2010年1月11日星期一

玫瑰士多啤梨果醬


1. 消毒容器:

_2099.gif image by veronica_tsim果醬容器一定要徹底消毒!
如果唔係果醬好容易變壞架!!!

- 先將用來盛果醬的玻璃瓶和蓋用洗潔精和熱水洗淨。

- 再用滾水沖洗內外。

- 預熱焗爐120C,將洗淨的玻璃瓶和蓋放在baking tray 上,放入焗爐內最少20分鐘徹底焗乾水份。

- 果醬完成後從焗爐取出玻璃瓶 (小心被玻璃瓶燙傷! ),即時將果醬入瓶,再立即蓋上瓶蓋後,將玻璃瓶倒放2分鐘待全涼。

- 在玻璃瓶上註明製造日期~ 入瓶後未開封的果醬在陰涼地方可保存6至12個月; 開封後要放入雪櫃,可保存6星期。


2. 材料: 新鮮士多啤梨400g, 檸檬汁32ml, 糖332g~

3. 士多啤梨洗淨去蒂,逐粒用廚房紙徹底抹乾後切半。

4. 將士多啤梨放在煲內,加入檸檬汁,用壓蓉器搗爛成蓉。

5. 加入糖和32ml清水,用中小火一路加熱煮至糖完全溶化,一路用木匙搞拌及不要煮滾,煮約10分鐘。

6. 轉至中大火一面加熱一面搞拌煮至小滾,並用湯匙去掉泡沫,煮5分鐘。

7. 下食用玫瑰花瓣放入果醬內煮5分鐘,熄火後立即從焗爐取出玻璃瓶入瓶並封好。



_342.gif image by veronica_tsim P.S. 果醬仍熱時質地會較稀,待涼後會應該會變成如現成果醬般稠。
我用既係果醬專用糖 - Jam Sugar~ Jam Sugar 含有較高果膠,可令造出來既果醬變稠!
配上新鮮出爐既湯種北海道牛奶吐司,老公放工返來一口氣連食6塊~~~



28 則留言:

  1. Gaileは林家歐巴桑2010年1月11日 下午5:29

    依個正,我又試下先 ...咁玫瑰係咪都係要煮溶(佢煮得溶架?)
    [版主回覆01/12/2010 18:33:00]唔洗~ 要佢陣香味之嘛! 我用花蕾有少少麻煩......下次試吓用花瓣,可以連花瓣一齊食埋!
     
     

    回覆刪除
  2. 有包都唔止,仲要加埋玫瑰士多啤梨jam,真係引死我,好彩屋企有麵包,唔得啦,等我都去搽塊包包食先得  
    [版主回覆01/12/2010 18:32:00]我依樽唔係文華果喎!
     
     

    回覆刪除
  3. haha ... 你個 hon 真係好勁.. 食左6塊 ...... 一定好好味定勒 ~~
    [版主回覆01/12/2010 18:31:00]我都覺得幾好食! 有少少意外第一次整就整到......
     
     

    回覆刪除
  4. 你上咗人氣榜啊!

    [版主回覆01/12/2010 18:30:00]我知呀~ 其實都上咗一排架嘞......
     
    http://hk.myblog.yahoo.com/veronicams_tsim/article?mid=27166
     
     

    回覆刪除
  5. 好好味喎~~唔怪得之MR T可以食咁多塊啦,咁MR T仲食唔食得落飯呀?
    [版主回覆01/12/2010 18:28:00]今次d士多啤梨又紅又大 + 好鬼熟,整出來既果醬甜得來仲好香~~~~
     
     

    回覆刪除
  6. 睇落好好味喎
    [版主回覆01/12/2010 18:27:00]多謝~ 都幾好味架!
     
     
     
     

    回覆刪除
  7. 我媽媽都好喜歡食果jam,等我整一樽比佢試吓先。
    [版主回覆01/12/2010 18:26:00]好呀! 試吓整啦~ 唔難架! 不過個個人口味唔同,最好一路煮一路試試甜味!
     
