續狗公(1)......
(2) 以前每年暑假返香港，我一定會相約同我一樣鍾意睇書既好友伴娘C一齊去行書展，每次都滿載而歸~
有一年我地又去書展，已經行到尾聲，我 + C兩手都抽住幾大袋書，突然行到一個好多人既攤位，C先行頭擠入人群當中，我跟住C後面，八卦地尖起腳伸頭張望......
依個時候我感覺到抽住兩大袋書本既右手，有一團暖暖既野"high"緊我手背! 我轉頭一望 - 係一個外表斯文帶金絲眼鏡，身穿裇衫西褲，兩手空空插住褲袋既狗公，隔住條褲用佢下體"high"緊我手背!!!!!
(正人渣~ 真係行書展既又點會兩手空空??)
我一轉頭佢即時轉身走!!! 我向C求救，但C從人堆中返出來後，狗公已於書展人群中消失得無影無蹤!
C唯有安慰我，陪我去洗手間，我不停洗咗好多次手.......
(3) 我第3次既遇狗公經驗，係個零月前一個深夜......
我屋企附近有間24小時既Tesco Extra，好多時我地唔想太多人時去買野，廢事排隊等比錢，我 + 老公會趁深夜無乜人時去買野~
依一晚我地好似平時咁 - 老公去雜誌counter 睇書，等我慢慢入貨!
我一個人行去洗頭水section，當時果行係完全無人既......正當我喺度逐枝洗頭水拎開蓋聞吓咩味時，有一個大約30零40歲左右，頭髮似啱啱瞓醒，著T恤 + 運動褲既男人，行入來洗頭水section......
點解我留意得佢咁仔細呢? 因為依個狗公條運動褲褲頭繩完全解開無綁! 佢條褲已經鬆到露毛! 只剛剛遮住最重要既部位!!!!
我即時打手機比老公，仲要大大聲同老公講: Hon~ Can you come over to the shampoo section?
狗公即時轉身走人 - 佢一轉身我已經見到佢大條pat pat 罅!!!
好人好者點會著到咁行出街? 點解連褲頭繩都唔綁??
老公來到洗頭水section 後，陪我行勻成間Tesco 搵依個狗公，但搵唔到佢，我唸佢已經一早走咗......
>>>>>>>>>>>>>>>>>>>>>>>>>>>>>>>>>>>>>>>>>>>>>>>>
我希望籍自己依3次不快經驗，提醒各位女網友們 - 狗公真係處處有! 世界越來越多依種病態人! 大家出街時一定要小心 - 尤其有小朋友既家長們!!!
OH. D人真係好變態呢, 你下次小心呀
回覆刪除[版主回覆01/24/2010 00:12:00]依d狗公周圍都有，防不勝防! 除咗要小心之外，遇到事千其唔可以退縮，一定要搵人求救!
唔...我都試過...不過係係學校... 當時我剛arm黎左美國半年都冇、英文又唔識(當年我連手機既英文都唔識) 係學校有一堂成日都要去classroom入面既另一個細房仔~ assignment slot咁既櫃拎野、由於係全班一齊去、所以我一開始都冇為意... 直到有幾次(係...幾次...因為我大懵掛)我發現每次我拎野時、 就會有呢個墨西哥仔貼係我後面扮攞野!!直頭貼住我屁股! 我越向前縮佢就越跟埋黎... 再唔係就話我阻住佢條路、係好多人面前用隻手推向我胸部!! 我當年又細(14咋)又唔識諗...最後乜都冇做... 我只係識用英文同我當時既一個好朋友講「he did something bad to me」、就係咁、再多既都唔識講... (當時全間學校只有我一個華人) 就係咁放過左個賤人...現家諗返都好x嬲...嬲自己放過左佢... 又嬲自己當年乜都冇做... 其實亦都係因為咁我決定要學好英文...係好慘痛既經驗...
回覆刪除[版主回覆01/24/2010 00:04:00]年紀輕時可能真係唔識點處理~ 而且我唸好多洋人會以為中國人好恰，遇事都唔會出聲!
既然妳都有過不快經驗，以後就要小心d! 做女人真係要特別小心提防~
個d狗公係唔係外國人多?等我叫阿女小心d!
回覆刪除[版主回覆01/24/2010 00:01:00]我上面已經講咗 - 狗公處處都有! 咩野人都會有可能係狗公，總之做女人就要小心提防.
我撐妳----無乜讚過妳, 真心講句-妳煮嘢好掂, 並祝妳不再遇狗公
回覆刪除[版主回覆01/24/2010 00:00:00]多謝蟻兄既撐! 我當然唔想再遇到狗公~ 不過就算再遇到的話，我都一定唔會退縮，要比佢睇吓個"死"字係點寫!!!
佢地好人好者真係變態!依d人真係拉去打靶
回覆刪除[版主回覆01/23/2010 23:55:00]真係周圍都有好多依d變態人! 防不勝防!! 佢地可能見我細粒就以為我好好蝦，真係唔識死!!! 我遇到依d事一定會搞大佢等成街人都知佢地有幾衰!!!
