我依度就有間仆街超級市場!!! 各位親愛既網友真係唔好意思~
雖然佳節流流我都唔想鬧人，但小妹真係不吐不快!! 睇開既網友都知道我成日喺度鬧我屋企附近間Asda，因為我幾乎每次去幫襯佢地都會計多我錢!
計多我錢唔緊要，反正我每次發現後都一定要佢地扣返，佢地依d嗱咋招根本呃我唔到! 我唔老黎只係因為佢地浪費咗我時間~
經過咁多次計多錢; 投訴過又毫無改善，其實我已經開始麻木哂!
只係因為依間Asda 最就腳，佢d菜 + 肉又靚過Tesco，我先繼續幫襯......而家每次計多錢，我都只求佢地快手快腳拿拿淋扣數就算!
不過佢地竟然有本事令已麻木既我，怒火再一次燒到冚冚聲!!
今次仲要involve 2位八婆...... (1) 我家浴室既shower curtain 係果種懶靚既厚布質地~ 因為好鬼重，所以我會加多一塊cheap 野膠質既shower curtain 喺後面，咁懶靚果塊就唔會咁易污糟，唔洗成日拆落來洗......
不過因為佢太cheap，所以好易爛!
屋企現時用緊果塊其實仲未爛，不過今日見依塊cheap 野大大個紅色牌減價減到£1，所以我就買定一張，反正遲早都要換......
我並唔意外，因為已經習慣哂佢地計多錢，我每次去Asda 都已經有哂心理準備! 所以我好反射動作地叫負責管理self checkout 既staff 幫我扣數.....
我去買野既時候並唔多人，self checkout 只得2、3位顧客，果個staff (八婆A)當時完全無野做只係企喺度......
我: 唔該~ 依個shower curtain 應該只係£1!
八婆A: ......(呆滯數秒後先出聲講野~) 部機器顯示幾錢就幾錢架嘞! 我真係打X咗個突!
因為佢講完野之後成碌葛咁棟咗喺度望住我
，完全無意思去check 價錢!!
我: (開始冒火!) 咁係咪個牌明明話減價£1，我都要照比£1.49? 我要去check 價錢!
八婆A: 妳唔可以去! 要我地既staff 去check!!八婆A又自己唔去，竟然要我恭候佢d staff?
依間Asda 大部份staff 又7吓7吓，分分鐘d貨擺喺邊都唔知，嫌嘥得我少時間呀?? 
都霎戇! 我係要去，幾時輪到佢唔比呀?? 
我緊係唔理佢啦! 一手挽起個籃一枝箭走返去貨架check 價錢~~~ check 完返來......
我: 係£1! 唔該妳幫我扣返錢!!
八婆A: 我叫人再去check! Check完返來咪又係£1!
八婆A一路條氣唔多順咁幫我扣數，一路鬼食泥咁口噏噏.....
)
我: 電腦都係人輸入figures 既啫吓哇? 我次次來親都一定計錯錢!! 係得妳依間分店先係咁既啫!!! (我講得幾大聲 - 我目的要其他客人聽到!! 
)
八婆A: (黑面) 妳可以同櫃台customer service 講! 
我: 我之前已經上網填過form 投訴啦! 情況完全無改善過!! (仍然大聲!)其實如果八婆A即時搵人去check 價錢跟住扣數，我根本唔會扯火!
乜野叫做"機器顯示幾錢就幾錢"呀??
無野做企喺度睇住幾部機都懶得咁交關，不如唔好做返屋企做少奶奶啦!!
好戲在後頭......
我買咗一包減價莞茜價值40p - 即紅色部份~ 我咇完包莞茜後，仲咇咗蕃茄 + 食物袋先結算......
我結算時比錢，機器突然黐咗話我擺咗d未咇既貨品落袋 - 其實依個係self checkout 好常見既問題，只要個staff 過來篤幾吓部機入個code 就解決到架嘞!
不過今次埋來既staff 八婆B用咗一個好新穎既方法幫我解決......
八婆B竟然隨手攞返放喺購物袋最面頭果包莞茜出來，再咇一次! (綠色部份) - 即係再計多一次錢!!
然後放返包莞茜入袋，同我講: It's OK now! 
阿嬸妳無野吓哇!!?!?
一包莞茜妳計我2次錢仲同我講"It's OK now"??
