本來尋晚我係打算煮飯既......
又買鑊??
無錯~ 我係話過唔會再買鑊.....
不過.........................話說我打算買多一個專用來炆雞鴨既cast iron casserole~ 雖然我唸住等返完香港後先決定買邊個，但我一得閒得滯無野做既時候就會上網睇煲 - 睇吓有乜心水候選佳麗......
我平時炒野用開易潔鑊，因為貪佢地輕"青"!
我唔會用超過30cm 既炒鑊，之前買落大咋易潔鑊經我篩選後，而家只剩低2隻28cm + 1隻30cm......
但平時煮一餐飯可能要炒幾個餸，依隻shallow casserole 始終太重，所以我平時炒餸多數都係用返輕身既易潔鑊~
依隻shallow casserole 必要時先會出場 e.g. 炒貝殼類時 - 因為用易潔鑊炒貝殼類一定會刮花!
我屋企既鑊本原本應已夠哂用有凸! 但係......
咁我就怕用依個一樣有琺瑯搪瓷層既shallow casserole 來炒少汁既食物時，會有機會再發生爆搪瓷層情況......
不過佢唔夠大 + 太淺，炒少量食物還可以，但炒蝦拆蟹就唔夠用嘞!
依個Chasseur 只網上有售，本來打算尋晚落order......
不過尋日上開IKEA website 睇相架......
依個都唔錯喎!
又係28cm~ 雖然IKEA 依個比Chasseur 淺少少，不過分別並唔太大!
IKEA 依個可以買前睇清楚實物; Chasseur 果個始終係網上睇相，如果買咗送到來唔啱心水又要寄返去就麻鬼煩嘞......
就係咁等老公放工即興去IKEA 走咗轉，仲帶埋個鑊返屋企!
本來只打算去買鑊，但行吓行吓最終又買咗其他野......
，好清好舒服既感覺~ 質地都唔錯架!!
咁呢個pan重唔重o架???
回覆刪除[版主回覆09/16/2010 19:55:00]重架! cast iron 實重架啦!! 重要加埋我對香雞手.......
隻色真係幾靚喎,佢唔重炒起餸黎冇咁辛苦啦...
回覆刪除個食物盒蓋隻色幾sharp喎,我都有買,不過d蓋係紅色!!全部野加埋唔夠一個chasseur,但係我直覺話我知妳應該會再入貨買鑊
[版主回覆09/16/2010 20:17:00]依隻都重架! 最主要係佢裡面無搪瓷層，咁我炒野炒得安心唔洗驚爆嘛~
食物盒我依邊得依個色咋! 紅色應該靚過藍色~ 其實最好就係白色或者透明仲好.......我買來放月餅比6299啫! (仲未整..... )
果隻Chasseur 網上價已經減咗都要£5x，我尋晚買成咋野£50有找喎! 咁緊係買IKEA 依隻啦!
真係真係唔再買鑊嘞! 再買鑊斬手指!!! (不過我可能要斬埋腳趾! ) 買多隻oval casserole 來炆雞鴨，就夠哂cast iron 嘞~~~
哈哈, 我一睇topic只係想起hotdog......
回覆刪除我星期日都會去廣州果間, 唔知有無野食呢 ...
[版主回覆09/17/2010 16:37:00]去廣州洗乜去IKEA 呀! 去廚安居嘛~ 我上次返香港時都去過IKEA，d貨同英國依度一樣......
我都好耐無去 ＩＫＥＡ 啦。。。 搵日叫朋友仔同我去走返轉先。。。 睇下有無抵嘢執。。。！！！ 個木 柄 ＰＡＮ 好似幾好咁喎。。。
回覆刪除[版主回覆09/17/2010 16:35:00]就算無野想買，得閒無野做去IKEA 打個白鴿轉都係好節目來! 而且本來就算無野想買，最後都一定會有收穫!
我就係最鍾意個柄! 靚過鐵柄~~~
回覆刪除呢個好似幾好wor
[版主回覆09/17/2010 16:34:00]依個好好用架! 用來炒野又得，炆野又得，仲入得焗爐架!
我都有諗過去IKEA買 Frying Pan架!!
回覆刪除[版主回覆09/17/2010 16:33:00]佢地好多款式，得閒去睇吓啦!
