西洋菜陳腎湯; 四川辣牛肉; 馬拉盞蝦乾炒生菜 & 煎荷包蛋
老公話想keep fit，問我每餐可唔可以煲少d飯 + 煮少d餸?
其實我都有唸過架!
我地2丁友食三餸一湯似乎太多.......
老公: 妳唔好煮個菜咪得囉!
我: 緊係唔得!
你唔鍾意食菜啫，我鍾意嘛!! 而且你唔鍾意我都會逼你食!!!其實最麻煩既就係老公 - 叫佢食菜好似叫佢食C咁!
但我每餐又一定要有菜先安樂喎!! 如果我每餐只煮兩餸一湯，當中有一個餸係菜的話，咁佢咪只得返一個餸鍾意食既餸? 佢咪餐餐都好似食碟頭飯咁既feel 囉??
咁殘忍既事我又做唔出......
老公: 咁妳可以每樣煮少d架嘛!
(哇~ 講你就緊係牙斬斬啦，又唔洗你煮!!
又唔知英國買餸幾鬼煩，買要買一大pack，煮就煮少少，剩返未煮既咪又要入哂急凍室囉!! 
我煮大大份，你唔一定要食哂既啫! 
留返d餸比我第二日做lunch 都得啩??)雖然我口硬~ 但我都開始每餐嘗試煮細份少少........
阿四寄比我既李錦記四川辣牛肉汁，急不及待要試試!
一不做，二不休~
生菜本身無咩味，咁炒法就惹味好多嘞!
雖然話想試吓每餐煮少d份量，不過尋晚突然好想食荷包蛋，所以又煎咗4隻! 成餐飯睇來份量無少到......
習慣咗嘛! 無理由即刻要人cold turkey 架嘛........
>>>>>>>>>>>>>>>>>>>>>>>>>>>>>>>>>>>>>>>>>
實在太太太卑鄙嘞!!!!!!!!!!!!
當時雖然覺得言過其實 - 因為當時我 + 老公都覺得Atlantic Fast Food 並非蘇格蘭最好食既炸魚薯條，不過覺得都算係好食既 - 因為佢地標榜用既係haddock!
之後我地都有繼續幫襯外賣，但有2次貨不對版 - 外賣送到來並唔係haddock，而係cod!
(網誌)早幾個星期老公比多次機會佢地再order，送到來成份都係haddock~ 於是我地天真地以為佢地已經改邪歸正......
一份炸魚薯條裡面有2條炸魚~ 今晚再次order 2份haddock supper，送到來竟然一份2條都係cod; 另一份就1條haddock + 1條cod!!
之前幾次老公order 時都有同佢地講，佢地上幾次比咗cod 我地，但佢地死撐唔話佢地一向只用haddock，唔用cod!
既然要標榜用haddock，點解唔老老實實用返haddock? 點解要魚目混珠用平d既cod 扮haddock 去呃人?? 但又收客人haddock 既價錢喎! 真係仆街!!
機會已經比足!
以後都唔鬼幫襯佢地!!!
西洋菜排骨陳腎湯食譜click here~ 四川辣牛肉食譜click here~
D舖頭、餐廳出咗名之後，D嘢食就會差o架啦!
回覆刪除[版主回覆09/05/2010 18:19:00]佢地點止差咗呀! 佢地而家係呃人呀!!!!
喺Glasgow，我個人經驗只有fine dining 質素先唔會下降! 有一間fine dining 我食咗十幾年都仍然係咁正~
其實KEEP FIT 做下運動咪得囉﹐ 減食菜好似唔係幾好啵~ 呢間炸魚薯條都好離譜WOR~ 係咪內部換左人﹐轉左經營手法呀?~
回覆刪除[版主回覆09/05/2010 18:17:00]老公依排超級忙! 所以我地先推遲咗返香港既日子，佢連啞鈴都無時間舉呀，有鬼時間做運動咩? 而且佢唔係要減磅，因為佢都無過磅，佢只係唔想成日食得咁飽~ 因為佢好衰架 - 只要我煮咗佢又覺得好味，佢真係可以一餐食鬼哂架!
依間炸魚薯條直頭不知所謂!!! 佢地無轉人，仍然係果班人(家族生意!)，不過頭先上網見到有其他人都話佢地質素下降!!
無辨法啦 阿V你煮野好食 唔怪老公每次都幫你食晒 哈哈
回覆刪除[版主回覆09/06/2010 16:03:00]佢真係好衰! 有時我想留返d餸第二日做lunch 都唔得!!!
妳老公要keep fit??佢忍到口唔食咁多架嘞?講真,有時真係好難話煮少個餸架,唯有煮少量d係囉
回覆刪除真係好過分喎,貨不對版,冇指明就話俾佢過到骨姐,話明要haddock,佢仲夠膽死俾錯,佢地緊係想拆自己招牌定嘞~~
[版主回覆09/06/2010 16:03:00]佢話成日食咁飽好辛苦 + 好易恰眼瞓喎.....佢好衰架，我煮幾多都好，只要佢覺得好味，佢就算好飽都會同我清哂佢! 但其實好多時我唸住留返第二日做lunch 架嘛!!!
果間野真係好賤囉! 我地尋日上網喺d食店介紹網頁，見到有其他人話依間野差咗好多! 佢覺得個老闆越來越貪心!! 跟手老公打咗個好長既留言，我地要話比其他人知依間野係黑店來!!!!
