我愛美腿~~~

我所指既"美腿"，其實係風乾生火腿!

風乾生火腿以意大利Prosciutto + 西班牙Jamon 最為出名~ 我兩者佳愛!  不過我只係識食，基本上唔係好識分......

我從來出街食飯都唔會點風乾火腿，因為一來太容易買到，喺餐廳食會貴好多! 二來風乾火腿對我來講只係平時既零口來~~~

得閒無事突然口痕，我就會去超市買幾pack 來就咁空口食~ 連蜜瓜都慳返!

 Asda 自家出品既Prosciutto~ 雖然係超市自家出品，不過係正宗來自意大利架! (依pack 係我貪平買來試吓，不過真係好麻麻......)

Prosciutto 係意大利風乾火腿既統稱~ 而眾多種類Prosciutto 之中，以Parma 最為出名!

 同樣係Asda 來自意大利既自家出品，不過依個係"Extra Special" 系列~ 依pack parma ham 比樓上果pack prosciutto 貴2倍，不過已經食得出好大分別!

 我選風乾火腿時，會選有比較多白色脂肪部份既，因為我鍾意火腿既油香~~~~~
不過風乾火腿，其實我最鍾意既都係西班牙火腿!

西班牙Jamon 比意大利Prosciutto 顏色較深，但鹹味較淡~ 但論油香就遠勝Prosciutto!

2007年honeymoon 喺西班牙一間大型超市見到一個"火腿森林"!  火腿鹹香味一陣陣攻過來~~~

喺英國比較多見Prosciutto~ 到咗西班牙當然要試試當地既Jamon 啦!

 買咗一pack 返酒店，我即時創出5分鐘內清哂一pack 12片既紀錄!

西班牙Jamon 大至分為2類 - Iberico (黑毛豬) + Serrano (白毛豬); Iberico 佳採用自由放牧方法飼養豬隻，而Serrano 係採用困養，所以Serrano 比Iberico 次一等，價錢亦較平! (我上面手渣果pack 只係Bodega，屬Serrano~)

 而高一等既Iberico 我都試過!

 08年去BBC Good Food Show 買咗依pack £12得6小片既Iberico~ (網誌) 至今仍然係我食過最好食既風乾火腿!

止口痕當然唔可以時時都咁奢侈啦!

除咗風乾火腿之外，其他即食凍肉我都會用來攝牙罅......

 意大利風乾生牛肉~

 口感食味都同風乾火腿完全唔同~ 一般會淋上橄欖油、檸檬汁 + 黑胡椒來食，但我都係就咁空口食......

 好平既Lunch Tongue - 豬脷~ 通常用來夾麵包，不過我鍾意就咁食!