菜乾紅蘿蔔煲羅漢果; 枝竹冬菇炆羊肉; 麵豉醬蒸小黃花魚; 蒜蓉炒芥蘭苗 & 烚自製鹹蛋
天氣真係黐咗線嘞!!!!
今日一早就陽光普照，我出街買餸時行咗5分鐘竟然熱到出汗!
不過其實都只係得7度~ 但我真係未試過蘇格蘭既1月喺室外會熱到出汗囉......氣溫明顯比上星期真係暖咗好多! 我果條想煮三餸一湯既孖筋好似啱啱冬眠完畢咁，好有意慾煮返餐中餐!
依餐係2010年第一餐正式中式晚餐，就整夠四餸一湯啦! (不過個湯其實係前日飲剩既! 嘻嘻~~~~ 
)
菜乾紅蘿蔔煲羅漢果食譜click here~ 枝竹冬菇炆羊肉食譜click here~ 麵豉醬蒸小黃花魚食譜click here~ 自製鹹蛋 - 裹鹽法click here~ 自製鹹蛋 - 鹽水浸製法click here~ 
嘩哈哈, 兩個人食四餸好勁呀
回覆刪除不過冬天都係食多d野好
我都想炆羊腩 , 可惜另一半唔鍾意食
[版主回覆01/19/2010 20:29:00]我地一向兩個人開飯最少三餸一湯架! 夏天都係咁架~
就算另一半唔鍾意食既野，我都會整比自己食架!
我都有試整咸蛋個蛋黃好紅，有酒香味，不過我覺得唔夠咸，等我下次落多d鹽整先。
回覆刪除[版主回覆01/19/2010 19:38:00]若覺得唔夠鹹可以醃長d時間! 鹽份需要時間先滲入到蛋殼架嘛~
我都整左麵豉,不過係蒸豬肉,而且用既係韓式麵豉醬,依邊好似冇中式麵豉,等我搵下先!
回覆刪除我今日都買左條黃花魚,我諗住就咁乾煎算喇,一樣好好味
[版主回覆01/19/2010 19:37:00]我覺得韓式麵豉味道太淡~ 若搵唔到中式麵豉既話，我唸用味噌會仲好!
妳果條黃花用來煎得應該係大條~ 我依d係黃花仔來，仲細條個手板呀! 所以用來蒸~
D咸蛋真係好得呀 ... 好似買返嚟咁呀 .....
回覆刪除冬天食羊腩真係幾好咖 .. but ,, 我唔好... 但係我d仔好 like...
你話唔落南乳得唔得呢 ?
[版主回覆01/19/2010 19:31:00]自從學識整鹹蛋之後，我都未買過現成鹹蛋~
我依度買唔到羊腩，我今次用紐西蘭羊柳來炆架咋! 當然可以唔落南乳啦! 整乜都有好多方法架啦~
嘩!!!!4個餸都好好味呀~~預埋我一份丫!!我而家好肚餓呀!!!
回覆刪除[版主回覆01/19/2010 19:28:00]哈哈~~~ 都叫咗妳食飽飽先入來嘛!
留意你個blog好耐, 好多食譜好有用. 見你有咁多廚房用具, 餐具, 烘焙用品....好有興趣參觀吓你個超級廚房的擺設. 可否upload幾張相欣賞?
回覆刪除[版主回覆01/19/2010 19:28:00]我個並唔係咩超級廚房，我只係鍾意買廚具! 唔好意思~ 我唔會公開自己屋企任何一個角落.
D 鹹蛋 好正喎﹗ 雪藏都好味﹖總之成枱餸我都好鍾意吃
回覆刪除[版主回覆01/19/2010 19:24:00]Thank you~ 自從我學識自製鹹蛋之後，我都未買過現成鹹蛋! 我weekend 又買咗鴨蛋，一陣去醃!
d黃花仔真係OK架，咁同新鮮緊係無得比啦! 不過喺度係要降低要求架嘞......
嘩... 你咁多廣告留言的....
回覆刪除黃花魚真係好滑呀 ., 這2天我都見到有獅頭魚賣呀 , 但好貴呀 , 成6蚊両呀 , 所以沒有買囉....
[版主回覆01/19/2010 19:19:00]唉.......自從死人丫烏整咗個廢柴驗證碼後，垃圾廣告已經多咗好多~ 聖誕前上咗人氣榜後就仲加越來越多!!!! 朝朝login 第一件事就係剷廣告 + spam......
我都係鍾意獅頭魚多d~ 黃花仔其實都好接近，不過我依d係雪藏野，無得咁多要求架嘞.......
btw 個potato masher 我要等到weekend 先去買，因為果間超市係遠少少既~ 不過我每個weekend 都會去果度! 下星期寄比妳啦~
我鍾意五柳黃花魚
回覆刪除[版主回覆01/20/2010 08:04:00]五柳要大條黃花魚架! 依d黃花仔來架咋......
一次post四樣餸, 食老公肚腫腫!
回覆刪除[版主回覆01/20/2010 07:57:00]咁你睇到有冇眼紅紅呀?
你好呀, 我行過見到你好犀利, 識煮好多野呀, 我有你一半就好 la.
回覆刪除[版主回覆01/20/2010 07:48:00]妳好~ 過獎嘞! 都係熟能生巧啫~
好厲害!! 豐富的晚餐! 細條黃花魚煎香都好食呀!!
回覆刪除[版主回覆01/20/2010 20:43:00]多謝何媽~ 等我下次都試吓煎香來食先!
我在這邊都好少新鮮魚食, 我地屋企都買過急凍的黃花魚, 相比其他急凍的魚, 味道都算不錯.
回覆刪除[版主回覆01/20/2010 20:42:00]好過無咁囉.......
哇~~愀同你老公都好食得~~成日都咁鬼正~~羨慕死人啦
回覆刪除係呢,想問下你網誌入面啲click入連結係點整架?? thanks!!
[版主回覆01/20/2010 20:40:00]冬天要食多d野先有氣力嘛!
我唔知其他人點整 (因為我唸應該有其他方法......)，不過我自己就編輯網誌時，去html 模式貼上依個html code，再改埋網址 + 文字依2 part，再click 返一般模式，咁就得架嘞!
<P><A href="網址"><FONT face=Arial,Helvetica,sans-serif size=3><FONT color=#bf005f><U>文字</U></FONT></FONT></A></P>
啲咸蛋真係醃的好正，搵日的起心干試吓先!!!
回覆刪除[版主回覆01/21/2010 06:03:00]多謝! 快d試吓整啦，醃成個月先有得食架!!!