1. 米粉用熱水浸開，過冷河瀝乾備用。
2. 冬菇浸軟後搾乾水，去蒂切絲待用; 蝦米浸軟後瀝乾略略切碎。
3. 火腿切絲 (或可用肉絲); 高麗菜 (黃芽白)和紅蘿蔔切絲備用。
4. 預備油蔥酥 - 將乾蔥頭切片後，用油炸成脆酥片。
5. 燒熱油鑊下蝦米碎炒香，再下油蔥酥。
6. 加入火腿絲和冬菇絲炒勻。
7. 加入糖和醬油膏調味炒勻。
8. 下米粉炒至乾身，最後加入高麗菜絲、紅蘿蔔絲和蔥段炒勻，上碟後灑上少許切碎莞茜即成。
新竹米粉粉質特別幼細，口感爽滑富彈性~ 新竹米粉之所以出名，在於新竹地區季風指數高，經年吹強風，依種特別氣候環境特別適合製造米粉!
嘩! 呢碟米粉配埋生滾豬腰粥就正啦...
回覆刪除[版主回覆01/28/2010 01:21:00]係呀~ 係呀~ 尋日lunch 就係腰潤粥配炒米粉嘞!
唔該要個日式米粉........................(話時話, 有冇日式米粉)
回覆刪除[版主回覆01/28/2010 01:20:00]就算無都可以自創架嘛! 烹飪係無限制，可以天馬行空既創作~~~~
我都好鐘意食米粉架~~ 午餐自己一個人食, 又唔想出街, 米粉就岩晒~ 又快又好食~ (起碼有營養過公仔麵.....)
回覆刪除[版主回覆01/28/2010 01:19:00]其實我好少食米粉架~ 不過有時想食返去台灣時食過既味道! 我鍾意炒麵多d~ 放湯既話就鍾意瀨粉!
你炒的米粉夠晒健康, 我見菜多過肉. 新竹米粉你都有研究..佩服! 佩服!
回覆刪除[版主回覆01/28/2010 01:17:00]我想整返喺台灣夜市食過既味道 - 果d係無肉架! 所以咪炒清清地囉~~~
台灣除左新竹米粉出名外,埔里米粉都好出名,因為果邊d水係全台最好嘅,所以出嘅米粉都好有名,不過我用嘅都係新竹米粉
回覆刪除[版主回覆01/28/2010 01:16:00]未聽過埔里米粉喎! 咁妳有冇食過埔里米粉? 新竹定埔里好食d??
炒米粉真係要新竹先好味~~
回覆刪除[版主回覆01/28/2010 01:15:00]咁我又唔知新竹米粉係咪真係最好~ 我只係想食返我喺台灣食過既味道! 咁緊係用返台灣出產啦~~~~
新竹米粉
回覆刪除[版主回覆01/28/2010 01:14:00]喺台灣夜市邂逅炒米粉之後，一直未能忘懷~~~~
炒米粉好難整得好食!! 香港好多小食檔的炒米粉, 通常都係好淡, 唔好食~ 但有次我去飲茶, 果間茶樓唔算好乾淨企理(有D位真係見到有D唔開胃) 但D野食好食啊~ 尤其是個炒米粉, 好好食呢~ 仲有好多其他點心都好正~~ 最緊要係平丫麻~~ 我地呢排如果星期六日唔洗陪6299/我父母飲茶, 我同老公就2條友自己去飲, 仲要買份報紙慢慢嘆~ 飲完茶就夾住份報紙去買送~~ 真係好有退休FEEL~~ 哈哈~~
回覆刪除[版主回覆01/28/2010 02:10:00]我喺香港好少食炒米粉~ 多數都係食炒麵，尤其係海皇果d! 淋大pat 辣醬撈埋真係無得頂!!!! 正~~~
妳同妳老公星期六日嘆茶既流程表，真係好似我太62太99喎!
新竹米粉真係無得頂, 而且好幼身, 所以比我感覺好難炒得靚
回覆刪除[版主回覆01/28/2010 20:28:00]小小心得 - 炒粉麵要炒得靚唔易斷，最好用長竹筷來炒! 用鑊剷多數都會斷~~~
hihi..請問 醬油膏即係乜呢? hehe thnx
回覆刪除[版主回覆02/17/2010 19:24:00]醬油膏係一種台式調味料! 妳可以去依篇睇睇個樣: http://hk.myblog.yahoo.com/veronicams_tsim/article?mid=9861
Ohhh.....icic..i will check check supermarket in toronto ^___^ thanks~!!
回覆刪除[版主回覆02/19/2010 18:43:00]我果枝喺香港買架! 我喺英國暫時未見到有醬油膏~ 希望妳果邊搵到啦!
hihi...我星期日去咗超級市場揾呀....多倫多有得賣呀^^ 你要的話張買樽俾你呀!!! hehe
回覆刪除[版主回覆02/23/2010 16:47:00]咁咪好囉! 可以炒米粉嘞~~~~
先多謝妳! 暫時我果枝仲未用哂~ 有需要時搵妳幫手吖! thank you~~~