2010年1月1日星期五

二人世界大除夕 + 元旦大餐 - 2009 - 2010 (附食譜)

大家既除夕 + 元旦如何渡過呀?Smiling-Small.gif image by veronica_tsim

今年既除夕 + 元旦我 + 老公過得好平淡~ 天氣實在太凍~~~~_1360.gif image by veronica_tsim 最舒服都係留喺暖笠笠既屋企睇DVD!

往年除夕會去朋友屋企倒數; 元旦又會請朋友來食新年飯~ 不過因為朋友去年失業至今大半年 ,所以今年除夕 + 元旦都要留喺屋企外賣店幫手,所以今年既飯局除消後補~ 希望新一年朋友會順利搵到新工作啦!
雖然依2日過得平淡,不過剛踏入2010年,我已經受咗2次刺激......1775465285.gif image by veronica_tsim

 踏入2010年只幾粒鐘,先來一個laptop 用用吓死機!_1651.gif image by veronica_tsim

部laptop 之前打咗柴,換咗hard drive 只幾個月.......

重新開機失敗! 即時嚇到我鼻哥窿無肉_1299.gif image by veronica_tsim

因為我2009年有好多相未save 去external hard drive!!!!!

好彩後來老公用safe mode 開機成功,即時拿拿淋將相save 去external hard drive......不過咁樣搞一搞就搞到朝早6點!_1646.gif image by veronica_tsim

搞到今日元旦好晏先起身~ 連早餐 + lunch 都無食,就skip 去煮一早計劃好既元旦大餐......

Photobucket

 但我煮野食時又比焗爐辣親手指,起咗個大水卜! 好鬼痛呀~~~~~
2008111213530145.gif image by veronica_tsim不過好在總算有驚無險!

雖然今年無朋友來食飯,_342.gif image by veronica_tsim 但我既元旦大餐一d都唔馬虎架! 去片~~~~

2009年最後一餐 - 火腿煎蛋飯 + 炒tender stem 西蘭花~

睇開我blog 既網友應該知道我係好鍾意食火腿煎蛋飯!_2145.gif image by veronica_tsim

不過依度無香港既金妹牌火腿,唯有用火腿扒來代替~~~~

 元旦大餐就豐富好多嘞!

 主角蜜汁燒火腿~2008111213530190.gif image by veronica_tsim

第一次燒gammon joint,發現原來咁鬼麻煩 - 尤其係刺孔插丁香入去!!!! 整到我吖......._1282.gif image by veronica_tsim

不過火腿一入咗焗爐後無耐......聞到果陣香味~~~~ 我就覺得之前一大輪功夫係值得既!_1344.gif image by veronica_tsim

蜜汁燒火腿(Honey Roast Gammon Joint)食譜click here~

生日果餐既燒鴿胸意大利黑醋火箭菜沙律食到我lam lam 脷~ 用鴨胸來代替整依味一樣好味!

燒鴨胸意大利黑醋火箭菜沙律食譜click here~

 第一次整既焗法國蝸牛~

歐芹蒜蓉牛油焗法國蝸牛 (Escargots with Garlic & Parsley Butter)食譜click here~

再加多一大兜忌廉海鮮意大利粉 (帶子、大蝦 + 白肉魚~)

忌廉海鮮意大利粉(參考食譜)click here~

_351.gif image by veronica_tsim 2個人邊食得哂咁多野呀?
係食唔哂架......新年嘛~ 緊係要豐富d架啦!biaoqing059.gif image by veronica_tsim

聽日咪唔洗煮囉! 呵呵~~~~2008111213534088.gif image by veronica_tsim



19 則留言:

  1. 美女廚神! 你整襯手指, 都可以煮出一手好餸! 佩服!!
    [版主回覆01/02/2010 10:51:00]過獎嘞~  其實我好鬼論盡.......
     
     

    回覆刪除
  2. 好犀利啊!
    火腿煎蛋飯加甜豉油............正呀!我都好鍾意食!
    [版主回覆01/03/2010 03:26:00]多謝讚賞~ 新年嘛~ 應該食豐富d既!
     
    係呀~ 火腿煎蛋 + 豉油白飯 - 缺一不可!!!!
     
     

    回覆刪除
  3. happy new year!
    希望兩口子的生活如新年大餐般豐豐盛盛, 多采多姿!
    [版主回覆01/03/2010 03:21:00]新年快樂~ Thank you Candy! 大家咁話~~~
     
     

    回覆刪除
  4. 新年快樂呀 , 好豐富的元旦大餐, 你隻手指冇咩事嗎?
    [版主回覆01/03/2010 03:19:00]新年快樂Fian~ 手指冇咩事嘞,只係仲有少少痛,Thanks!
     
     

    回覆刪除
  5. 我以前細個成日叫婆婆煎蛋俾我撈飯食加豉油好好味呢~
    個蜜汁燒火腿好正呀
    [版主回覆01/03/2010 03:18:00]火腿煎蛋 + 豉油白飯,缺一不可!
     
    我以為火腿比燒雞燒牛肉無咁多功夫....點知原來都唔少野架! 不過好彩好好食!
     
