停不了的著數

話咁快又接近1月中，剛過去既weekend 天氣雖然稍微回暖，但街上行人 + 店舖裡面既客人都明顯地減少咗好多~~~~

老公話因為好多人喺聖誕、新年 + 大減價期間花咗好多錢，而且英國好多公司習慣12月時會比平時早出糧 - 早咗出糧就早咗花光! 所以1月中d人已經無乜錢出街......

少咗人出街幫襯一件事，但店舖餐廳生意始終要做! 因此就有以下既著數出現嘞!

著數1 - 六折壽司

本來尋日(1月10日) 老公話想去Hilton 食buffet~ 但咁啱我check email 又收到YO!Sushi send 來既40% off 優惠券!

 

決定改食sushi~~~~

今次總共食咗19碟，另加2個味噌湯!

原本食咗£6X，因為有6折，埋單都係£4X 咋! 抵到呢~~~~

之前食過YO!Sushi Manchester + Silverburn 既分店~ 當中以Manchester 分店
最差! 而Silverburn 雖然比Manchester 好 - 但亦只係無乜其他選擇之下果隻好......

 今次幫襯Frasers 新開咗3個零月既分店~

依間食物質素直頭係正~ 係我食過最好既YO!Sushi! 而且除咗倫敦Japan Centre 之外，依間喺英國來講真係叫做好好食!!

服務更加係一流~ 一入到去你已經感受到店員好歡迎你!
優惠做到28號，食一次點夠呢??
食飽飽~ 又到shopping 時間!

 收穫都唔錯!

著數2 - Pound Shop 買筍野

上次我都講過 - 英國Pound Shop (1英鎊店)類似香港既10蚊店;

雖然我又講過Pound Shop 貨品未必係最抵買......

但其實只要細心摷吓，可以好有驚喜架!

 好似我咁!

又話Pound Shop d野賣£1???

咪住~~~  吉X島10蚊店都唔係所有貨品賣10蚊啦!

個竹煲墊係£1......

 而依2 pack Mason Cash ramekin 雖然每pack £2......

John Lewis + Lakeland 都有Mason Cash 賣，但又點會£2 咁平吖~

所以真係好抵!


著數3 - 恨咗好耐既半價靚靚Salt & Pepper Set

知道Lakeland 有新到貨品，特別入去及及......

 有部份新貨仲未到店，所以只買咗3樣野~

(我都唔知無啦啦又買個心型曲奇模來做乜!!?!? 屋企已經有啦! 唉......)

Best Buy 係依套的的式式得來好鬼重手既靚靚Salt & Pepper Set~

原價£19.99 - 我一直好想要但嫌太鬼貴; 而家減到半價 - 承惠£9.99!

老公都話依套野好靚好classy! 不過我唔係好捨得真係用來做salt & pepper set......我唸我會用來當擺設~~~

 仲買咗1樽仔用來裝飾蛋糕餅乾，而且又食得落肚既閃閃令心心~

著數4 - 平到唔買唔得既12個月

一向買開Asda Extra Special 風乾12個月既parma ham......

今次特別要試試Tesco 既出品......

 風乾18個月!

依頭買完18個月......

 果頭12個月竟然減價 - 原價每pack £3，減到每pack £1!

依幾晚晚晚睇電視時都整一pack，實在太太太好味嘞~~~~~

P.S. 個人覺得18個月 + 12個月無太大分別! 兩隻都好好味!!!

另外依隻Tesco 既Spanish Selection pack 都幾好食~ 所以返到屋企未影相已經比我食鬼哂!

雖然火腿只係Serrano，但包埋兩種唔同口味既chorizo，而且只賣£2.79非常抵食!

無減價無著數，但買得好開心既收穫......

 網友阿四之前寄比我既波波花茶我都仲未捨得飲，咁啱喺依度又比我搵到喎!

換咗cast iron 鑊後熱力強勁，以前用開既Circulon 膠鑊剷好似開始頂唔順! 竹鑊剷又剷唔到餸上碟......

 所以要買隻耐熱260C又可剷餸既鑊剷~ 仲特別買返墨綠來襯返個鑊!

我聖誕時又燒燶咗個爐頭蓋嘞!!!!!!!!!!

 今次特登買返套貴dd又靚dd既，提醒自己 - 依套貴野來架! 唔好再燒燶嘞!!!!

經過連續好多日大雪落不停 + 試過零下12度之後......尋日(1月10日)係自12月中開始落大雪後以來，氣溫稍微回升最溫暖既1日 - 有4度!  樹上面既積雪都消失哂~

尋日一早被窗外普照既大太陽"殘"醒咗......

我: Honhon~ 今日好好太陽啊!!! (興奮地~)

老公: Honhon 就係我既太陽! 係呀~ 佢好好架!

我: Honhon~ 你真係好鬼老土呀!!!