2010年1月4日星期一

一千零一個 (2010年1月4日)

老公假期最後一日,本來唸住早d起身去shopping,點知都係瞓到好鬼晏~ V媽媽打電話來先至起身!
_2069.gif image by veronica_tsim 假期前想買多個29cm oval cast iron casserole~

首選其實係Chasseur,因為可以襯返我之前買果咋Chasseur,不過好可惜一直搵唔到我想要既size......Sigh-small.gif image by veronica_tsim

 最終扑槌買咗佢 - Tefal~ 不過佢係30cm!

 早幾日喺Le Creuset website 睇到依個漸變深紫色Cassis,覺得好靚~~~ 不過英國要2月1日先出!
有少少心郁郁架!171253322.gif image by veronica_tsim加上個29cm 煲唔係趕住用,所以本來唸住等2月1日睇吓實物 + 價錢如何......

_2070.gif image by veronica_tsim 不過我又唸 - 個Tefal 30cm 真係減到好平好抵喎! 若果2月1日個Le Creuset Cassis 實物唔啱我心水 / 無我想要既size or 款 / 太貴,個Tefal 好可能已經賣哂咯喎!!! 
_2001.gif image by veronica_tsim 到時我就由有兩個選擇,變到一個選擇都無!!!

_342.gif image by veronica_tsim 於是今日決定再去Tefal 望望個煲......

入到去Tefal 唔夠半分鐘,我即時扑槌決定 - 因為豆沙紅30cm oval casserole 得返一千零一個!!!  (同系列另有一個鼻屎綠就大把貨......)

若我唔夠果斷繼續心大心細想等Cassis 出既話,我唸唔洗等到2月1日依個Tefal 已經賣鬼哂...... 
了咗件心事,唔洗再心大心細唸餐死~~~_2264.gif image by veronica_tsim

 一來個煲可以襯返上次買既16cm round casserole;

二來一定平過Le Creuset! (平好多~~~ )

不過......

 12月中個煲減價後賣£37.65......

 1月1日加返VAT 後,貴咗幾十個p 呀! (幾蚊雞港紙啫! )

 依個30cm oval 夠闊又夠哂深,用來烚全雞全鴨都完全無問題!_1475.gif image by veronica_tsim




17 則留言:

  1. 真係好抵買! 吾晒3分1價錢買到. 這個可以直接TOUCH 火嗎? 有得Casserole 不可以直接用火燒, 要入焗爐用, 不知點解?  請問你在邊度買呀?
    [版主回覆01/05/2010 18:25:00]依個係cast iron (生鐵鍋)來架,直接煮食 + 入焗爐都可以,而且適合任何種類既爐頭~
     
    妳講果種唔煲得要入焗爐既casserole 係咪打得爛既stoneware 呀? 好似依個: http://hk.myblog.yahoo.com/veronicams_tsim/article?mid=7112
     
    我喺Mcarthur Glen Designer Outlet 裡面有間廚具店叫做Home & Cook 專賣Tefal cookware 架! Home & Cook 都有website,不過唔見有依個煲賣.....或者妳來依度試吓打依個電話(click where to buy): http://www.tefal.co.uk/All+Products/Cookware/Jamie+Oliver/Products/Jamie+Oliver+Cast+Iron+-+Raspberry/Jamie+Oliver+Cast+Iron+-+Raspberry.htm
     
    佢地應該可以話妳知邊度有得賣!
     

    回覆刪除
  2. 恭喜恭喜, 搵到心頭好!!!了左件心事
    [版主回覆01/05/2010 18:05:00]唔洗再心大心細 / 驚遲吓買唔到囉!
     
     

    回覆刪除
  3. Gaileは林家歐巴桑2010年1月4日 下午4:39

    到時Le Creuset Cassis如果有你岩既我唔信你唔買 多一個姐(對你黎講唔嚴重)
    [版主回覆01/05/2010 17:57:00]應該唔會! 經過上次,我唔講話肯定咯.....
     
    不過我真係咩用途既煲都有嘞!
     
     

    回覆刪除
  4. 呢個煲都好靚呀,最緊要咁鬼抵,所以你既決定無錯呀!!
    [版主回覆01/05/2010 17:55:00]我見得返一隻,我怕等到2月我唔捨得買深紫LC 時,想食回頭草都冇得食.....
     