     

    回覆刪除
  6. 我想問你點解要插丁香入去,唔可以用第2種方法去醃?
    你份元旦大餐,真係睇到都覺得開心....
    [版主回覆01/03/2010 03:16:00]舊火腿連埋塊豬皮,插丁香入去來焗,丁香既香味會滲入火腿裡面,整舊火腿都好香架! 插完丁香可以即刻入爐焗架嘞,唔洗醃架~  新年係應該食豐富dd既!
     

    回覆刪除
  7. (Empty)
    [版主回覆01/03/2010 03:10:00]
     
     

    回覆刪除
  8. aiya,妳又整親手呀,唔該妳真係小心啲啦,成日整到手整到腳,今次又係整到手指,上次整腫咗都唔係好耐咋喎
     
    除咗之前祝妳嗰啲,我應該要祝妳新一年唔好再咁論盡,手手腳腳唔好再撞親
     
    妳嗰舊燒火腿插住啲茴香,我諗起以前王菲嗰個菠蘿釘頭
    [版主回覆01/03/2010 03:08:00]我d手指好似流年不利.......上次撞到中指散瘀後都仲痛咗幾耐.......我下次真係會小心架嘞~~~
     
    果d係丁香來架~ 唔係茴香! 都幾似粒釘架~ 其實王 菲個菠蘿頭都係跟人地Björk 既! 虧佢扮哂好有個性.......
     
     

    回覆刪除
  9. Gaileは林家歐巴桑2010年1月2日 上午5:33

    今次又到我依個大頭蝦提醒你喇,唔駛心急慢慢黎啦~~ 我由除夕食廚師腸仔食到新年,真係都咪話唔正.... 香港真係好~~ 依幾日我掃左好多海味返黎,仲買到賴粉,開心到我呀!!我只係買左5包咋,唔知會唔會好快食哂呢~ 舊火腿除左似王菲,仲好似"悉加佛"
    [版主回覆01/03/2010 03:00:00]同一時間整幾樣野,一時唔小心囉!
     
    如果妳掃貨掃得多,有d可以先打箱寄返台灣嘛~ 咁咪慳返行李位可以再買多d囉!
     
     

    回覆刪除
  10. 你兩個真係巧鬼豐富喎...... 火腿煎蛋飯... 我好耐冇食過喇..... 一定要右甜豉油........ YUMMY ~
    [版主回覆01/03/2010 02:54:00]新年緊要豐富d啦!
     
    我始終都係鍾意食香港果種金妹火腿~ 我返香港時,有時會買火腿煎蛋飯盒做宵夜架!
     
     

    回覆刪除
  11. 辣親手呀...小心啲呀!!!
    好豐富呀!!!流哂口水添, 我都好鍾意食火腿蛋飯, 喺香港食飯盒都會叫呢個~~
    [版主回覆01/03/2010 02:34:00]Thanks~ 我下次會小心d架嘞.......
     
    我返到香港同屋企人 / 朋友去茶餐廳食火腿煎蛋飯,佢地都覺得我好怪!  
     
     

    回覆刪除

  12. 好耐都無留言啦~ 碟法國蝸牛睇到我留晒口水~
    唉! 呢排都懶得寫blog!
    [版主回覆01/03/2010 02:31:00]新年快樂Pat! 係囉~ 我見妳都好耐無update.....
     
     

    回覆刪除
  13. 希望手指早日痊癒,為她祝福!
    [版主回覆01/03/2010 02:29:00]Thanks Ants~ 手指已經好返好多嘞!
     
     

    回覆刪除
  14. 我至愛呀 個火腿我睇到都口水流呢
    [版主回覆01/03/2010 21:23:00]多謝! 咁快d出去買舊火腿來燒啦~~~~~~
     
     

    回覆刪除
  15. 美國這邊今年都好凍, 加上我大住肚, 更加少了出去. 有時落大雪都係在家煮下飯仔.
    你個除夕大餐好豐富呀! 令人流晒口水!  不過我就不敢吃法國蝸牛.
    [版主回覆01/03/2010 21:22:00]多謝! 新年嘛~ 應該食豐富d既~~~
     
    點解唔敢食蝸牛呀? 法國蝸牛係我其中一樣至愛~~~
     
     

    回覆刪除
  16. 你個火腿煎蛋豉油白飯很大碟呵 ! 我又係好鍾意食火腿扒, 未試過金妹牌,多數去Deli Counter 買 ham off the bone 厚切. 小心手指, 快的冇事
    [版主回覆01/03/2010 21:17:00]火腿煎蛋飯係港式大眾化食物,最好緊係原汁原味用返普通果種火腿啦! 雖然火腿扒都好食,但根本完全唔同風味~ 只係焗住要用火腿扒! 妳講deli counter 買果種火腿更加係兩回事.........
     
     

    回覆刪除
  17. 嘩.....睇到我...流晒口水呀.....
    [版主回覆01/03/2010 21:13:00]
     
     

    回覆刪除
  18. 成千上萬粒丁香, 真好耐性!
    [版主回覆01/04/2010 09:25:00]哈哈~~~~ 咁又無成千上萬咁誇張!  頂哂龍幾十粒啫.......
     
     

    回覆刪除
  19. 睇見都想食呀~~真係一D都唔馬虎!!
    [版主回覆01/05/2010 03:32:00]新年當然要食豐富啦!
     
     

    回覆刪除

Related Posts Plugin for WordPress, Blogger...