳件野唔好爛尾就得 我要努力努力努力……
[版主回覆02/01/2010 20:23:00]兩個小可愛放年假妳又唔得閒咯喎! 或者同佢地一齊整?
件野慢慢唔遲......因為星期五果日又落雪!!!!!!! 不過今次落咗一陣，但好大~ 地上都鋪咗一層雪.....點知隔咗一陣出大太陽 - 溶哂! 天氣越來越黐線~~~
我老公又係超鐘意食包!! 千祈咪比佢見到你d包, 唔係又會走黎問我幾時整比佢食!! (家陣唔得住呀, 中醫話佢個胃唔好, 每日都要食正常餐點, 即係粉麵飯果d, 食包只可以當點心, 咁我整左一大盤, sell唔晒就大鑊, 所以而家唔整住, 等佢好返先~) 不過最近整緊曲奇~ 好鬼好食呀~~ 好鬆化!! 原來秘訣係~~ 印尼的金桶牛油!! 估佢唔到咁好食~~ (陣間有時間都會整多次~ 今次整綠茶味~)
回覆刪除[版主回覆02/03/2010 21:02:00]咁妳d包可以減平架嘛! 唔一定次次都焗一大盆架~
曲奇我 + 老公都麻麻地! 不過整來送比鍾意甜食既朋友係幾好主意~ 果隻印尼金桶BK好多高手都強推! 不過我未見過真身，因為依度冇得賣......
下次整包試下減份量先~
回覆刪除今次我整的曲奇唔甜架~ 加左古古力粉仲有d苦苦地~ 我覺得苦左少少, 但我老公好鐘意~ 佢鐘意食苦既古古力, 越苦越鐘意!!
金桶牛油真係強推!! 你果邊會唔會有d印尼鋪頭士多仔之類? 我住元朗都幾多啊~ (有條街直頭全條都係印尼呀, 菲律賓鋪頭! 甚至連係果度搞既活動, 都係主打菲,印既人唱歌跳舞!)
[版主回覆02/04/2010 05:00:00]以我所知依度就無專賣印尼食品既店嘞~ 有都會喺中式超市! 不過英國本身已有好多牛油產品，應該唔會import 同類產品~
其實我好鍾意食包, 加碗湯又一餐
回覆刪除[版主回覆02/10/2010 17:27:00]麵包我都叫做鍾意既，但又唔係話好鍾意果隻! 始終我最鍾意係白飯~~~~