我: 但妳而家charge 咗我2次喎! 八婆B一臉迷茫好似唔明我講乜......
隔咗一陣先篤制幫我扣數!!
今次我真係頂佢地唔順嘞! 我今次一定要寫信去Asda head office 投訴!!!!!!!
11111111111111111111第一
回覆刪除[版主回覆09/23/2010 04:00:00]叻!
佢有妳依D客係佢福氣....還有投訴即重有幫親, (雖然主因是夠近)...上到head office 會有D回應既
回覆刪除妳果邊個月光靚唔靚呀, HK就唔多得....祝妳中秋節快樂, 人月兩團圓, 一家人, 和愛人開開心心過中秋節.....賞月呀........
[版主回覆09/23/2010 03:59:00]其實另一間叫Tesco 既超市都好近我屋企，但始終唔足Asda 近，而且Tesco 唔爭氣，d菜 + 肉唔夠Asda 靚!! 不過就算我唔再幫襯佢地，我都睇唔過眼佢地咁呃人法! 今次我一定要投訴!!!!
我依邊今晚睇唔到月亮呀! 比雲遮住哂啊..... 我都祝妳中秋節快樂啊~
嘩...真係齋睇都有火啦... 個女人真係識少少扮找表... 佢只不過係求其做D野就想打法你走啦!
回覆刪除[版主回覆09/24/2010 21:58:00]齌睇都火滾呀呢? 好彩佢地d刀太cheap，我唔會喺佢地度買刀，如果唔係我真係怕自己攞把刀出來斬佢呀!!!
你好﹐ 雖然近日都有去你個blog, 不過就無留言﹐ but anyway, nice to meet you! 今次我想講係我發覺外國地方D cashier真係好唔掂﹐ 我都有過比人計多錢0既經驗﹐ 不過我地中國人數口實在係好﹐ 所以我好快地返去問。但個 cashier 仲要chanllenge 返我﹐ 喂﹐ 我本來買0既野係 $20﹐ 而家換一樣野係$10﹐ 係唔係應該比番$10我呀?? 真係吹漲。而家D人真係 呃得就 呃﹐ 我好多時都係見減價先買D product, 有時D奸商就博D 人唔睇清楚就走﹐ 講真﹐ 走左仲邊有得追返呀! 唔好咁勞氣﹐ 今日係中秋應該開心D 仲有你個名係 成日都好鬼happy既Mrs. T, 應該開心D啦!
回覆刪除[版主回覆09/24/2010 21:57:00]妳好Mrs.Wu! 歡迎妳~ 妳喺邊度生活架?
而家依間超市就係搏人唔計清楚咪少少少少咁來呃人囉! 年中佢地呃呃埋埋都不知幾肥仔呀!!! 所以我去親都一定用self checkout 自己咇，唔洗經收銀員手，有錯即時發現，所以我次次去親都要叫staff 扣數架! 因為佢地呃慣其他顧客嘛!
我一向都係好開心既! 但遇著d咁既人，唔火滾既都唔係人來咯!!
我地依邊啲超市都成日打錯價，佢哋係有心咁做。 所以我情願比貴啲，都唔去冇良超市啦，費事勞氣。 中秋節快樂
回覆刪除[版主回覆09/24/2010 21:51:00]我都唔介意比貴少少，但另外果間Tesco 肉 + 菜的確唔夠依間Asda 新鮮! 而且我個人幾硬頸 - 明明係對方錯，所以改既應該係對方! 我係唔會要自己改變來遷就~
遲來既中秋節快樂啊!
