2010年1月29日星期五

火腿芝士沙律包 (湯種)


做8個火腿芝士沙律包......

1. 先煮湯種待涼。(湯種做法link~)

2. 預備磨碎cheddar cheese; 火腿切碎丁備用。

3. 乾材料: 高筋麵粉224g, 糖56g,  鹽2g, 快速酵母4g。

4. 濕材料: 湯種70g, 牛奶40ml, 蛋1/2隻。

5. 將乾材料和濕材料放入大盆內先用慢速拌勻。
6. 材料拌勻後改用中速拌至有筋性後,加入豬油22g,先用慢速拌勻後,再改用中速搞拌。

7. 將麵糰搓揉至麵糰光滑,有彈性而不黏手為準。

8. 將麵糰封好,發酵約40分鐘。

9. 將麵糰分成8等份 (最好用磅量度!),靜置15分鐘。

10. 將麵糰收口朝下壓扁,用壓麵棒往上下擀開,放在已塗油的焗盆上發酵至1倍大。


 11. 在包面塗上蛋液後放上火腿碎丁,最後灑上磨碎cheddar cheese。


 12. 放入已預熱焗爐180C,烤焗12分鐘至芝士溶化和表面金黃。

 13. 取出包後擠上沙律醬,灑上乾燥歐芹(parsley)作裝飾即成。


i1.gif picture by veronica_tsim

20350832.gif image by veronica_tsim 為咗唧沙律醬唧得靚d,我特別買咗唧咀尖細既軟膠唧樽!

不過唔知點解依種唧樽永遠都無單丁1個賣!!?!?!?

 依pack 仲有3個......
_1284.gif image by veronica_tsim

雖然依pack 樽好鬼平只係賣£1,但我只需要1個~
_1282.gif image by veronica_tsim

其他2個keep 住佢又無用,揼咗佢又唔係......真係好鬼煩!!!


20 則留言:

  1. 有多的用來裝其他醬料, 吾怪得個沙律包面咁靚, 有心思!!
    [版主回覆01/31/2010 02:58:00]Thank you! 除咗係懶靚之外,加咗沙律醬仲好味好多架!
     
    希望遲吓整其他野時用得著剩低果兩個樽啦!
     
     

    回覆刪除
  2. Gaileは林家歐巴桑2010年1月29日 下午10:03

    其餘兩個可以裝醬油膏/其他醬料,我都買兩三個返黎用先
    [版主回覆01/31/2010 02:55:00]如果個樽既樣靚少少我就唔介意攞來用......
     
     
     
     

    回覆刪除
  3. 佢分晒顏色,擺明係局妳將屋企啲沙律醬,Mustard,茄醬放晒入去啦
    [版主回覆01/31/2010 02:54:00]最衰依種樽喺依度好少選擇,來來去去都係依種差唔多樣......
     
    無就咁一個賣都唔緊要,但最慘就係個樣 + 顏色都咁鬼核突!!! 全部白色都好d吖,反正入咗汁係透明睇到咩色既! 洗鬼整又黃又紅咩? 我買咗理鬼得我用來裝乜??
     
     

    回覆刪除
  4. 妳依個包包脹卜卜,仲靚過出街買嗰啲呀衰鬼~~~
    [版主回覆01/31/2010 02:49:00]真係??? 咁鬼賣口乖!
     
     

    回覆刪除
  5. 我想食一個,發得脹卜卜,焗得好靚仔。呢排唔知係咪天氣冷,麵糰唔係好發得起。
    美國仲衰啦,乜鬼都大pk過人,係都要監你買多啲,我有鬼咁多人食咩同用咩,有時真係盞哂....
    [版主回覆01/31/2010 02:48:00]天氣凍麵糰真係要發耐好多! 所以我預熱少少個焗爐 + 放碗滾水入去發酵囉~
     
    其實我唸外國好多地方都係咁! 有時網友問我成日整咁多野食,食唔食得哂? 其實就係因為依度買菜買肉,唔似得香港咁可以要幾多買幾多,只可一pack pack 咁買,放得耐又怕唔新鮮.....唯有快手煮鬼哂佢囉!
     
     

    回覆刪除
  6. 個麵包焗得好靚

    回覆刪除
  7. 我尋晚試整o左蛋撻呀, 撻餡好得.......但係撻皮唔得呀, 我都唔知錯o左係邊到
    [版主回覆01/31/2010 21:07:00]個皮點唔得?  太硬?? 太碎???
     
