2010年1月27日星期三

Thirst (饑渴誘罪) - 2010年1月26日

舊年2009睇咗好多戲但無作紀錄,當中有好正亦有好爛; 決定要將今年所有睇過既戲,無論好壞都要有系統地記錄落來......不過咁就死嘞!thboo.gif image by veronica_tsim

踏入2010年暫時我地睇咗3套戲 - weekend 戲院睇既Daybreakers; 買返來DVD既把鬼Hansel & Gretel + 尋晚睇既Thirst (饑渴誘罪)......


朴贊郁既"Oldboy 原罪犯"揚威全球影展,獲獎無數,連帶佢自己本人喺海外名氣都急升!

我自己亦都係由"Oldboy" 開始欣賞朴贊郁,除咗"Oldboy"之外,我都好鍾意佢既"Sympathy for Mr. Vengeance" (復仇) + 三更2之割愛 (Three Extremes - Cut)~ 雖然我覺得"Sympathy for Lady Vengeance" (親切的金子) 麻麻地 ,不過又不至於好差果隻!

後來有"I'm A Cyborg, But That's OK" (再造人之戀),因為題材太科幻,並唔係我杯茶 ,所以我無睇到......
不過今次既"Thirst"真係令我失望得太緊要!!!  Peeved-small.gif image by veronica_tsim

近年日韓電影喺歐洲大熱,對歐洲海外電影市場來講,"Oldboy"既朴贊郁加"The Host"既宋康昊,應該係黃金組合先啱架; 而"Thirst"未出DVD前都叫做有少少noise - 最少我知道英國會release......

但今次"Thirst"戲院竟然無上畫 - straight to DVD! 我都好意外!!!  不過真係買咗來睇先知咩事!

神父捨身為不知名致命病毒做研究,意外輸入他人血液變成吸血鬼,同時心裡一直被抑制既原始獸性罪性被釋放出來blah blah blah......




width="480" height="385">

好簡單既一個故事,當中神父變成吸血鬼依個idea 有強烈對比,但我覺得劇情太集中喺"慾望"依部份,其餘所表達既並不多 + 唔夠深入,戲根本無需要咁長!  
我 + 老公都覺得劇情沉悶 + 拉得太長~~~~_2027.gif image by veronica_tsim而果幾場情慾戲,真係睇到我個胃反轉再反轉!!biaoqing062.gif image by veronica_tsim
大佬呀~ 荒誕fetish 得來都應該有個譜! "奶"腳趾都勉強頂得順; 但"奶"格肋底我真係接受唔到!!!!monkey2063.gif image by veronica_tsim 而且我覺得情慾部份實在太多 + 無咁既需要!

另外我亦好討厭戲裡面集中用藍色! (當年我討厭"英雄",顏色係其中一個主要因素!) 依咋大導演係唔係都要玩吓顏色,咩戲都拍到咁"藝術",m7.gif image by veronica_tsim恕我唔識欣賞嘞!!

唔知人一紅咗出名咗,就係咪一定會退步既呢? 上次"親切的金子"已感朴贊郁開始放軟手腳; 今次既"饑渴誘罪",對我來講真係算爛 - 尤其因為出自朴贊郁! 令我覺得朴已所餘無幾......

宋康昊一直係我最欣賞既韓國男演員! 雖然戲爛,但佢都仍維持一貫水準~ 若戲無咗宋的話,我唸我未必可以撐得完成套戲!!! 唯獨有感此戲浪費咗宋康昊,亦破壞咗宋既良好record!

我 + 老公都覺得套戲好長好長,我地都以為戲有成3粒鐘......但我睇返DVD盒上既資料 - 其實戲只係128分鐘! 只有2粒鐘左右 - 可想而知我地捱得幾辛苦呢!!!
又一套睇完想講粗口既爛戲!!Livid-small.gif image by veronica_tsim

本來對奉俊昊既"Mother" (骨肉同謀)好有期待~ 奉亦係另一位我非常欣賞既韓籍導演!

加上韓片一向喺我紀錄裡面都尚算良好! 唯獨今年唔知搞乜鬼? 一月仲未過 + 暫時只睇咗3套戲,當中2套爛戲均係韓片! 真係令我失咗好多信心......Sigh-small.gif image by veronica_tsim




4 則留言:

  1. "奶"腳趾都勉強頂得順; 但"奶"格肋底我真係接受唔到!!!! 好核突呀﹗哈哈哈﹗好似整估人咁呀﹗哈哈哈﹗
    [版主回覆01/28/2010 00:48:00]套戲"奶"完腳趾再"奶"格肋底......都唔知佢想表達d乜?
     
     

    回覆刪除
  2. 你d icon 係咪你呀?
    [版主回覆01/28/2010 00:49:00]係呀~ 我來架! 老公畫既~
     
     
     
     

    回覆刪除
  3. 可以令妳唔講煮餸, 而嚟鬧爆...........應該好好好好爛!
    [版主回覆01/28/2010 20:04:00]在我來講真係好爛! 雖不至成為爛霸,但以朴既出品來講,都算係爛皇!!!
     
     

    回覆刪除
  4. 呢套野我睇預告好似好正, 仲唔敢睇呢...
    [版主回覆01/28/2010 20:03:00]我就係比個預告片 + 朴贊郁個名昆咗買隻碟!
     
     

    回覆刪除

Related Posts Plugin for WordPress, Blogger...