裡面有......
日式白汁磚~
我好好好感動啊~~~~~
好慶幸我2年多前決定開咗依個blog，
慶幸並唔係因為經常都收到網友送比我既禮物~
而係因為依個blog 讓我認識到大家!
我同大家萍水相逢，甚至素昧謀面，
但每日喺blog 裡面同大家吹吹水，網友會留意 + 記掛我講過既說話，
依份情誼真係令我覺得又驚喜又感動啊~~~
話我懶清高都好啦 - 有禮物收固然好開心~
不過我一向都認為禮物最重要既並非禮物本身，
最重要係禮物背後果份心意!
多謝哂妳既禮物啊Fian!
我樣樣都好鍾意呀~~~ 尤其係樽驚喜蝦子!!
(咁我 + 老公喺蘇格蘭依個無蝦子賣既鬼地方，都可以享受到蝦子撈麵咯!!! 
)P.S. 哈! 不過妳咁鬼誠實照報"shrimp powder"既~
妳又有禮物收，真開心!
回覆刪除[版主回覆09/17/2010 17:13:00]係呀~ 網友真係對我好好!
看你的blog也真的学到好多东西的.....有机会你来sheffield 我请你吃马来西亚加里啦！！也可以给你做一罐homemake 咖椰 （kaya)
回覆刪除[版主回覆09/17/2010 18:24:00]咦~ 難道妳係馬來西亞華僑? 我好想去馬來西亞架! 有時睇電視節目，見到果度d野食好吸引~~~~
好呀~ 先多謝妳啊月兒! 一言為定 - 我來Sheffield 既話，一定要同妳見面claim 妳既homemade kaya~
收到禮物就最開心 !!!!!
回覆刪除[版主回覆09/17/2010 18:21:00]收禮物 = 收到朋友既關心 - 依個先係最開心!
(當然唔一定要有禮物啦! 一句問候 / 祝福都好開心架~)
多謝你的分享, 人在外地真係好想有多D同聲同氣o既人, 我來左一年啦, 一個中國人都識唔到, 個個都鬼聲鬼氣, 不過又難得佢地好欣賞我煮o既野... 哈哈...
回覆刪除係你個blog度, 我學左好多野, 我今日會試整雪糕, 整完話你知成唔成功...
[版主回覆09/17/2010 18:20:00]原來妳來咗一年咋? 妳住英國邊度架??
英國依個乜鬼都無既鬼地方，生活上西化，就唯有花多d心思喺飲食方面盡量做到港式! 如果連飲食都做唔到港式，真係會思鄉到黐咗線架!!!
妳整咩味雪糕呀?
哈哈...原來我地同一日收到禮物喎!!唔通郵差夾定
回覆刪除樽蝦子係咪要煮煮佢漲卜卜架?
我都係咁話!!好彩我有開依個blog,又咁好彩searched南乳枝竹豬肉識到妳,緣份依家野唔係男女之情獨享既
[版主回覆09/17/2010 18:49:00]唉~ 但阿四好似仲未收到........
睇妳既問題.......妳好似未食過蝦子喎! 蝦子好似粉咁架~ 唔係用來煮，係白鑊炒香佢之後可以用來撈麵 + 整蝦子柚皮之類! 好香口架~~~~
嘻嘻~~~~ 係呀! 大家住喺唔同國家，但喺扑依個小小地方相遇 + 認識成為朋友，真係一種緣份來架!
我住係Watford, 雖然近London, 但我好少去, 因為覺得好麻煩, d野又貴.... 唉... 鬼叫自己嫁左個鬼佬咩.. 初時的確好有衝動想返香港傢, 不過依傢習慣左, 而且成日上網搵野買, 又自己周圍去, 雖然仲未考到車牌....
回覆刪除我打算整士多啤利啊... 但我琴日忍唔住口食晒.. 一陣又要去再買過... 哈哈...
[版主回覆09/17/2010 18:40:00]OIC! 雖然我對英國有好多不滿，不過住耐咗已經有感情~ 雖然始終最愛係香港，但英國都有一d香港無既好處既!
妳有無來過蘇格蘭呀?
咦~ 妳尋日已經整咗雪糕嘞? 成唔成功呀??
每次都一見這張紙都唔知點寫好, 如果寫Gift , 我怕照到是粉未又會拆張袋嘢 , 倒不如寫明shrimp power 會好D囉...
回覆刪除樽蝦子是熟蝦子喎 ...
[版主回覆09/17/2010 18:36:00]果張細細死人綠色紙仔又真係好麻煩! 好多時真係唔知應唔應該老實填.....
上次寄個potato masher 比妳，佢問我裡面咩來(因為依度張紙係佢地填既!) 咁我咪照答佢，佢即時一副覺得我好怪既樣.......
唔係sushi果d蝦子咩??咁我真係未食過喎,依邊應該有得賣,我又搵搵佢先
回覆刪除我都係最近依兩年開始食到蝦蟹,因為之前有敏感,食親就痾到七彩
[版主回覆09/17/2010 19:15:00]no la~ (sorry~ 我覺得好好笑! ) sushi 橙色果d叫就叫做蟹子，但查實係飛魚魚子來架! 而且果d係新鮮急凍架嘛~ 蝦子即係蝦卵乾，分生熟兩種!
係呀? 哇~ 唔食得蝦蟹好慘啊!!!!! 咁妳係咪食藥醫好咗? 斷尾未架??
哈哈...我真係lulu嘞 佢咁細粒可能我食過都唔知添!!