有時係巴士我最憎d亞伯大把位係都要坐埋黎，行街又成日搵機會撞人
回覆刪除[版主回覆01/23/2010 23:52:00]我都覺得好多阿伯恃老賣老先最衰! 以為自己老人地就唔會同佢計較~
有次同老公一齊返香港，我 + 老公陪V爸爸食飯，條街人多，我摷手袋行慢咗少少，有個死人阿伯喺後面扮唔小心撞到我攬住我條腰，再成個頭哄埋來用鼻索我條頸! 跟住即時急急腳跑過對面馬路! 我大聲嗌前面既V爸爸 + 老公，佢地追上花園街街市捉住個阿伯，要個阿伯同我道歉!
睇完你既經歷,
回覆刪除我以前係香港都遇過至小5次以上狗公,仲試過幾次比人非禮
但果時細個無知又無膽, 竟然唔敢出聲....宜家諗返起真係好白痴!!!
宜家我一定會報警+當場x爆佢.......
仲有, 我勁憎香港啲死人麻甩佬用佢對死人眼色迷迷咁望住你上面
頂佢個肺, 前世未x見過女人咩!!!!
[版主回覆01/24/2010 23:43:00]我都知遇到依d事個人會慌張會亂，依點我絕相了解~ 但我真係好唔明有d受害人點可以死忍? 好似港鐵果單，個女事主竟然走咗......
幾日前坐地铁去尖沙咀 , 見到個樣衰衰的男人企係我前面 , 攞住本色情漫畫 ( 都好三級) 一路睇，一路用眼周圍望住的女孩子，一路陰陰笑 , 跟住又望住我、個死人樣乞人憎到呢、佢見我對眼噴火，就令轉面、真係想一大脚踢過去、佢雖然冇行動，我都覺得係 sexual harassment . Nothing you can do about it.
回覆刪除[版主回覆01/24/2010 23:37:00]最少佢無有侵犯性既行動，咁我就話之佢吖!
Wow....好多變態的人, be careful.
回覆刪除有事一定要求救
[版主回覆01/24/2010 23:35:00]狗公周圍都有，其實真係防不勝防! 做女人既唯有自己醒目d~ 遇事一定要出聲唔好怕，如果唔係盞壯大對方個膽!
Mrs T, you know what. I think you are a very beautiful woman, so that's why many 狗公 like to approach you.
回覆刪除BTW, you are right. We should be careful
[版主回覆01/25/2010 20:50:00]i have a different thought - those bastards may think that im weak cos im kinda small, that's why they think i maybe a good target!
they're so wrong!!!
我都試過係書展比人跟，當年年紀小，又唔敢出聲...
回覆刪除[版主回覆01/25/2010 20:47:00]做女人出街幾時都要小心提防!
相信真係所女仕都有見過狗公，所以好同意妳話最緊要自己小心+一定要出聲
回覆刪除我見過有個男人摸完個女人，個女人鬧佢，個男人賤到衝落巴士，然後鬧個女人樣衰，摸個阿婆都唔會摸佢，仲要講粗口，真係超賤，個女人想追落車，可惜巴士人多，趕唔切落車就已經開咗車
有次我老公話坐巴士見到個男人，周圍有位唔坐，專登坐係個女仔身邊(個女仔訓咗)，然後用手機影個女仔個心口，跟住我老公大聲喝佢，跟住個女仔嚇醒，我老公話個男人影佢心口，個女仔都唔出聲，淨係禁住個心口，然後個男人就坐上上層，我問我老公點解唔同司機講，我老公話個女仔根本都唔出聲，同司機講都冇意思~
前日我坐巴士返屋企，彤彤同細細都訓咗，我抱住彤彤，可能條泡泡褲戚起咗，件阿伯企我地前面可能以為彤彤著裙仔，側晒頭側晒身咁裝彤彤，頂佢呀，佢望到有人落車有吉位坐都唔坐，我咪側住個頭由下向上抄咁啤住個阿伯，佢就扮冇事周圍望，然後先坐低個吉位度，依啲阿伯越老越咸
[版主回覆01/25/2010 20:46:00]我都明白遇事時會慌張 + 亂! 但我就唔明點解好多女仔可以怕事到唔出聲??? 唔係懶偉大話要幫其他人等狗公無機會害下一個人，但佢自己蝕咗底，唔想狗公有應得既懲罰? 當事人唔出聲，旁人更加唔知以咩身份出聲.....
d阿怕真係好Q衰架! 恃老賣老!!! 上次同老公一齊返香港，我 + 老公陪V爸爸食飯，條街人多，我摷手袋行慢咗少少，有個死人阿伯喺後面扮唔小心撞到我攬住我條腰，再成個頭哄埋來用鼻索我條頸! 跟住即時急急腳跑過對面馬路! 我大聲嗌前面既V爸爸 + 老公，佢地追上花園街街市捉住個阿伯，要個阿伯同我道歉!
而家香港D賤男成日用手睜撞你個胸架,佢地真係賤到無人有,成日借D"2"走過黎撞你,變態到死!!
回覆刪除[版主回覆01/25/2010 20:39:00]
唔賤既話都唔會做狗公啦!
上次同老公一齊返香港，我 + 老公陪V爸爸食飯，條街人多，我摷手袋行慢咗少少，有個死人阿伯喺後面扮唔小心撞到我攬住我條腰，再成個頭哄埋來用鼻索我條頸! 跟住即時急急腳跑過對面馬路! 我大聲嗌前面既V爸爸 + 老公，佢地追上花園街街市捉住個阿伯，要個阿伯同我道歉!
依家好多男人好變態呀，你小心呀。
回覆刪除[版主回覆01/25/2010 20:37:00]總之做女人大家都要小心!