哎呀我老公又係要求我煮少D餸同飯! 因為下個月我地去墨西哥旅行 + 年尾有90萬個WEDDING要去! 佢就諗住"的"起心肝KEEP下佢個小販腩! 又係叫我..你淨係煮2個餸同埋少飯... 我平時都係煮1 mug米既飯咋! 最最最慘既係... 好多時食完飯無耐, 就會有隻老鼠就走去食蝦條/食餅, 我問佢係咪唔飽佢又話唔係... 呢d咁既人係咪比佢激死!!!
回覆刪除[版主回覆09/06/2010 15:00:00]其實我自己都習慣咗三餸，我唸我只可減份量，唔可以改二餸~
平時煮一嘜米仲點可以再少呀??? 電飯煲最少要煮一嘜米果喎.......
我唸你老公要 ｋｅｅｐ ｆｉｔ 都好難．．． 因為有你呢個煮嘢咁叻嘅老婆．．． 荷包蛋都好耐無食．．． 以前會煎黎做早餐．．． 不過自從入咗冬都無再煮早餐．．． 因為瞓到好晏．．．！！！ 我唸都到暖返就會煮．．．．
回覆刪除[版主回覆09/06/2010 14:57:00]哈哈~~~~ 我唔係叻! 只係我煮慣咗咁多份量，一下子要改煮少d，我要時間慢慢適應! 妳知啦 - 外國買餸一pack pack，唔似得香港咁要幾多買幾多......
唔一定要食早餐先食荷包蛋架! 食即食麵時我都好鍾意加隻煎蛋架~~~
其實做下運動都可以keep fit啦
回覆刪除[版主回覆09/06/2010 14:54:00]Keep Fit 唔一定係減肥架嘛! 佢都唔係想減磅，而且佢 依排超級忙，連喺屋企啞鈴都無時間，有鬼時間做運動咩? 佢只係唔想成日都食得太飽，想身體健康d!
日日運動身體好.. 有時間做下運動唔錯呢
回覆刪除[版主回覆09/06/2010 19:18:00]我從來都唔做運動果喎，做家務夠啦!
我個雪櫃真係好多嘢。。。 次次都要買好大 ＰＡＣＫ。。。 買幾樣嘢已經夠 １－２ 個星期食。。。 我好懶架如果煮即食麵真係有時會懶到就咁打隻蛋落煲麵度（有時有心機都會煎荷包蛋）。。。 我次次食都會話煎荷包蛋好食 Ｄ 下次都係唔好懶。。 但到下次又會再出事。。。
回覆刪除[版主回覆09/06/2010 19:18:00]哈哈~~~ 妳每次懶既時候就即時唸吓隻煎蛋幾好味，咁咪有動力去煎囉!
佢食開好野, 點會肯減糧? 今次我幫佢
回覆刪除[版主回覆09/06/2010 21:45:00]佢自己要求我減少餸既份量~ 但其實好多時我煮咁大份，係想有剩留返我第二日做lunch 架!
其實貨不對版 有冇得投訴架? 你地個邊買野真係煩 樣樣野要大大pack咁買 所以連個冰櫃都要大大個 人小既話 煮飯仲更加麻煩 V女~ 我覺得你好好心機同盡量唔浪費架啦 如果要我好似你個邊咁樣買餸 我估一係我就一餐煮得幾餐食 再唔係就......肯定浪費好多食材
回覆刪除[版主回覆09/07/2010 18:54:00]我地其實向依間黑店投訴過架! 不過佢地死口唔認，咁都吹佢地唔脹!! 其實除咗我地之外，網上我地都睇到其他人話依間所謂全英最好炸魚薯條退步咗好多好多! 我地機會已經比過佢改過，既然係咁我地咪唔再幫襯囉!!!
無辦法啦! 依度既超市係都要pack 咁大包......不過有時每pack 份量都會有出入，唯有買時盡量揀少份量果pack 啦!
辣牛肉我鐘意呀 , 只是有阿囡囡一齊食唔到辣咋...
回覆刪除[版主回覆09/08/2010 02:58:00]如果妳鍾意辣既話要自己加辣嘞! 依個少少辣架咋~ 不過好香好惹味!!
您蛋上面個pat 係咩黎架? 個碟四川牛好正咁喎 我覺得呢到食野次次都唔同味架喎... 呢次好好食下次再去又唔好食... 但再隔多一排去食又好好味喎.... 其實可能係因為太耐未食個樣野的關係! 但係個間咁既fish n chips 真係好過份呀! 同埋其實佢既做, 生意只會愈黎愈少.... 我寧願佢加價都唔係咁樣魚目混珠而賺更多既錢喇~
回覆刪除[版主回覆09/09/2010 00:13:00]煎蛋上面果PAT 係蠔油~
個四川牛又方便又好食，如果再辣少少仲正!
次次唔同味 <//// 有時都係既! 不過依邊有幾間fine dining 既餐廳，我食足十幾年水準一樣係咁高，從未退步過~
依間炸魚薯條根本無資格加價! 佢地本身d餐已經比其他店貴，既然佢地唔係真係用cod ，根本唔應該收人依個價錢! 而且我地第一次食，已經覺得佢地根本無資格做全英最好薯條店~ 我地成日食果間Mario's Plaice 好食過佢多多聲啦!!