2010年1月18日星期一

二人世界四餸一湯 - 2010年1月18日 (附食譜)



菜乾紅蘿蔔煲羅漢果; 枝竹冬菇炆羊肉; 麵豉醬蒸小黃花魚; 蒜蓉炒芥蘭苗 & 烚自製鹹蛋
天氣真係黐咗線嘞!!!!bb36.gif image by veronica_tsim今日一早就陽光普照,我出街買餸時行咗5分鐘竟然熱到出汗!

_2136.gif image by veronica_tsim不過其實都只係得7度~ 但我真係未試過蘇格蘭既1月喺室外會熱到出汗囉......

氣溫明顯比上星期真係暖咗好多! 我果條想煮三餸一湯既孖筋好似啱啱冬眠完畢咁,好有意慾煮返餐中餐!
_342.gif image by veronica_tsim 依餐係2010年第一餐正式中式晚餐,就整夠四餸一湯啦! (不過個湯其實係前日飲剩既! 嘻嘻~~~~ )

_366.gif image by veronica_tsim 好掛住V媽媽整既麵豉蒸獅頭魚!!!! 不過依度無獅頭魚賣,唯有買細條黃花仔頂住檔~ 但又無新鮮黃花仔喎......

 硬櫃雪藏野都照殺啦!

一定唔夠新鮮咁正架嘞! 不過蒸出來都幾滑,有八成似架! 而且黃花仔仲有好多魚春~ 正!!!!

 再整埋剩低2隻早排用鹹水浸製法整既鹹蛋,好砂又好油啊~~~~2008111213530154.gif image by veronica_tsim


 菜乾紅蘿蔔煲羅漢果食譜click here~
 
 枝竹冬菇炆羊肉食譜click here~

 麵豉醬蒸小黃花魚食譜click here~

 自製鹹蛋 - 裹鹽法click here~

 自製鹹蛋 - 鹽水浸製法click here~



15 則留言:

  1. 嘩哈哈, 兩個人食四餸好勁呀
    不過冬天都係食多d野好
    我都想炆羊腩   , 可惜另一半唔鍾意食
    [版主回覆01/19/2010 20:29:00]我地一向兩個人開飯最少三餸一湯架! 夏天都係咁架~
     
    就算另一半唔鍾意食既野,我都會整比自己食架!
     
     

    回覆刪除
  2. 我都有試整咸蛋個蛋黃好紅,有酒香味,不過我覺得唔夠咸,等我下次落多d鹽整先。
    [版主回覆01/19/2010 19:38:00]若覺得唔夠鹹可以醃長d時間! 鹽份需要時間先滲入到蛋殼架嘛~
     
     

    回覆刪除
  3. Gaileは林家歐巴桑2010年1月18日 下午7:12

    我都整左麵豉,不過係蒸豬肉,而且用既係韓式麵豉醬,依邊好似冇中式麵豉,等我搵下先!
    我今日都買左條黃花魚,我諗住就咁乾煎算喇,一樣好好味
    [版主回覆01/19/2010 19:37:00]我覺得韓式麵豉味道太淡~ 若搵唔到中式麵豉既話,我唸用味噌會仲好!
     
    妳果條黃花用來煎得應該係大條~ 我依d係黃花仔來,仲細條個手板呀! 所以用來蒸~
     
     

    回覆刪除
  4. D咸蛋真係好得呀 ... 好似買返嚟咁呀 .....
    冬天食羊腩真係幾好咖 .. but ,, 我唔好... 但係我d仔好 like...
    你話唔落南乳得唔得呢 ?
    [版主回覆01/19/2010 19:31:00]自從學識整鹹蛋之後,我都未買過現成鹹蛋~
     
    我依度買唔到羊腩,我今次用紐西蘭羊柳來炆架咋! 當然可以唔落南乳啦! 整乜都有好多方法架啦~
     
     

    回覆刪除
  5. 嘩!!!!4個餸都好好味呀~~預埋我一份丫!!我而家好肚餓呀!!!
    [版主回覆01/19/2010 19:28:00]哈哈~~~ 都叫咗妳食飽飽先入來嘛!
     