易潔鑊輕身,又易洗,鐵鑊就夠鑊氣.所以一個廚房都後要兩樣都有先得.
回覆刪除[版主回覆09/17/2010 16:32:00]無錯~ 就係依個分別，所以廚房裡面應該兩樣都有!
IKEA d家品真係好平, 食物又抵食, 係香港,我都成日去IKEA 都行架...
回覆刪除[版主回覆09/17/2010 16:31:00]IKEA d 野除咗平，品質都唔差架! 不過佢地d廚具有時款式幾古怪..... 不過 我好鍾意佢地成日有新款產品!
IKEA幾靚呀，木柄設計唔錯喎，唔洗怕辣手
回覆刪除[版主回覆09/17/2010 16:30:00]其實Chasseur 果個都有木柄款架! 同鐵柄一樣價錢，不過網上店大多賣鐵柄款，木柄要Amazon 先有少量，但我唔會再幫襯Amazon!!!
我都好鍾意行IKEA，而每次行完都會買隻又抵又好味嘅hot dog作為總結添
回覆刪除[版主回覆09/17/2010 16:28:00]哈哈~~~~ 睇來IKEA 熱狗真係有好多fans! 我每次去親都一定整返隻，而我老公食完熱狗，最後係以佢地杯超雪糕做總結!
我媽咪買左個 ikea pan, 佢話煎餃子一流, 而且又平
回覆刪除[版主回覆09/17/2010 16:26:00]佢地d野有時真係平到匪夷所思! 果晚我竟然見到佢地有個大煎pan 賣99p!!!!!
又買鑊
回覆刪除ikea 啲嘢食真係平靚正呀，我成日都走寺ikea食嘢~~~
[版主回覆09/17/2010 16:25:00]最後一個鑊! 再買鑊我斬手指!!! 下次買煲唔買鑊!
我同老公好鍾意去IKEA 食早餐! 又平又大份~ 仲有佢隻熱狗 - 我地果晚買咗4隻既價錢，竟然唔夠用來買1隻戲院熱狗!!! 平到吖~~~~
個 pan 好得咁喎.... 我都諗住買個 pan, 等我又去 ikea 睇下先.. 我都好鍾意行 ikea, 不過佢越搬越遠, 搞到我唔可以成日去......
回覆刪除[版主回覆09/17/2010 16:22:00]依個pan 係佢地既cast iron 系列，我果晚特登去睇過實物，覺得唔錯我先帶佢返屋企~ 本來我淨係唸住去買鑊架咋，點知行行吓又買咗其他野!
香港地方細嘛~ 佢地雖然越搬越遠，但應該越搬越大呢!
IKEA D野真係好抵買呢..有d好靚呀..同埋佢地既食物都好抵食..哈 唔買野入去食下野都抵
回覆刪除[版主回覆09/17/2010 16:19:00]係呀~ 佢地d野價錢合理得來品質都唔差架!
好似我套King size 被袋枕套花又靚又唔貴，但係全棉來架，質地摸落好舒服!
我都好鍾意係ikea食hot dog, 又平又好味
回覆刪除[版主回覆09/17/2010 16:16:00]佢地個hotdog 真係又平又好味! 我地果晚買咗4隻，夾埋價錢喺戲院都買唔到1隻呀!!!
隻鑊好靚呀 ! 好想知妳的用後結果啊 .
回覆刪除[版主回覆09/17/2010 16:15:00]睇過實物覺得品質手工都唔錯，所以我先買咋! 希望好用啦!
ikea 的產品真係幾抵買 上次我行埋佢間買野食既小店 .. 的朱古力平到唔相信 仲係可以做蛋糕 都係＄10有找 ~~ ^^
回覆刪除[版主回覆09/17/2010 18:14:00]係呀~ 佢地產品平得來品質都唔錯! 而且成日都有新款，保持新鮮感~~~
我無買過佢地既朱古力，不過佢地d薯片好正! 我唔好零食間中都會買來食架~
哈哈，咁你應該話我今次買pan之嘛，唔係買鑊呀
回覆刪除[版主回覆09/18/2010 17:14:00]我都係算吧啦! 因為連我自己都唔信自己.....我覺得我將來真係好有可能要斬手指!
