Back to my Bday......當晚同老公出街食完生日飯後，我地就返屋企睇租返來既DVD - District 9~
之前喺戲院睇過District 9 既trailer，好似幾得意~ 不過由於知道係低成本製作，到戲院上時反而無乜意慾去睇......直至租咗DVD返來!
原本對依套戲期望不大，以為只係一般異形怪獸戲，我仲一路睇戲一路玩電腦......但戲開始咗約10分鐘，我已將電腦推開，集中精神專心睇戲~
故事係講述1982年一艘外太空船突然停留喺南非上空，人類喺太空船內發現一批外星人，南非政府唯有劃出District 9區域來安置依批外星人。
經過廿多年後，外星人喺District 9大量繁殖後代，製造咗好多社會問題e.g. 衛生、罪案......後來政府決定強行將180萬外星人遷徙到新建既District 10......
本來我對戲既興趣只係一般，但開場後10分鐘已可以吸引到我focus，係因為戲一開場已經好好笑 -尤其係男主角相當爆笑!
全戲充滿黑色幽默，而且節奏明快，無乜冷場! 最令我意外既係，估唔到低成本拍既sci fi，special effects 竟然可以拍到咁既水準! 
全套戲一直有好多笑位，我仲以為會一直笑到尾......但最後一幕戲真係令我好意外! sweet 得來好無奈 + 傷感~~~~
Hansel & Gretel (邪童凶屋) - 2010年1月10日
本來尋日shopping 完，打算去睇新上畫既Daybreakers......
點知買野買得太起勁，錯過咗鐘數! 所以喺HMV買咗套韓國恐怖片(supposed to be 恐怖片!)返屋企睇~
頂~ 真係好耐無睇過一套差到令我想講粗口既戲!
依套Hansel & Gretel 係我今年睇既第一套戲，偏偏就係一部我認為差成咁既戲!!!! 真係出師不利~~~
唔識點形容套戲有幾差! 但睇完真係有火滾既感覺!!!
老公竟然話It's not that bad......
戲名Hansel & Gretel (德國童話故事"糖果屋")令我有好大期望~ 再加上幕後製作有曾經參與"怪物" + "原罪犯"，期望自然更大! 但果然希望越大失望越大......
全戲故弄玄虛，怪裡怪氣，劇情婆媽，看來有人眼高手低 - 好似想拍到好奇幻，但出來效果反而係騎呢......加上節奏奇慢，有乜辦法唔想講粗口吖???
差到連劇情都唔想提! 想知套戲有幾差既話，就自己租來睇啦!
唉~ 隻DVD 仲係買既......仲要賣成£15!!! 早知去睇Daybreakers，捧靚仔Ethan Hawke 場都唔買依套爛鬼戲!!!!
俾我早就瞓著左lu~~ 買左咩好野呀???
回覆刪除[版主回覆01/12/2010 19:13:00]妳睇漏咗上一篇呀?
http://hk.myblog.yahoo.com/veronicams_tsim/article?mid=28799
又係恐怖片
回覆刪除[版主回覆01/12/2010 19:12:00]完全唔恐怖! 造作到震!!!! 好討厭依套戲~ 有種被人呃咗既感覺.......
韓國片真係...我睇過一次之後以後都唔睇LU~~
回覆刪除[版主回覆01/12/2010 19:10:00]唔係韓國片既問題~ 而係韓國恐怖片既問題! 韓式恐怖片大多睇到令人搲哂頭.......相反韓國既thriller 多數拍得好好!
好厲害....一次post咁多網誌......比妳老公仲巴閉!
回覆刪除(yOur bLoG MAy bE tHe dISTrict 9)
[版主回覆01/13/2010 07:51:00]打字再禁個制就post 到啦! 有幾厲害????