2010年1月29日星期五

二人世界食麵包 - 2010年1月29日 (附食譜)

本來今晚準備整星洲炒米做晚餐,我仲一早準備哂所有材料......
_2070.gif image by veronica_tsim 晏晝突然興起想搓包,於是即刻去買料整白汁洋蔥雞包~

本來打算整12個......
_2001.gif image by veronica_tsim點知原來雞包好鬼難包架~~~ 因為有汁!
一路包一路爆一路抹......包咗6隻雞包後終於頂唔順!Sigh-small.gif image by veronica_tsim

不過仲有一半已經發酵好既麵糰,咁點算呢??   即時摷吓屋企有咩材料可以用來整包......
最後比我搵到雪櫃裡面有包未開袋既grated cheddar cheese + 1 pack 火腿扒!
monkey2069.gif image by veronica_tsim 不過屋企無沙律醬!!! 所以都要落街買......順手買埋pack 膠唧樽~~~

 因為咁......今日出爐除咗有6個白汁蔥雞肉包,仲有8隻火腿芝士沙律包!

 雖然雞包多汁好難包......不過出乎意料之外 - 個包底埋口得唔錯喎!  (之前我預咗出爐後會爆哂架!! )
整咗包包都有一段時間,發現自己熟手咗好多!m205.gif image by veronica_tsim

今次2種包包都無跟任何一本麵包食譜書,只係好隨意 + 隨手隨心咁整出來~

上2次整湯種麵包 (北海道牛奶吐司 + 伯爵奶茶吐司),都係跟足"65C湯種麵包"; 今次我又膽粗粗試吓自己調較湯種份量,來做2種港式麵包......非常地實驗性質!
Luckily 符符碌碌成功咗! 嘻嘻~~~~Laugh-small.gif image by veronica_tsim

包包一出爐,我仲影緊相......老公已鬼殺咁嘈話要食!

一野就同我KO咗4隻 - 1隻雞包 + 3隻火腿芝士沙律包!!!
之後竟然仲夠膽同我講:_1748.gif image by veronica_tsim Hon~ 每樣再來多1隻! (即係2隻啦!!!_1651.gif image by veronica_tsim)

_2038.gif image by veronica_tsim 我: 唔得呀!! d包包我唸住聽朝做早餐架!!! 我一陣炒米粉呀!!!!

見老公啱啱食咗包,咁我唸住晏少少先星洲炒米啦! 搞吓依樣又搞吓果樣......
老公又同我講: 妳d米粉不如聽日先炒啦? 我地今晚食包吖??_1998.gif image by veronica_tsim

越來越夜我都唔想煮咯~~~ 就食包啦!!!_1284.gif image by veronica_tsim

 火腿芝士沙律包(湯種)食譜click here~

 白汁洋蔥雞肉包(湯種)食譜click here~



17 則留言:

  1. 包包好好味呀,我又係好鍾意搓包包,好有成功感!!
    [版主回覆01/31/2010 03:30:00]妳可以襯閉關果幾日搓包包搓飽佢囉!
     
     

    回覆刪除
  2. Gaileは林家歐巴桑2010年1月29日 下午9:51

    妳完全被催眠,不過難得Mr.T話食包就得,咁妳咪唔駛又煮囉...期待ing妳嘅星洲炒米
    [版主回覆01/31/2010 03:30:00]佢正衰人來,打亂哂我d計劃!!!! 今朝炒咗星洲炒米做lunch 嘞~
     
     

    回覆刪除
  3. 熱辣辣既包包,我都想食幾個
     
    Mr. T 除咗係漢堡怪,仲係V女包包怪,可以一次過食咁多個
    [版主回覆01/31/2010 03:27:00]妳又幾時開工整包包呀?
     
    老公依幾日好恐怖........ 今朝我炒咗好鬼大兜星洲炒米,佢竟然食咗3碟之後仲想再夾! (兜野我食咗碟半,佢食咗3碟,但仲有1大碟剩返喎.......)
     
     

    回覆刪除
  4. 仲以為整咁多會有排食...嘩, 一次4隻, 好快擦晒, 睇見都流口水呢...
    [版主回覆01/31/2010 03:16:00]total 整咗14個,一出爐老公整咗4隻,我又整咗2隻....
     
     

    回覆刪除
  5. 愈來愈叻呀!!!有無整中式包?
    [版主回覆01/31/2010 03:14:00]KK~ 妳終於出現嘞!!!
     
    唔係叻~ 只係熟能生巧啫!  之前整過一次中式菜肉包囉~ http://hk.myblog.yahoo.com/veronicams_tsim/article?mid=10565  不過好耐都無整過中式包嘞! 或者遲吓會再試整中方包~
     
     

    回覆刪除
  6. 你好叻啊!識整包包,我始終都未勇於嘗試!
    有時我同孫生都會食麵包&飲湯做晚餐架!
    [版主回覆01/31/2010 03:11:00]多謝靚太~  其實整包包唔難架! 快d試吓整啦~~~~
     
     

    回覆刪除
  7. 食包包包你食飽飽!
    [版主回覆01/31/2010 03:49:00]
     
     

    回覆刪除
  8. 喂唷....寄隻過黎好wo.o""" e個我食到唷....=)
    [版主回覆01/31/2010 21:02:00]我依度Royal Mail 好衰果喎!
     
