今年第一套去戲院睇既戲~ 一早都預咗好睇......估唔到好睇成咁!!!!
2019年世界95%人口都變成吸血鬼，剩低既5%人類成為吸血鬼社會狩獵既目標~ 吸血鬼成立大公司將捉到既人類keep 住，作為生產 + 儲存血液既血庫。但由於人類人口越來越少，血液供應量越來越貧乏，吸血鬼 + 人類都面臨滅絕......
吸血鬼社會一方面狩獵剩餘既人類，另一方面研製血液代替品; 僅存既人類除咗要逃避吸血鬼追捕，亦發現咗終極解決方法 - 由吸血鬼變回人類! 於是一直尋找可以信賴既吸血鬼幫助......
哇哇哇!!!!! 好睇到呢~~~~~~
之前喺戲院睇到trailer，已經覺得題材好新，故事好吸引，應該會係一套好戲!
一開場已經好緊張刺激，驚嚇既好驚嚇; 刺激既非常刺激; 有型既異常有型!!! special effects 亦做得好好!
比我預期中實在好得太多嘞!!!!!
唔知香港會唔會上呢 個內容真係好有新鮮感
回覆刪除[版主回覆01/24/2010 23:03:00]我唸香港應該會上既!
真係咁好睇？買定Popcorn 先！
回覆刪除[版主回覆01/24/2010 23:02:00]我自己覺得好正!
你o係Blog咁樣讚Ethan Hawke...好難怪Mr.T唔呷醋...哈哈...
回覆刪除等我都留意下香港會唔會上先~
[版主回覆01/24/2010 23:01:00]老公一向知道我好多男朋友! 應該習慣哂~~~
我都覺得Ethan Haw好索!如果香港會上我一定會睇
回覆刪除[版主回覆01/24/2010 22:58:00]一定要睇!!!!!
好似好驚嚇咁bor
回覆刪除[版主回覆01/25/2010 21:03:00]驚嚇只佔少部份! 反而係故事性 + 題材新鮮吸引攞哂分! (仲有Ethan Hawke! )
Ethan Hawke有d似我boss喎....
回覆刪除[版主回覆01/25/2010 21:01:00]係真唔係呀? 有d似....即係似唔足! 要十足十先夠hot 喎!!!
咁正~~係香港上既時候一定要入戲院睇下先得!!
回覆刪除[版主回覆01/25/2010 21:00:00]妳都覺得Ethan Hawke 正呢?
嘩...個故事好吸引呀! 唔知香港幾時上映呢?
回覆刪除[版主回覆01/26/2010 18:33:00]暫時好似仲未見到香港檔期......
Ethan Hawke is awesome! have u checked out "before sunrise/sunset" then?!
回覆刪除[版主回覆01/28/2010 01:36:00]yeah i know he's awesome! however romance is not my cup of tea~ i prefer thriller, horror and drama!
he's really good in Training Day + Taking Lives! shame he didnt win the best supporting actor for Training Day~ although Taking lives wasnt very good, he's hot in it!
妳有冇睇Avatar, 我到依家都無乜興趣, 但係我d朋友話好好睇, 一定要去睇
回覆刪除[版主回覆01/28/2010 20:13:00]本來有打算睇Avatar，不過完全因為好奇雷聲咁大! 當年鐵達尼雷聲都好大，但戲就爛到不得了!!!
我睇完Avatar 故事大綱覺得有少少老土..... 興趣越來越少~ 唸住出DVD先睇!