     

    回覆刪除
  8. wa.a """" yummy =)
    有沒有下...lemon 青唷....如果有會仲香ga....
    [版主回覆01/12/2010 21:20:00]無呀~ 因為第一次整跟足本書做法! (不過玫瑰花係我手痕加入去既~) 上次整cranberry sauce 就有加~
     
     

    回覆刪除
  9. 終於等到妳整士多啤梨果醬~我又要學
    [版主回覆01/13/2010 07:46:00]咁快d開工啦!
     
     

    回覆刪除
  10. 冇jam sugar, 如果用普通糖,效果會唔會差好多?
    [版主回覆01/13/2010 07:45:00]我唔知呀! 今次我第一次整咋.......我唸應該影響唔大,可能會稀少少啩!!?!? 或者妳用普通糖再加埋果膠試吓~
     
     

    回覆刪除
  11. 好正呀 又冇"添加" good~
    [版主回覆01/13/2010 07:43:00]多謝笨笨~ 自己整既野幾時都好過買現成!
     
     

    回覆刪除
  12. 食左6塊咁勁, 睇嚟真係好好好味喎
    [版主回覆01/13/2010 07:43:00]我整乜老公都好捧場架!  整咗樽半~ 果半樽今朝已經比我食哂~ 今日老公返來食埋剩低既麵包要開新樽.....
     
     

    回覆刪除
  13. 嘩  , 妳好有心機呀 , 又整果jam , 又整面包 ,我就好懶............
    [版主回覆01/13/2010 07:41:00]多謝~ 我鍾意整野食嘛!
     
     

    回覆刪除
  14. 哈哈, 流口水...
    [版主回覆01/13/2010 18:45:00]試吓整啦! 自食 + 送比人都可以~~~
     
     

    回覆刪除
  15. 唔知香港買唔買到 Jam Sugar ? 我也找不到 pectin , 我試過用佢加糖做 Bluebery Jam...
    [版主回覆01/13/2010 18:44:00]英國超市我用依個牌子 - Silver Spoon,有jam sugar 又有pectin~ 或者妳可以試吓置地既ThreeSixty?
     
    如果真係2樣都搵唔到,可以試吓用普通砂糖加魚膠片~
     
     

    回覆刪除
  16. 這個果JAM, 好呀!! 我會試整! 多謝!!
    [版主回覆01/13/2010 18:41:00]個個人口味唔同,所以甜度最好自己試味調較喎!
     
     

    回覆刪除
  17. Mrs T, 玫瑰花乾喺邊度有得買???
    [版主回覆01/15/2010 02:16:00]我喺泗和行買架! 原本用來沖花茶,果日手痕時先加落果醬度......
     
     

    回覆刪除

  18. 黑色果個嘢好正喎....
    [版主回覆01/16/2010 22:39:00]potato masher~ 香港無得賣咩? 依個野好平架咋,妳要唔要吖? 寄個比妳吖?
     
     

    回覆刪除
  19. Almaly 卡樂B媽咪2010年3月19日 下午1:46

    我今日都試整左啦,不過唔係好明入左樽倒放呢個程序...因為成樽野好熱,我又覺得個蓋可能唔扭得實,驚會漏,所以無做,希望對制成品無影響啦
    [版主回覆03/20/2010 05:27:00]入樽後扭實蓋後再倒放2分鐘 - 依個step 可以令樽裡面形成少少真空狀態,令未開封既果醬可以保存耐d! 所以如果妳唸住好快食哂樽果醬,唔做依個step 都可以~
     
     

    回覆刪除
  20. Almaly 卡樂B媽咪2010年3月20日 下午12:15

    又係我...我試食左啦...好甜呀!後來我檢討覺得係因為我整個真切走做好多唔紅既STRAWBERRY部分,少左成100G果肉,但糖就無減. 於是我就用淨低個盤STRAWBERRY再整多次,計清楚真正有幾多果肉,然後糖就落果肉3/2重量呢個比例黎試,但都鍾係好甜...你覺得會係甚麼原因?同埋正果真正係覺得太甜有MAT補救方法呢?可以指點下嗎?
    [版主回覆03/21/2010 03:41:00]有好多可能果喎......
     