我完全明白你嘅感受．．．！！！
回覆刪除我屋企附近間 ｓｕｐｅｒｍａｒｋｅｔ ｄ ｓｔａｆｆ 都好 ７ 架．．． 佢地同你嗰度間都差唔多．．． 次次有特價嘅嘢都一定會咇錯錢．．． 有時我會即時同佢講．．． 個 ｓｔａｆｆ 會叫人去 ｃｈｅｃｋ 都係同你地一樣佢地都唔知 ｄ 嘢向邊．．． 搞成半個鐘有多（每一個 ｃｈｅｃｋ）．．． 有時我會照比之後去 ｃｕｓｔｏｍｅｒ ｓｅｒｖｉｃｅ 度 ｃｏｍｐｌａｉｎ．． 因為嗰間 ｓｕｐｅｒｍａｒｋｅｔ 有個 ｒｕｌｅ 如果係咇錯會唔 ｃｈａｒｇｅ 嗰個 ｐｒｏｄｕｃｔ．． 不過呢個要搞成個幾鐘（ｃｈｅｃｋ 一個 ｐｒｏｄｕｃｔ）．．． 去 ｓｕｐｅｒｍａｒｋｅｔ 千萬唔可以趕時間．． 同一定要 ｃｈｅｃｋ 佢找錢．．． 次次都找錯．． 呢間 ｓｕｐｅｒｍａｒｋｅｔ 開咗 ５ 年未試過有一次找岩架．．． 呢間因為近同多選擇我先去 ｊａ．．．
[版主回覆09/24/2010 21:48:00]因為我用self checkout 自己咇價錢，所以一咇我就會發現錯價，唔洗等到比錢先發現!
我地依邊無唔charge 錯價貨品依個例子，我亦唔要求佢地錯價就要免費比咗件貨我，我只求佢地唔好搵我笨! 最基本要求，佢地都做唔到........
真係痴Q線既一間超市 !
回覆刪除[版主回覆09/24/2010 21:45:00]我喺依度住咗咁多年，搬過唔同地點，幫襯過唔少分店.....係得依間咁X衰!!!!
唉...中秋節都俾間仆街野辣慶,佢地咁既經營手法就係set電腦system既人同貨架上既staffs唔協調,濟濟咁樣呃鬼人,真係要上去head office投訴,希望有回應啦 如果唔係妳肯定鑊鑊要大動肝火,好傷架
回覆刪除[版主回覆09/24/2010 21:44:00]完全 唔關 set 電腦 + 上貨架既staff 協唔協調既事! 根本只係純搵笨7!! 有咩offer，set 電腦果班應該最清楚啦! 有乜理由次次棟個牌出來話減價都無減到架???? 仲唔係做咗手腳??
你以經好叻,起碼你無爆血管同打人
回覆刪除[版主回覆09/24/2010 21:37:00]我開始怕我會有一日忍唔住.......
妳真係好慶噃!
回覆刪除[版主回覆09/24/2010 21:36:00]蟻兄~ 面對咁既情況，我相信每個正常人都會好慶!
我很少去asda, 比较喜欢去sainsbury's, 因为我有nectar 卡。
回覆刪除对了你那儿有没有Atkinsons,我前两天去shopping， 在Atkinsons 看到这个
这个是不是你上次說的那个？？
[版主回覆09/23/2010 18:30:00]Sainsbury's 對我來講比較遠~ 我屋企附近既Asda + Tesco 都好近，而且2間都係24小時，對我來講方便好多!
我依度無Atkinsons 架! 但就有類似既百貨公司~
妳相依個煲係就係cast iron，不過就唔係我講既牌子Le Creuset! Le Creuset 係依個: http://hk.myblog.yahoo.com/veronicams_tsim/article?mid=43485 Le Creuset 喺John Lewis 有得賣~
妳相依個我未見過又未聽過，個牌子"La Cuisine"好有山寨feel......不過就咁睇相外型都幾靚! 但品質就要睇到實物先知!
我完全明白你有幾慶,...我今日去pk超市,買兩盒完全一樣既薑茶,一盒do機25蚊,一盒49.8,個收銀照doo若無其事,我叫住問點解,佢話:係呀,呢盒過機係賣49.8,個盒就賣25蚊,我話:你睇下2盒係完全一樣過wo,你不如check check 佢?佢地2個人企係度完全無人郁,do機幾多就係幾多,重話咁你買盒平既先la,最後我係2個完全無反應既人面前走番去架上再攞過另一盒標25蚊先搞店,遇著唔帶腦返工既人真係爆血管!
回覆刪除[版主回覆09/23/2010 18:20:00]妳依個case 我反而有保留~ 咁49.8果盒係咪真係係標49.8先? 如果每盒貨品都貼有標價，咁我個人認為作為顧客都有少少責任 - 攞貨前應睇清楚!
其實人手、電腦做事都一定會有出錯既機會! 我都去過一d每件貨都有貼標價既店，遇過妳依種情況 - 一樣既貨但唔同價錢~ 除非我無留意，否則我一定唔會攞貼咗貴d果件貨!
