我的第一次 - 業餘攝影比賽 (2010年9月11日)

好好好開心呀~~~~~ 
今日我去咗攞獎呀!!!!!!

 
早在6月老公留意到依個由Callander Community Development Trust 主辦既公開業餘攝影比賽 -

"Scottsland 2010 Amateur Photo Competition"，問我有無興趣參加......

比賽作品主題有4項:(1) Local Landscape – The Big Picture(2) Local Landscape – The Smallest Detail(3) Local Wildlife – Plants, Animals and Insects(4) Local Life – People, Places and Humour項目以影風景 + 大自然動植物為主 - 我最鍾意影依d架嘞~

直頭開正我果瓣! 我緊係有興趣參加啦!!Callander 係蘇格蘭一個著名風景區~

是次比賽所有得獎作品，

將來會用作印製該區旅遊宣傳刊物，

所以參賽作品規定要喺Callander 範圍內拍攝既!
每位參賽者最多可以提交3張作品參賽~

不過我只提交咗2張相，參加咗2個項目......

Local Landscape – The Big Picture

(攝於Queen Elizabeth Forest Park - 2009年5月10日)P.S. 比賽規定可以用舊作參賽 - 總之2年之內喺Callander 範圍內拍攝就得嘞!


依張就係我既得獎作品嘞!

(攝於The Trossachs - 2010年6月27日)

比賽每個項目都分開3個年齡組別:- Children (8-11歲)- Young Adult (12-18歲)- Adult (18歲以上)咁我緊係參加成人組啦..........

我攞咗成人組Local Wildlife 第3名! 7月31日deadline 我先臨時臨急填表提交作品，

之後一直無聲無氣......

直至剛剛過去既星期二(9月7日)收到電話通知我今日出席頒獎禮~不過佢地並無話我知我是否得獎，佢話賽果喺頒獎禮當日先會公佈!

頒獎禮喺Callander 一間小學舉行......



一入門口見到佢地貼咗我張相出來!

當時仲未知自己得獎，但我已經好開心好滿足~~~



2邊展示板共展出21張得獎作品......




不過頒獎禮開始前，我 + 老公偷偷數過枱上只得20個獎座......好奇怪!後來頒獎禮主持(綠衫女人)解釋 - 佢地大頭蝦訂少咗一個獎座!

主辦單位遲吓會補返獎座比果位無獎座既得獎者......好鬼搞笑~~~~~




其餘無獲獎既作品，都會喺電腦重復播放展示~ 無獲獎既作品當中，都有好多水準好高既佳作架!



成人組Local Landscape – The Big Picture 第3名

依張係全場我最鍾意既其他人得獎作品!


 
得獎人大合照~

明明右邊仲有其他得獎人，但老公只係集中影我! 比佢激死......雖然比賽規模唔大，但比賽係全英國公開既~

竟然有其他得獎者係由南下英倫特別上來蘇格蘭攞獎呢!



今次係我第一次參加攝影比賽 - 參加得比賽當然希望有獎攞!

不過雖然比賽係業餘性質，但我預咗一定會有唔少攝影發燒友參賽，

當中一定有唔少高人......決定出席頒獎禮，只係因為我知道頒獎禮會展出參賽作品，
唸住去睇吓其他人既作品從中學吓野~

所以我一直只抱平常心，根本從來無唸過自己第一次參賽就攞獎!
真係好意外好鬼開心啊~~~~

頒獎禮後同其他得獎人交流心得，真係令我得益不少!

有一位得獎人既太太仲同我講 - 我張相係佢最鍾意既作品呢~




除咗獎座仲有獎狀架!老公叫我用番自己本姓"Lee"填參賽表......

佢話用"Tsim"太明顯係中國人，怕評判們會種族歧視喎!