     

    回覆刪除
  8. 做得好靚呀!
    [版主回覆02/01/2010 01:45:00]多謝! 老公食過翻尋未,佢要我今晚再整依個,比佢聽日帶返工食~~~~
     
     

    回覆刪除
  9. 好正呀
    [版主回覆02/01/2010 20:08:00]Thanks Karen!
     
     

    回覆刪除
  10. 好靚呀~!! 靚過麵包鋪嗰d多多聲~!!
    [版主回覆02/01/2010 20:08:00]多謝! 不過今次真係符碌架咋~~~
     
     

    回覆刪除
  11. 符碌就唔會個個包都一樣咁靚啦~ 我鍾意你個焗爐呀!! 不過喺香港, 個廚房要返咁上下大先整到咁大個焗爐..... 我諗緊換過個焗爐呀, 不過唔舍買幾多L好...一般好似18L大左右, 我想買大個d....
    [版主回覆02/02/2010 20:12:00]過獎嘞! 因為今次無跟食譜書自己亂整都撞中,仲唔係符碌係乜?
     
    我未用過香港果種焗爐,唔知點計幾多L~ 不過個人覺得只要地方容納得到既話,焗爐最好越大越好! 整野食既種類都會多好多! 另外我覺得光波爐都係一個唔錯既選擇~
     
     

    回覆刪除
  12. 好好味咁, 等我遲D都試一下. 我係美國都買左65度湯種麵包, 多謝你既好介紹.
    [版主回覆02/09/2010 23:31:00]妳買咗嘞!  依個只係參考咗本書既湯種既做法,書裡面並無依個包架!
     
     

    回覆刪除
  13. 睇見都想食, 好似好易整, 等我試下先, 唔洗成日食方包

    回覆刪除
  14. 我想請問,點解你做飽多數用豬油既??你覺得和牛油有咩口感分別呀?我最近都開始整飽飽呀,整俾我個女食,自己整自己食,真係開心好多!

    回覆刪除
  15. 唔該哂你呀~~咁我都試下用豬油先!! 另外,我見你係分兩盆一次過焗,咁駛唔駛焗到最後兩分鐘上下掉轉焗呀?
    [版主回覆06/16/2010 16:59:00]唔洗客氣!
     
    上面果盆我照平時咁焗,焗完攞咗出來先搬下面果盆上去焗多幾分鐘~
     
     

    回覆刪除
  16. 唔好意思。今次係我第一次在blog 發問問題,因為我真的好想學整麵包。我見人地用奶粉,但係妳用牛奶,我想知道如果我用牛奶來代替奶粉, how could I calculate the ml out?  I go to many blogs to find recipes and find your taste fits me. 
    [版主回覆07/27/2010 18:44:00]
    妳好~ 奶粉其實即係濃縮乾燥咗既牛奶,就咁好難convert 返比例出來果喎! 如果妳真係想用牛奶,建議妳搵一個用牛奶既食譜; 又或者可試試將食譜中既水份改用牛奶~ (不過依個方法唔包一定行得通果喎!)
     
     

    回覆刪除
  17. Do you know what is the english name for 高溶點cheese ah???
    [版主回覆11/07/2010 21:32:00]高溶點芝士 = high melting point cheese~
     
     

    回覆刪除
  18. I would like to make a bread that need high melting point cheese put inside the bread and find from the internet that "Haloumi" that has high melting point cheese.  Do you have any details of it???
    [版主回覆11/08/2010 18:56:00]what details do you want? can you be more specific??
     
     

    回覆刪除
  19. 10. 將麵糰收口朝下壓扁,用壓麵棒往上下擀開,放在已塗油的焗盆上發酵至1倍大。

    有小小問題?
    第2次發酵糸就甘包保鮮紙放在室溫 發酵嗎?
    還是要熱少少個焗爐 + 放碗滾水入去發酵呢??
    [版主回覆01/18/2011 21:55:00]熱少少個焗爐 + 放碗滾水入去發酵~
     
     

    回覆刪除
  20. 請問湯種70g係咪即係70g高粉加350g水呀?
    [版主回覆01/26/2011 23:07:00]唔係呀! 係煮好待涼後既湯種70g呀!!
     
    依度有煮湯種既方法: http://hk.myblog.yahoo.com/veronicams_tsim/article?mid=28813
     
     

    回覆刪除

Related Posts Plugin for WordPress, Blogger...