我們有諗過只係入IKEA食HOTDOG
回覆刪除[版主回覆09/18/2010 17:11:00]都未嘗不可既! 而且我依邊IKEA 附近都好多地方可以行街
個新PAN隻藍色好美
回覆刪除[版主回覆09/18/2010 17:10:00]我都覺得幾靚~ 我一向對煲顏色唯一要求係 - 唔好鮮色!
咁呀...你買定多啲USB啦
回覆刪除[版主回覆09/19/2010 19:31:00]依個方法唔錯! 可以慳返我自己果d~
剛剛搬入二人新居，什麼都未買，我同老公都係時候去一去Ikea 大shop啦!
回覆刪除[版主回覆09/20/2010 23:46:00]我記得幾年前新屋入伙時除咗傢俬之外，廚房用具幾乎乜都唔洗買 - 因為我讀緊書時自己租屋住，果時已經買落大咋廚具自己煮自己食!
我都好鐘意食熱狗,仲有三文治等等.....我媽就話佢唔鐘意食面包之類既野.....
回覆刪除看你的網誌,其實你都幾鐘意煮野食,而且每次唔同,揾日我都要係你度選番個,不過太難我又唔識
[版主回覆10/05/2010 19:39:00]我以前係完全唔鍾意食熱狗三文治架! 不過來到洋人地方大把依d野食，慢慢先習慣咗~
我唔係"幾鍾意"煮野食，而係"超級愛煮野食"! 煮野食係我既passion 來!!
成功煮出一道菜果種成功感、自己親手煮出來既美味、仲有家人朋友既讚賞 - 令我越來越越愛煮野食!
妳喺我依度選就啱嘞 - 因為我依度係無難既食譜既! 我煮得到既，人人都一定煮得到!!
我過左來加拿大都2個幾月, 但都係用唔慣呢度的爐, (因為係爐餅), 煮也都好似冇料到...我想問你呢隻ikea的鑊係易潔定係生鐵呢 ?
回覆刪除我而家仲想買set lagostina的煲, 唔知又好唔好呢? 我唔想買咁多回來又唔好用, 我知你呢方面係大師, 比啲意見我丫, 唔該晒, 我另一半沒有你hon hon咁好, 任你買 >_<" 所以我唔想買左又唔咁丫. 呢度啲野比起香港貴好多倍...
thanks thanks thanks
[版主回覆01/05/2011 11:39:00]依隻IKEA 鑊係生鐵鑊來(即cast iron!) 我無用過lagostina，不能置評~ 不過據我所lagostina 係不锈鋼廚具，不锈鋼廚具炒野係一定會黐底既!
美加d野出名平果喎! 之前有加拿大住既網友買LC 好鬼平喎!! 就算連歐洲物價貴過香港咁多，買LC 依類cast iron cookware 都平過香港買.....香港買歐洲入口廚具先最貴呀!
我都去ikea買隻先, 平平地睇吓cast iron好用定係cast aluminum好用先, 因為我之前用berndes 真係用好少油同埋未試過痴底的.
回覆刪除[版主回覆01/06/2011 11:20:00]妳唔洗成套換哂架嘛! cast iron 好處在於傳熱快有鑊氣，可用小火煮食慳能源，炆野唔會流失水份原汁原味......不過 依d所謂好處見仁見智 + 好視乎個人喜好! 又唔一定要用cast iron 或貴價專業廚具先煮到好餸既~
個人認為就算好鍾意用cast iron，但廚房都應該有一個易潔鑊守門口~
唔好意思我仲有一樣野想問吓你, cast iron啲煲可唔可以在入面放個湯碗用來燉野? 因為我初來加拿大又買唔到燉盅, 廚具又有限, 我呢2日好頭暈, 唔知係咪唔適應, 我諗住明天燉川芎白止魚頭, 我打電話回香港媽咪教, 但我連燉盅都沒有, 打算用呢個cast iron煲做外面放水入面放湯碗, 因為我上網查過話呢個cast iron 放幾多水都不會太蒸發~ thanks
回覆刪除[版主回覆01/06/2011 18:46:00]可以用來燉野~ 不過妳個碗無蓋點燉呀? 無燉盅最好用個有蓋既杯!