11年前既9月9日我做咗Mr.T 女朋友; 今年既9月9日我做咗佢老婆已經幾年~ 近幾年感覺好似有個隱形人整鬼我特登較快我個鐘，日子過得越來越快...(好驚!! )
依11年來無論我望住瞓緊覺既Mr.T、工作緊既Mr.T、打緊機既Mr.T、睇緊電視既Mr.T、渣緊車既Mr.T、食緊飯既Mr.T、沖緊涼既Mr.T (係架! 我成日吼佢沖涼時跟埋入浴室同佢傾計架~ ).....除咗覺得佢好正之外，我仲會成日唸: 緣份真係好神奇!
我同Mr.T 兩個人，出生地點、成長背景完全唔同，真真正正一個東一個西......
未認識對方之前我地曾經搭過同一班機; 不約而同經常去同一個地方，但竟然一次都無遇見過對方......
我曾經遇過好多令我好有期望既人，但最終佢地都係令我徹底失望，令本來既我已經唔再相信愛情......
Mr.T 既出現，完完全全改變咗我~ 不過我曾經不懂珍惜，曾經親手將依份幸福推開過好多次......
所以我相信一定係緣份，又或者Mr.T 根本係傻既......令我地最終都走在一起~
我相信依個世界上，唔可能會搵到另一個比Mr.T 更寵愛我、更了解我、更遷就我、更縱容我、同我更志同道合既人~
依然係果句 - 無論比幾多次機會我重新選擇，我都一定會毫不猶豫選擇Mr.T!
因為Mr.T - 我老公，係我今生今世最大既成就 + 驕傲~
今生今世
幻變的一生 默默期待一份愛
踏過多少彎 斷斷情路也失望
我不甘心說別離 仍舊渴望愛的傳奇
不捨不棄 無懼長夜空虛風中繼續追
風裡笑著風裡唱 感激天意碰著你 縱是苦澀都變得美
天也老 任海也老 惟望此愛愛未老 願意今生約定他生再擁抱
是你的雙手 靜靜燃亮這份愛
是你的聲音 夜夜陪伴我的夢
交出真心真的美 無盡每日每天想你
今生今世 寧願名利拋開 瀟灑跟你飛
風裡笑著風裡唱 感激天意碰著你 縱是苦澀都變得美
天也老 任海也老 惟望此愛愛未老 願意今生約定他生再擁抱
風裡笑著風裡唱 感激天意碰著你 縱是苦澀都變得美
天也老 任海也老 惟望此愛愛未老 願意今生約定他生再擁抱
願意今生約定他生再擁抱
沒有留言:
發佈留言