但我既case 係 - 依間超市貨品唔會個別貼上價錢，只喺貨架上有標價，所以我慶係因為個廢人連去check 都懶得去check! 依間野錯價錢係家常便飯來，我一早已經習慣哂! 但我出到聲佢都唔郁，我就接受唔到!
我成日睇你個blog都知道唔係第1次... 真係你有你投訴 佢有佢做.... 佳節當前.. 唔好嬲!
回覆刪除[版主回覆09/23/2010 18:11:00]唉~ 我有我投訴，佢有佢做都算嘞~ 我都話咗我已經對佢地成日錯價錢麻木哂........但佢地而家連check 都廢事同妳check 果下先火上加油嘛! 真係比佢地激到吐血!!!
尋晚佳節有咩節目呀? 我地依度好厚雲又間中落毛毛雨，完全睇唔到月亮啊.....
香港有間百佳超級市場; 我依度就有間仆街超級市場!!! <------笑 個條真係正8婆 a 黎架喎~~ 仲夠膽死講部機do 幾多就幾多? 都唔知請呢d 垃圾番黎係咪淨係企係到唔做架?! 8婆b仲厲害! 我諗有少少常識既人都唔會咁做呀???!! 真係大眼開界呀! (但係我睇時都忍唔住笑) 英國人野雖然係慢d , 但係呢d 8 婆都係第一次見! 有一次我係tesco 用我debit card 找數, 當佢部card machine 上寫card processing 時一我突然睇到我有錯咭找數, 本能反應即刻拎番出黎啦... 點知佢部card machine 同 self service machine 都hang 左... 跟住個staff 黎到時, 我扮到個樣好無辜唔知發生咩事咁, 佢都同我say 晒sorry 咁...
回覆刪除[版主回覆09/23/2010 18:08:00]妳話係咪比佢地激到嘔血吖???? 八婆A都可以解釋佢係懶到出汁; 八婆B就真係完全低能果隻囉!
Tesco 服務同依間Asda 相比真係差天共地!! 起碼我去咗依間Tesco 咁多年，計多錢既情況一次都 未 出現過! 人地Tesco 咪又係用電腦!!
可惜Tesco 唔夠就腳，而且肉 + 菜又唔夠Asda 靚，我先要焗住幫襯間黑店咋!!!
唔好咁勞氣，傷身呀！ 唔好話英國，香港都有類似既事發生，我都試過睇唔過眼某快餐店既服務態度，寫意見書投訴，佢地真係會有人打比我問清楚發生咩事，仲多謝我提出意見！ 希望，你寫到上佢地既Head Office，佢地真係會正視處理啦！
回覆刪除[版主回覆09/24/2010 21:36:00]我咁勞氣係因為已經唔係第一次架嘞! 妳睇返我前頭鬧果d，都唔知已經第幾次咯~
我其實已經開始習慣佢地計多我，不過我一定發現要佢扣返，所以由佢算數! 但今次佢地懶到扣都唔想扣，另外果個白痴仲要一件貨計我2次錢，唔火果個都唔係人來咯!!
唔好嬲唔好慶啦，激親自己唔好呀~~~
回覆刪除[版主回覆09/24/2010 21:29:00]我唸只有木頭先可以對住依2個野唔嬲又唔慶!
佢哋人頭豬！！ 我覺得妳已經鏟得佢哋少添啦！
回覆刪除[版主回覆09/24/2010 21:28:00]我已經慣哂佢地錯數，所以錯數我已經唔再剷佢地!
但今次蠢果個 - 咁Q蠢剷來都無用! 我唸佢分分鐘唔知我點解要剷佢呢!! 不如慳返~
至於懶果個我一開始剷佢就黑面，我怕我會忍唔住郁手打佢! 所以最好都係投訴佢!!
嘩~ 真係睇到都好鬼忟, 吓吓要自己CHECK住, 上次我去加拿大都計多我加幣2=HKD16, 我都係回到酒店先發覺但沒辦法啦, 有時真係好激氣, 錢係事少, 但唔順氣囉~
回覆刪除[版主回覆09/24/2010 21:24:00]其實我唔洗一路check 住，因為我用self checkout 自己咇唔經收銀員，所以一咇個價錢彈出來個screen，我就即時發現錯價錢!
不過次次去買野都有錯價錢，扣數又要等佢地篤機，真係好浪費我時間!!!