    而且我鍾意廚具牌子統一d,唔想太多唔同牌子 + 顏色~
     
     

    回覆刪除
  5. 台灣都沒有進口這種煲, 前天在百貨公司看到Staub 的, 不過好貴啊 , 但又好心動想買. 我猜你2月會去看 Le Creuset Cassis, 應該都忍唔到手! 哈哈!
    [版主回覆01/05/2010 17:58:00]Staub 喺英國仲貴過Le Creuset......  
     
    台灣無進口依種煲? 妳係咪指無進口依個牌子呀? 台灣最少有LC + Staub~
     
    我好似見過台灣網有人賣Chasseur 喎! 依位blog 主應該係住台灣既,佢買咗Chasseur casserole + grill pan~ 或者妳可以問吓佢喺邊度買?   http://tw.myblog.yahoo.com/jw!57DsbnmCHwU0xH5PKudLg4Dq/article?mid=1979
     
     

    回覆刪除
  6. LC 深紫色 我訂左...不過仲心大心細中...要$2XXX... 你話好唔好買唷?.?
    [版主回覆01/05/2010 17:28:00]係妳用來煮野架嘛,最緊要妳自己覺得好 + 啱用咪得囉!
     
     

    回覆刪除
  7. 你又嚟喇 ..... 咁你舊果d送哂出去未呀 .....
    我想買個 staub, 但實在冇地方擺喇 ...... 而家d煲又係新買冇幾耐.... 我得個睇未咋 ....
    [版主回覆01/05/2010 17:23:00]咁我一早話咗會買一個29cm oval 架嘛!
     
    我舊果d煲唔係全部送哂出去,送咗3隻鑊、2隻煲 + 幾樣其他廚房用具啫~ cast iron 係好用,但唔係真係萬能! e.g. 煎蛋,cast iron 好易黐底,所以我都仲keep 住1隻易潔鑊!
     
     

    回覆刪除
  8. 豆沙紅依個色都好靚喎,妳終於了咗件心事喇,妳整到我都心思思想買呀~~
    [版主回覆01/05/2010 17:18:00]本來我嫌cast iron cookware 好重,但用落真係覺得好正! 個人覺得耐用到應該可以用成世....(我覺得咋! )
     
     

    回覆刪除
  9. 就係e隻唷...24cm $2xxx 平時有disc% ga...不過可能係特別版沒有% 唷= =" 你話好唔好唷?.?
    [版主回覆01/05/2010 17:15:00]依個望落唔多似Cassis,Cassis 好似再深色d......
     
    最緊要妳自己覺得好 + 啱用咪得囉!
     
     

    回覆刪除
  10. 新一年又買多個新野, 煮多D好野俾我睇下呀!
    [版主回覆01/05/2010 17:12:00]得得得~ 因為我都好心急將佢來開光!
     
     

    回覆刪除
  11. 終於都買咗啦
    [版主回覆01/05/2010 17:11:00]係~ 越等得耐可能越少option........
     
     

    回覆刪除
  12. 喺香港買呢類型ge煲真係好鬼貴呀..... 我妹成日都引我, 話UK d廚具有幾平, 又咩大減價....明知香港好貴, 我又唔喺UK..... 好想快d去UK掃貨呀!!等唔切啦.....要等到7月, 而家仲分分鐘無得去..
    [版主回覆01/05/2010 17:10:00]邊個邊個講乜講乜都冇用,最好自己親眼睇到~ 平與貴個個人唔同標準,正如一樣食物好食與否!
     
     

    回覆刪除
  13. 漸變深紫色Cassis好靚呀
    [版主回覆01/06/2010 04:40:00]我都覺得好靚啊~
     
     

    回覆刪除
  14. v女廚房....買咗先講.....
    [版主回覆01/07/2010 02:23:00]真係知我莫若蟻!
     
     

    回覆刪除
  15. 你個煲真係好抵買, 加上剩下一個都俾你買到, lucky.  期待你用它來煮野. 記得告知我們好不好用.
    [版主回覆01/07/2010 02:22:00]其實依類生鐵煲都係大同小異~ 頂樓果位網友都有依個一模一樣,佢用來炆鴨炆得好鬼靚! 所以煮野食其實最重要係技巧,工具只係其次~~~
     
     

    回覆刪除
  16. 咁啱今日問你煲問題, 你又買左新煲, ha ha 你就好啦~
    [版主回覆01/05/2011 11:23:00]我仲喺香港未返英國呀,妳睇清楚標題先啦 - 依篇blog 1年前架!!
     
     

    回覆刪除
  17. 係喎, 我仲當依家係2010年1月tim~
    細細個讀書時就成日都係咁寫錯年份. ha ha

    回覆刪除

Related Posts Plugin for WordPress, Blogger...