2010年1月16日星期六

法國好媽媽 VS 蘇格蘭靚女

早幾日第一次自己試整玫瑰士多啤梨果醬 berry.gif image by veronica_tsim，我好滿意結果! 而且我仲幾有信心整來送比朋友1775465299.gif image by veronica_tsim，所以開始留意物色靚靚既玻璃jam jar......

整比朋友的話我當然會買新jam jar; 不過整比自己既話，我唔介意用食完現成果醬 / 意粉汁醬剩低既玻璃樽 - 洗返乾淨就用得啦~ 又可以環保!
不過就算係整比自己，我都會貪靚架~~~~20350832.gif image by veronica_tsim

 果日喺Tesco 見到來自法國既好媽媽 - Bonne Maman Strawberry Conserve (Bonne Maman 係法文"好媽媽"既意思! )

 紅白格仔既樽蓋; 十角形墜手玻璃樽; 加埋好鬼cute 既士多啤梨貼紙樽蓋封條......依位好媽媽好索啊~~~~~1775465355.gif image by veronica_tsim

 外表好索既好媽媽，內涵又如何呢?

Bonne Maman 其實係法國本土最暢銷既果醬品牌! 好多酒店、餐廳，甚至航空公司飛機餐都會見到依位好媽媽既倩影~

雖然好媽媽非常出名，不過個人覺得自稱無添加既好媽媽實在太太太太太鬼甜!!!! 而且香味甜膩到似熟到爛既士多啤梨......1775465297.gif image by veronica_tsim

仲有好媽媽色澤暗紅如瘀血 (左)......_1282.gif image by veronica_tsim

唔係賣花讚花香~ 我自己都係鍾意氣味 + 食味都比較清新，而且顏色明亮鮮紅既自家出品"蘇格蘭靚女"! (右)
220217477.gif image by veronica_tsim 睇來要搵個方法剷除好媽媽既內涵先可以得到個靚樽......

berry.gif image by veronica_tsim生炒骨!!!?!??!

berry.gif image by veronica_tsim炒雞片!?!?!!?!

berry.gif image by veronica_tsim中式牛!!?!???



發佈者： 於
標籤：

14 則留言:

  1. 何媽2010年1月16日 下午4:26

    我對太甜的野真是無好感!! 自家製當然好野! 你整返間! 我支持你!!
    [版主回覆01/17/2010 21:29:00]哈哈~~~~ 整返間就要改個英文名叫做"Scottish Beauty"d洋人先睇得明!
     
     

    回覆刪除
  2. Gaileは林家歐巴桑2010年1月16日 下午5:12

    雖則冇試過,但論色澤我投S靚女一票
    以上三個餸都煮哂就可以處理唔多好既媽媽囉
     
    [版主回覆01/17/2010 21:27:00]多謝妳果一票喎! 不過唔知點解好媽媽會瘀瘀黑黑咁既色既??
     
     

    回覆刪除
  3. Yammi2010年1月16日 下午8:21

    我都覺得市面上既果jam大部份都好鬼甜~~
    你隻自家制真係無得頂啊
    [版主回覆01/17/2010 21:26:00]之前我好少食果醬，多數只係聖誕先買來配火雞.....可能因為少買來食，估唔到現成果醬真係甜成咁!!!!!
     
     

    回覆刪除
  4. Kelly Chan2010年1月16日 下午8:35

    自家制一定比出面好,因為鍾意點較味都得,所以"蘇格蘭靚女"唔該要整多幾樽喇!!!
    [版主回覆01/17/2010 21:25:00]我返香港時整樽過妳吖~ 不過要用妳d金罐牛油曲奇交換果喎!!!
     
     

    回覆刪除
  5. mami阿四2010年1月16日 下午9:38

    我之前都係買依隻，彤彤咪好鐘意囉，夠甜呀嘛，個樽我都留起咗，就係裝住洛神花醬嗰個嘞
    [版主回覆01/17/2010 21:23:00]好媽媽真係超甜喎!!!! 彤彤隻豬仔原來食得咁甜架........
     
