沮喪呀!!!!!!!!!!!!!!!!!!!!
剛過去既星期日回暖少少至4C + 開始溶雪，我仲好鬼開心以為大雪終於落完~ 雖然天氣預測仲會有大雪，但暗啞底希望天氣報告唔準......
點知尋日(1月14日)朝一起身望出窗外，周圍又鋪上咗一遍白茫茫!!!! 
入到廚房仲要對住個死佬篤眼篤鼻......真係好沮喪呀!!!!!
雖然老公話會打電話去Argos 理論，一定幫我討回公道.......
但我心突然有一個念頭 -
你不仁，我不義! 我等唔到weekend 嘞! 我要紅杏出牆 - 我要去Tesco 買部cheap 野返來整麵包!!!!不過當我行到去Tesco 門口時，條氣又有少少唔順!
於是走咗過去Tesco 對面既Argos 入去當面問清楚! 結果竟然出乎我意料之外......
原來死佬係有1年guarantee 架! 佢地話我只要帶張單 + 條屍入去，就可以refund 或者換過個!!
我即時臨崖勒馬 - 無買個cheap 野~~~~
不過我都有挣扎架 - 究竟要"贍養費"好?
比機會佢改過自身?? 
定還是換過第二個牌子 / 型號好呢??? 
最後我乃念佢靚仔 + 一直對佢好滿意，決定比多次機會佢啦!
等老公尋晚放工後，我地即時出去一手交一手帶佢返屋企!
再有下次我就無情講掃你去大西洋!!! 
驚唔驚佢再有古怪?
果1年guarantee 由頭從開始計過架嘛!!
你那邊仲落雪呀!! 我們這邊無落啦! 心情會好少少! 你部野再有次機會, 應該會生勝啦!!
回覆刪除[版主回覆01/15/2010 20:07:00]尋日全日落下停下咁~ 不過今日又停咗咯喎! 仲有少少風呢~ 有風d雪就溶咗好多嘞!
希望今次部野會生性啦! 佢要是再唔生性就唔該早少少，等我趕得切guarantee 換過第二個牌子!!!
我見到d雪都凍哂,黎緊依個week台灣日頭都會有大概25C,真係會有d熱...
回覆刪除咁咪唔驚囉....再有問題咪同佢分手搵過第二個囉!
[版主回覆01/16/2010 20:54:00]25度咁厲害!!!!?!?!?! 不過我依度尋晚又大風又大雨，今朝積雪消失哂咁滯!
係呀~ 佢再壞我真係換過第二個牌子架嘞!!!!
haha....I think "he" will be good this time.
回覆刪除What kind of bun bun you wanna make?
[版主回覆01/16/2010 20:56:00]fingers crossed! not telling you.........cos i havent decided yet~
咁好?! Warranty 重新計過? What if you change the other brand? Beside, I love your humor. You are so cute.
回覆刪除[版主回覆01/16/2010 20:49:00]why not? 換過件新貨，新貨緊係要單一重新計過啦!
Thanks Prudy~ 部野都壞咗咯，就算忟於事無補，唯有講吓笑keep 自己positive!
最好呢部生生性性, 過左11個月零30日先好壞呀! 等你又可以拎去換, 到時仲可以揀新款!! 正!!
回覆刪除[版主回覆01/16/2010 20:41:00]我想佢唔好再壞喎! 佢唔壞時真係好正架!!!!
我呢度無雪好耐喇~~ 我諗你個死佬會乖架喇...豪一次機會俾佢啦~
回覆刪除[版主回覆01/17/2010 04:07:00]我依度都停咗嘞! 尋晚落大雨，今朝積雪無哂咯~~~~
都唔洗豪比佢既，反正換部新完全唔洗錢既!
可以換過第二個咁又幾好喎 ~
回覆刪除[版主回覆01/17/2010 04:05:00]其實依度買野都算幾有保障! 好似買衫咁，一般有28至30日 - 唔一定要件衫有問題，只要within 28至30日內，就算唔鍾意都可以退返錢~ 所以有好多cheap 精買咗衫唔剝價錢牌，著完件衫攞返去鋪頭換錢.....
俾我講中，响外國買嘢保障好的，以前响澳洲買咗個面包机，玩過5個月唔郁, 攞返去,換一個, 点知唔單止換，重換個更新型号，幾開心。响香港？有單都有的机會 . 咁咪好，又有新機。
回覆刪除[版主回覆01/18/2010 04:44:00]我其實都可以換第二個款~ 不過成間野最貴果個hand mixer 就係我依個kMix，我又唔會買stand mixer，所以咪換返依個囉!
咁都幾好喎,希望呢個無問題~~~
回覆刪除[版主回覆01/18/2010 04:42:00]如果呢個都有問題既話，唔該快手d有問題 - 等我趕得切再去換過個!