     

    回覆刪除
  6. 留意你個blog好耐, 好多食譜好有用. 見你有咁多廚房用具, 餐具, 烘焙用品....好有興趣參觀吓你個超級廚房的擺設. 可否upload幾張相欣賞?
    [版主回覆01/19/2010 19:28:00]我個並唔係咩超級廚房,我只係鍾意買廚具! 唔好意思~ 我唔會公開自己屋企任何一個角落.
     
     

    回覆刪除
  7. D 鹹蛋 好正喎﹗   雪藏都好味﹖總之成枱餸我都好鍾意吃
    [版主回覆01/19/2010 19:24:00]Thank you~ 自從我學識自製鹹蛋之後,我都未買過現成鹹蛋!  我weekend 又買咗鴨蛋,一陣去醃!
     
    d黃花仔真係OK架,咁同新鮮緊係無得比啦! 不過喺度係要降低要求架嘞......
     
     

    回覆刪除
  8. 嘩... 你咁多廣告留言的....
    黃花魚真係好滑呀 ., 這2天我都見到有獅頭魚賣呀 , 但好貴呀 , 成6蚊両呀 , 所以沒有買囉....
    [版主回覆01/19/2010 19:19:00]唉.......自從死人丫烏整咗個廢柴驗證碼後,垃圾廣告已經多咗好多~ 聖誕前上咗人氣榜後就仲加越來越多!!!! 朝朝login 第一件事就係剷廣告 + spam......
     
    我都係鍾意獅頭魚多d~ 黃花仔其實都好接近,不過我依d係雪藏野,無得咁多要求架嘞.......
     
    btw 個potato masher 我要等到weekend 先去買,因為果間超市係遠少少既~ 不過我每個weekend 都會去果度! 下星期寄比妳啦~
     
     

    回覆刪除
  9. 我鍾意五柳黃花魚
    [版主回覆01/20/2010 08:04:00]五柳要大條黃花魚架! 依d黃花仔來架咋......
     
     

    回覆刪除
  10. 一次post四樣餸, 食老公肚腫腫!
    [版主回覆01/20/2010 07:57:00]咁你睇到有冇眼紅紅呀?
     
     

    回覆刪除
  11. 你好呀, 我行過見到你好犀利, 識煮好多野呀, 我有你一半就好 la.
    [版主回覆01/20/2010 07:48:00]妳好~ 過獎嘞! 都係熟能生巧啫~
     
     

    回覆刪除
  12. 好厲害!! 豐富的晚餐! 細條黃花魚煎香都好食呀!!
    [版主回覆01/20/2010 20:43:00]多謝何媽~ 等我下次都試吓煎香來食先!
     
     

    回覆刪除
  13. 我在這邊都好少新鮮魚食, 我地屋企都買過急凍的黃花魚, 相比其他急凍的魚, 味道都算不錯.
    [版主回覆01/20/2010 20:42:00]好過無咁囉.......
     
     

    回覆刪除
  14. 哇~~愀同你老公都好食得~~成日都咁鬼正~~羨慕死人啦
    係呢,想問下你網誌入面啲click入連結係點整架?? thanks!!
    [版主回覆01/20/2010 20:40:00]冬天要食多d野先有氣力嘛!
     
    我唔知其他人點整 (因為我唸應該有其他方法......),不過我自己就編輯網誌時,去html 模式貼上依個html code,再改埋網址 + 文字依2 part,再click 返一般模式,咁就得架嘞!
     
    <P><A href="網址"><FONT face=Arial,Helvetica,sans-serif size=3><FONT color=#bf005f><U>文字</U></FONT></FONT></A></P>
     
     

    回覆刪除
  15. 啲咸蛋真係醃的好正,搵日的起心干試吓先!!!
    [版主回覆01/21/2010 06:03:00]多謝! 快d試吓整啦,醃成個月先有得食架!!!
     
     

    回覆刪除

Related Posts Plugin for WordPress, Blogger...