回覆刪除冇靠任何藥物,因為之前成日見佢地食(特別係我老公),我就由一隻蝦咁慢慢增加,而家連蝦殼都食得,可能慢慢我腸胃就接受到啩
[版主回覆09/18/2010 17:40:00]妳有無食過蝦子麵呀? 細心留意吓麵條有好細點點，果d就係蝦子嘞!
咁咪好囉~ 唔洗靠藥物都好返! 可能好似d人飲奶就會疴一樣，逐少逐少增加份量去適應，慢慢就會好返~ 咁妳而家可以enjoy 蝦蟹龍蝦咯~~~~
點解我無啲咁嘅福份嘅..........
回覆刪除[版主回覆09/18/2010 17:19:00]蟻兄~ 你住喺香港乜鬼都有得賣，似乎無需要依種福份既需要喎!
識到朋友係好開心架。。。 我都係向呢度識到你。。。 仲可以學到好多嘢。。。 你個 ＢＬＯＧ 真係好正。。。 我地呢 Ｄ 身住外地有人關心係好好好開心架。。。！！！
回覆刪除[版主回覆09/18/2010 17:18:00]係呀~ 因為無論我去網友既blog，或者網友來我既blog，大多因為大家有共同興趣，所以多數會特別啱咀形架! 而且blog 又無國界限制，我先可以識到咁多住喺唔同地方既網友!
妳blog友對妳真係好
回覆刪除[版主回覆09/19/2010 19:04:00]係呀~ 佢地真係對我好好! 好開心識到大班咁鍚我既blog 友!
真係戥妳開心.
回覆刪除[版主回覆09/19/2010 19:04:00]Thanks Jerry~
WA。。。。開心開心！又有禮物收啦～ 其實我都覺得有禮物收固然係開心啦！ 但最開心係收到朋友的心意！ 就算收到一封信都會好開心～ 以前讀書時成人同學仔寫信。。。嘻嘻
回覆刪除[版主回覆09/19/2010 19:03:00]哈哈~~~~~ 我又係呀! 明明同d同學日日見，唔知點解硬係要寫信既呢? 我香港娘家仲保留住少量果時既信，上次返香港睇返笑到我碌地!!!
有一班咁有你心你blog友，真係好幸福啊~
回覆刪除[版主回覆09/20/2010 23:19:00]有一班咁鍚我既網友，我都覺得自己好幸福啊~
我每次收到禮物都會好開心,不過呢種感覺好耐都未有過喇!
回覆刪除我都好想回味下,感動下
不過今次只看你這份禮物,我都覺得好感動
[版主回覆09/20/2010 23:14:00]其實唔一定要收禮物既~ 送禮物比人都好開心架! 又或者收到一個關心既問候......開心感動其實有好多種方法架!
真係戥妳開心! My first time to see this 蝦子! What can you use for this 蝦子 leh?
回覆刪除[版主回覆09/20/2010 23:12:00]Thanks 妹頭! 蝦子即蝦既卵子，炒香後可以用來撈麵 + 煮餸e.g. 蝦子柚皮~
有一班真誠的blog友真係好開心架... 學你話 "禮物背後果份心意 " 先最重要
回覆刪除[版主回覆09/20/2010 23:11:00]係呀~ 大家萍水相逢都會互相關心，而且好多時唔需要禮物，一個留言已經感受到網友既心意架嘞~
係呀，我開blog時也估不到原來係一個咁好識朋友既方法，又可以好update咁知道同關心大家的近況!
回覆刪除[版主回覆09/20/2010 23:08:00]當初係網友們convince 我開個blog 分享食譜，另一方面我自己又可以整理大咋食譜~ 不過真係無唸過會認識大群網友，當中仲有好多成為咗好朋友可以交心呢~
難得相隔咁遠大家都可以認識，真係好有緣份，仲要大家啱咀形先可以傾得埋，依種情誼真係好難得架，我相信好好多blog友都好似我咁諗，我好希望我地可以繼續雞X唔斷 （唔係粗口，wakakakakaka ) 有靚蝦子，咁要快啲整個蝦子撈麵啦
回覆刪除[版主回覆09/20/2010 23:05:00]尤其我以前住喺香港時，反而無認識大家; 而家喺異國生活先認識到香港 + 其他國家既網友，我唸係timing + 緣份!
我都好想雞X唔斷呀! 不過最近好多野做~ 依邊天氣開始涼，又係時候換季......想死!!!!
唸住聽晚來個蝦子撈麵配菜肉雲吞! (無錯~ 又係菜肉雲吞! 因為上次包得 + 食得都唔老黎，要再來一次!!!)
個手套好可愛呀 點捨得用呀 其實寫左BLOG 真係交流到好多野 亦都學到唔小野 我都要多謝你呀 因為你好叻女 識整咁多美食 我自己係香港 日日入街市 都冇乜新煮意呢
回覆刪除[版主回覆09/21/2010 20:21:00]我都覺得個手套太可愛唔捨得用呀! 因為廚房隔熱手套好易整污糟架嘛~
係呀~ 雖然Yahoo blog 成日都壞，但因為依個blog 我向其他人都學咗好多野!
洗乜多謝咁客氣! 我喺妳度都有新煮意idea 架!! 仍然好想煮妳個蒜香鬼妹，不過仍然係未買到索既鬼妹.....
你就好啦﹐次次收野都咁好彩唔洗去海關~
回覆刪除[版主回覆09/27/2010 02:47:00]其實都無野係違規，而家好多海味英國都可以入口! 就算去咗海關都唔會有事~