唉,就係個價錢係標在貨架上,唔係貨品上,我就係睇貨架上的價錢買....
回覆刪除[版主回覆09/24/2010 21:18:00]哦~ 咁就係超市既問題嘞!
不過百佳d貨而家無貼價錢既咩? 香港超市好興貨架有價錢都照貼果喎!
我都係番左屋企成家人過節咋.. 香港都係落雨... 好彩夜d都見到月亮呀 不過濛濛朧朧咁囉... 好過無啦.. 不過中秋節落雨氣氛就無咁好.. 我食完飯番自己屋企o個時因為無雨先見到好多人出黎玩咋... 你點慶祝呀?
回覆刪除[版主回覆09/24/2010 21:15:00]我無慶祝呀! 依邊都唔興中秋節既.......
妳返咗屋企同屋企人食飯幾好吖! 中秋節同屋企人一家食飯好開心~
人懶真係冇藥救架!
回覆刪除[版主回覆09/24/2010 21:12:00]懶仲要加埋蠢......間超市死得架嘞!
算啦! 鬼叫佢平呀! 唔好勞氣嘞!
回覆刪除[版主回覆09/24/2010 21:39:00]我去Asda 唔係因為佢平! 而係因為Asda 最方便~
而且佢地咁樣擺到明呃人錢，如果無發現叫佢地扣返既話，佢地根本唔係咁平啦!
如果個個好似妳咁精明, 咁佢咪冇咁發籮!
回覆刪除[版主回覆09/24/2010 23:38:00]佢地呃人呃得太離譜，用self checkout 既顧客唔需要好精明都好易會發現!
人地Tesco 規模大過佢，人地都好發，而且越做越多瓣 - 又唔見人地Tesco 用依d嗱咋招?
我都唔想要佢比件 ＰＲＯＤＵＣＴＳ。。。 但係同 Ｄ 蠢人講要搞好耐會阻住後面 Ｄ 人。。。 我先會比完錢去 ＣＵＳＴＯＭＥＲ ＳＥＲＶＩＣＥ ＣＯＵＮＴＥＲ 度搞。。。 唔想比排我後面 Ｄ 人指住黎話。。。
回覆刪除[版主回覆09/24/2010 23:36:00]澳洲超市有無self checkout 架?
其實佢地唔錯，就自然唔洗做多d功夫啦! 係佢地自己攞來!!
我一睇到妳寫英國最仆街既超級市埸就知一定又係Asda
回覆刪除[版主回覆09/24/2010 23:50:00]除咗依間Asda 之外，無第二間超市咁配依個名架嘞!
英國冇消費者位員會架咩! 頭訴佢啦! 列佢入黑名單嘛, 係FB唱衰佢啦! 黑店!
回覆刪除[版主回覆09/25/2010 00:07:00]我唸住先向佢地head office 投訴，若果佢地當我死情況仍然唔改善，我唸住向投報紙架!
我番轉頭再攞過盒時金晴火眼睇過,無.....
回覆刪除[版主回覆09/25/2010 02:12:00]唉~ 我唸明碼實價貼住喺件貨度仲好! 起碼唔洗拗餐死!!!
如果嗰邊興八掛周刊就好, 開個記招唱衰佢! 要佢陪償心理損失, 激得多縐紋都多兩條, 陪埋FACIAL費添呀. D鬼好興咁O架, CLAIM到佢清盤.
回覆刪除[版主回覆09/25/2010 02:10:00]妳曾幾何時見過有人投訴某公司唔老實會開記招架? 而且清盤既公司並唔係比人投訴到清盤既......
心理損失太言重嘞! 託賴小妹無做facial 既習慣但仲未有縐紋~ 我投訴目的係唔想佢地繼續呃人，並非想趁機搏大霧搵著數!
唔係間間有 ｓｅｌｆ－ｃｈｅｃｋｏｕｔ。。。 我屋企附近間而家整梗。。。 如果有我會開心好多。。。 唔洗下下都要同 Ｄ 蠢人溝通。。。。！！！
回覆刪除[版主回覆09/25/2010 17:23:00]OIC! 我依邊幾乎間間大型既超市，都已經有哂self checkout，我去親都一定會用，計錯數都唔洗等比咗錢先退數嘛!