    - 或者妳用既士多啤梨本身已經好甜;
     
    - 每人口味唔同~ 同一個味有人可能覺得啱啱好,但又可能有人覺得太甜 / 唔夠甜! 所以我成日都話咩野食譜份量都只係用作參考;
     
    其實如果妳下次再整時怕甜,妳應該先落一半糖後試味,然後再逐少加糖 + 試味,試到妳覺得啱味為止!
     
     

    回覆刪除
  21. 你好叻呀~~
    你老公真係好幸福呢!!
    [版主回覆04/11/2010 03:51:00]過獎嘞Fione~ 我只係不停學緊新野,並唔叻!
     
     

    回覆刪除
  22. 想請教, 玫瑰花乾是整朵用, 還是只用花瓣, 去掉花芯及托? 謝謝!
    [版主回覆05/14/2010 20:14:00]唔好話請教啦~ 大家傾吓計之嘛!
     
    我2樣都試過~ 証實只用花瓣好好多! 成個花蕾放入去,會有玫瑰味,但食時好麻煩~
     
    我係用依種玫瑰花瓣~ 若妳搵唔到的話,可以用花蕾去芯8 去托!
     

     
     

    回覆刪除
  23. 今日靠你個食譜試做了,我都加了花茶的花瓣,好好味呀.下次做我會再減糖的份量.
    [版主回覆08/29/2010 02:54:00]其實所有食譜份量都應只作參考~ 畢竟每人口味都唔同,而且整果醬要視乎士多啤梨本身甜唔甜! 所以煮時最好一路試味~
     
     

    回覆刪除
  24. 請問D玫瑰花可以係邊度買呀? TESCO有無?! 我來英國唔係好耐, 好多野都唔知去邊度買...
    [版主回覆09/16/2010 19:29:00]我d玫瑰花蕾喺泗和行買架! 不過我覺得整果醬用玫瑰花瓣好好多~ http://hk.myblog.yahoo.com/jw!0JxOTPiEFQXmfq1oXMpiHstVyvL2Ju4-/article?mid=34056
     
    玫瑰花瓣可以喺一d organic food shop 買得到,不過並唔常見,我都係咁啱撞見咋~ 又或者妳可以上網order! 普通超市應該無架!
     
     

    回覆刪除
  25. 我琴日整左呀, 不過今朝起身睇, 唔知點解放涼左, 都唔稠身?! 我已經用左jam sugar啦... 有咩問題呢?!
    [版主回覆10/23/2010 17:47:00]妳有無照住上面煮既時間去煮? 若照足以上時間去煮,水份應該會蒸發得咁上下,果醬放涼咗就會變稠果喎! 我整咗咁多次都係照依個方法,咁多次都成功~
     
     

    回覆刪除
  26. OH... 可能係時間唔夠, 因為我開頭唔記得睇時間  咁咪浪費晒...
    [版主回覆10/24/2010 03:14:00]依個我幫妳唔到嘞! 我都唔知而家可以點........或者妳可以試吓倒返d果醬出來再煮多次! 煮到杰杰地咁睇吓救唔救得返?
     
    (我唔知得唔得果喎!!)
     
     

    回覆刪除
  27. 真係好啦  我好鬼鍾意玫瑰架,一定要試吓
     
    以前我都曾經响朋友屋企一齊整果醬,嗰次佢教我整火龍果加橙嘅果醬,好清新好特別,因為我唔喜歡太甜,所以啱啱好
     
    [版主回覆05/08/2011 03:00:00]依個玫瑰果醬其實都係重士多啤梨味多d~ 如果鍾意玫瑰香味,可以勺量加少少rose water 來增加玫瑰香味!
     
     

    回覆刪除
  28. 好主意喎,都冇諗過可以加埋玫瑰花水一齊煮添
    [版主回覆05/11/2011 19:56:00]不過落少少好咯喎~ rose water 都幾strong 架!
     
     

    回覆刪除

Related Posts Plugin for WordPress, Blogger...