    講真如果唔係貪佢個靚樽我都唔鬼買佢! 超市最貴既士多啤梨果醬就係佢嘞!
     
     

    回覆刪除
  6. CYcheung2010年1月16日 下午11:53

    呢個樽我都有呀 ... 出面既果醬好甜呀 .....
    [版主回覆01/17/2010 21:20:00]咁靚既樽，我唸好多人食完果醬都會keep 住佢!
     
     

    回覆刪除
  7. andrea2010年1月17日 上午1:39

    雖然法國好媽媽好索，不過我都係鍾意蘇格蘭靚女
    [版主回覆01/17/2010 21:14:00]等我幫蘇格蘭靚女換件衫，佢就會變成蘇格蘭索女架嘞!
     
     

    回覆刪除
  8. andrea2010年1月17日 上午1:41

    咁妳鍾唔鍾意M&S既果醬？我以前勁鍾意呢～
    [版主回覆01/17/2010 21:10:00]我無試過M&S喎! 其實我唔鍾意食甜野，所以都好少會食果醬架......屋企之前買果醬多數只係聖誕節用來配火雞~
     
    今次試整士多啤梨果醬又係因為聖誕時買咗包jam sugar 整cranberry sauce，剩返好多我先試吓整果醬架咋!
     
    不過M&S果醬個樽靚唔靚既先?
     
     

    回覆刪除
  9. Elke2010年1月17日 上午4:13

    靚的樽難求、我重未買到 Jam Sugar
    [版主回覆01/17/2010 21:05:00]其實英國靚既樽唔算難求，網上大把有得賣! e.g. £10左右有一箱12個，咩款都有~ 不過一來網上訂最少要一箱12個太多; 二來我搵到鋪頭現貨可以買少d又平d，不過依間少款囉....... 香港靚樽就更加易求，我見好多烘焙店都有玻璃樽仔賣，而且仲好平~~~~
     
    咁整jam 唔一定要用jam sugar 既! 我見好多人都係用普通砂糖，或者好似阿四咁用靚d既有機蔗糖，一樣整到~ 妳之前都整過blueberry jam 啦!
     
     

    回覆刪除
  10. ❤ 蕃薯媽 ❤2010年1月17日 上午6:24

    好媽媽..堅係好甜, 太多= ="""" btw... 蘇格蘭靚女 自家出品.... 唔知幾時有得試...(貪心中)"""
    [版主回覆01/18/2010 03:50:00]我好少食果醬~ 之前喺餐廳酒店都見過好媽媽，不過無試過，估唔到原來咁鬼甜!!!!!
     
    我過幾個月返香港呀~ 到時整樽比妳吖!  (我怕寄會爆樽啊.......)
     
     

    回覆刪除
  11. Ants2010年1月17日 上午8:49

    紅紅麵包,好好咬口!
    [版主回覆01/18/2010 03:42:00]蟻兄~ 係咪"咬頭"會比較押韻呢?
     
     

    回覆刪除
  12. Full House2010年1月17日 上午9:42

    個樽又好鬼靚呀 !
    我自己都係留番d樽循環再用架, 唔好浪費囉....
    現在自己整果醬, 我都好少買外面的果醬啦....
    [版主回覆01/18/2010 03:41:00]其實我一向都好少食果醬架! 因為我唔好甜嘛~ 多數只係聖誕買來配火雞.......不過今年聖誕食火雞第一次自己整cranberry sauce，特登買咗包jam sugar 又用唔哂，所以咪試吓整果醬囉! 估唔到又幾成功喎!
     
     

    回覆刪除
  13. 張家大少奶2010年1月17日 下午11:12

    蘇格蘭靚女!! 完勝!! ^^
    [版主回覆01/18/2010 19:13:00]多謝妳神聖既一票!
     
     

    回覆刪除
  14. Karen2010年1月18日 上午12:39

    蘇格蘭美女全勝，yeah
    [版主回覆01/18/2010 19:11:00]多謝妳神聖既一票!
     
     
     

    回覆刪除

訂閱： 發佈留言 (Atom)
Related Posts Plugin for WordPress, Blogger...