支持妳!投訴 投訴 投訴 投訴 投訴asda
回覆刪除D staff 的態度好36 (做又36唔做又36)
[版主回覆09/25/2010 17:21:00]你唔支持我都照投訴架嘞!
仲有佢地死緊嘞 - 我老公下星期六去依間Asda 做mystery shopper! 根據過往幾次記錄，我覺得佢地又一定有錯價錢囉!! 到時煮佢地一大鑊!!!!
我睇都應該要做D野嘞!
回覆刪除[版主回覆09/26/2010 02:04:00]蠢 - 我唔怪佢~ 就算點佢都係蠢架嘞! 但懶我就真係容忍唔到囉! 我一定會做野!!!
做mystery shopper! 即係咩? 係咪放蛇?解釋吓.謝謝!
回覆刪除[版主回覆09/26/2010 02:00:00]係呀~ 放蛇呀! 依度 好多大型連鎖店 + 餐廳，會委託"放蛇公司"去幫佢地arrange 客人去店放蛇，測試佢地顧客對服務既滿意程度!
普通人可以到放蛇公司website 登記做放蛇人，當放蛇公司接到店或餐廳order e.g. Asda 某月某日要測試地區A分店，放蛇公司就會將資料email 比住喺地區A既登記放蛇人! 不過同一地區可能有多過一個登記咗既放蛇人，所以就以先到先得既方法 - 由最先回覆放蛇公司既放蛇人接job!
做放蛇人有咩著數呢? 餐廳job 免費食飯 (咁當然有上限啦!) 另加交通費; 超市多數會比£10你買野，另外少量交通費! 做完job 網上填報告表，影埋單據email 返放蛇公司，佢地就會入返錢去銀行AC架嘞!
我去開嗰間Asda無事喎....好明顯係人ge問題啦, 請哂d傻ge返黎做...不過我覺得英國人都幾鈍..做野又慢吞吞.... 但最白痴都係個"staff 八婆B"....真係俾個 佢...白痴到丫...
回覆刪除[版主回覆09/26/2010 01:30:00]我無話過間間Asda 都係咁呀! 我喺度住咗咁多年，以前讀書時租屋住過唔少area，去過唔少Asda 分店 - 係得而家依間先咁衰格!
我唔會話所有英國人都係咁鈍! 不過得罪講句 - 係醒果咋都唔洗做超級市場啦.......
不如唔好做返屋企做少奶奶啦!! 我就係成日遇到呢的事都好似你咁諗呀﹗ 不過其他人唔明白我架﹗
回覆刪除[版主回覆09/27/2010 02:31:00]係吖嘛! 返工棟喺度，客人要幫忙都唔願郁，咁仲返來做乜??
咁又真係幾好喎,有錢收又可打佢毒針,而且呢針係佢應得既.
回覆刪除哈哈!Asda今次死梗!
謝謝妳的詳細解釋,又學到野.
[版主回覆09/27/2010 02:29:00]係架~ 最鐘意做餐廳 + 超市 - 一定用得著! 打佢毒針還打佢毒針，我會照樣寫信比head office!!
放鬆D! 唔好勞氣, 唔好激親自己呀!
回覆刪除[版主回覆09/27/2010 23:53:00]一早嬲完好耐咯! 咁小事邊嬲得咁耐?
呢句說話就知妳d火飾晒啦!
回覆刪除喂V唔只你住嗰度呀, 我呢度都有間曲街超市! 頂佢個掣, 唔對單實出事仲已經唔止1次係咁: 買同一pack beer可以次次唔同價錢 (唔係做特價喎), 按樽錢明明0.1歐per bottle, 我4個樽佢夠貼收我4.5歐! 嘩唔出聲一定做傻仔, 連今日我買包薯片, 個牌實特價過機都仲係做番正價! 啤酒度我廢鬼事叫佢叫人入去睇番價錢, 鬼叫自己趕住時間走, 佢俾番薯片差價我. 最頂癮係我同老公講, 原來老爺叫我去親呢間c人超市買完野一定要即刻對單, 佢地好興做假, 搏d客唔知架!!! 超賤呀!!!
回覆刪除[版主回覆04/16/2011 21:56:00]其實我唸好多超市都會用依招! 爭在d客發唔發現得到~
依間超市經過我不停投訴，近依幾個月改善咗好多! 今次一次都無試過錯價錢~