    香港朋友12月頭寄聖誕咭比我,我早兩日先收到咋! 差唔多成2個月!!!! 我唸隻包包寄到來生哂蟲蟲都似......
     
     

    回覆刪除
  9. 唉...係YAHOO衰...常常要人打驗證碼.....
     
    [版主回覆01/31/2010 21:00:00]Yahoo 直頭衰到貼哂地啦!   
     
    尋晚個統計資料又停咗嘞!!!!
     
    果個咁既殘廢驗證碼,打到我都火哂滾!!!
     
     

    回覆刪除
  10. 見到您做麵包,我也想學做麵包,請問您覺得做麵包用麵包機好定用Oven好呢?
    [版主回覆02/01/2010 01:40:00]妳好~ 我唔知麵包機好唔好用,因為我無麵包機! 我只用hand mixer + 手搓麵糰 + 焗爐架咋~
     
     

    回覆刪除
  11. 一路包一路爆我整中點果時成日都發生﹗ 由蒸包到雲吞都係咁﹐真係包到頸都痲痺~ 不過包雲吞都成日爆係因為我貪心﹐成日包好多餡~ 噢﹗我都試過焗完的包出水呀﹐不過之後開風焗又冇野喇啵~ 你呢個真係焗得岩岩好﹗一的問題都冇好正。 其實晚餐食包都得架﹐不過你第日早餐咪要食炒米囉﹖﹗
    [版主回覆02/01/2010 20:27:00]包雲吞我又無乜大問題喎~ 可能我d料夠乾身!
     
    個雞包出爐無爆仲咁靚仔,我都好意外!!!
     
    星期六老公唔洗返工瞓晏咗~  所以起身時都接近中午,順理成章炒米粉做咗午餐!
     
     

    回覆刪除
  12. 我呢排少咗整包呀... 掛住整蘿蔔糕~~ 得閒整返先, 唔係會生疏....
    [版主回覆02/01/2010 20:24:00]我都要快手開工先得! 今年唸住整底年糕比6299......
     
     

    回覆刪除
  13. 生大食積   不過妳老公唔肥仔,都冇所謂啦
    [版主回覆02/01/2010 20:23:00]佢話我d包落咗"愛"去焗喎!
     
     

    回覆刪除
  14. 彤彤啱啱話:嘩好靚呀 (講個包包)
     
    我依排冇咩心機,本來想整玻璃曲奇,買晒糖、牛油架啦,成個月都未開工~~~
     
    最緊要係爭妳件野唔好爛尾就得  我要努力努力努力……
    [版主回覆02/01/2010 20:23:00]兩個小可愛放年假妳又唔得閒咯喎! 或者同佢地一齊整?
     
    件野慢慢唔遲......因為星期五果日又落雪!!!!!!!  不過今次落咗一陣,但好大~ 地上都鋪咗一層雪.....點知隔咗一陣出大太陽 - 溶哂! 天氣越來越黐線~~~
     
     

    回覆刪除
  15. 我老公又係超鐘意食包!! 千祈咪比佢見到你d包, 唔係又會走黎問我幾時整比佢食!! (家陣唔得住呀, 中醫話佢個胃唔好, 每日都要食正常餐點, 即係粉麵飯果d, 食包只可以當點心, 咁我整左一大盤, sell唔晒就大鑊, 所以而家唔整住, 等佢好返先~) 不過最近整緊曲奇~ 好鬼好食呀~~ 好鬆化!! 原來秘訣係~~ 印尼的金桶牛油!! 估佢唔到咁好食~~ (陣間有時間都會整多次~ 今次整綠茶味~)
    [版主回覆02/03/2010 21:02:00]咁妳d包可以減平架嘛! 唔一定次次都焗一大盆架~
     
    曲奇我 + 老公都麻麻地! 不過整來送比鍾意甜食既朋友係幾好主意~ 果隻印尼金桶BK好多高手都強推! 不過我未見過真身,因為依度冇得賣......
     
     

    回覆刪除
  16. 下次整包試下減份量先~
    今次我整的曲奇唔甜架~ 加左古古力粉仲有d苦苦地~ 我覺得苦左少少, 但我老公好鐘意~ 佢鐘意食苦既古古力, 越苦越鐘意!!
    金桶牛油真係強推!! 你果邊會唔會有d印尼鋪頭士多仔之類? 我住元朗都幾多啊~ (有條街直頭全條都係印尼呀, 菲律賓鋪頭! 甚至連係果度搞既活動, 都係主打菲,印既人唱歌跳舞!)
    [版主回覆02/04/2010 05:00:00]以我所知依度就無專賣印尼食品既店嘞~ 有都會喺中式超市! 不過英國本身已有好多牛油產品,應該唔會import 同類產品~
     
     

    回覆刪除
  17. 其實我好鍾意食包, 加碗湯又一餐
    [版主回覆02/10/2010 17:27:00]麵包我都叫做鍾意既,但又唔係話好鍾意果隻! 始終我最鍾意係白飯~~~~

    回覆刪除

Related Posts Plugin for WordPress, Blogger...