花生蓮藕煲豬尾; 鮑魚汁燴蝦子海參肉丸; 蒸雞配泰式蒸雞汁 & 蒜蓉白菜
依餐本來係尋晚(9月27日)煮既......
睇來老公食過翻尋味......
上次試過Red Hots 最好味，所以今次第1 round 我 + 老公都係要個Red Hots!
短期內應該唔會再去!雖然尋日唔洗煮飯，不過我都無偷懶......
講返今餐......
雖然唔好意思......不過真係忍唔住要讚自己整得好好味! 哈哈~~~~
老公只食肉丸唔吼海參! (慳返~ 我可以獨食!!
)
估唔到枝汁咁鬼平都會咁好味! 酸酸地又辣辣地，好正~~~~
用cast iron 來炒菜真係要好快手! 暫時我仲未習慣，差d炒燶菜.........
雖然依餐又變返三餸一湯，不過我每碟餸份量減少咗架!
花生蓮藕煲豬尾食譜click here~ 自製鹹蛋 - 鹽水浸製法click here~ 鮑魚汁燴蝦子海參肉丸食譜click here~
wakakakakakaka, no.1111111111111111111 又食ribs呀 磨菇好似好得咁喎?! 加咗紅茶葉既咸蛋會係咩味架呢
回覆刪除[版主回覆09/29/2010 17:47:00]依個任食ribs 逢星期一先有得食嘛! 老公愛上咗咪把握機會囉!!
個蘑菇好好味架! 我下次都想試吓咁整~
人地話加紅茶來醃鹹蛋，醃出來個黃會靚好多! 咁我咪又試吓囉!
你煲 鮑魚汁燴蝦子海參肉丸個樣好正．．． 好有出街叫餸 ｆｅｅｌ．．． 點解醃咸蛋會加茶葉．．？？
回覆刪除[版主回覆09/29/2010 17:45:00]多謝Ka Man 讚賞! 自己讚自己都係咁話 - 煲海參肉丸真係好好味!
我上網見人地話加茶葉去醃鹹蛋，醃出來個黃會靚好多架! 我未試過加茶葉，今次咪試吓囉!
妳老公日日返嚟食飯架?
回覆刪除[版主回覆09/29/2010 17:43:00]蟻兄你個問題問得咁得意既.......佢係我老公，緊係日日返來食飯啦!
好食既野駛乜唔好意思姐...
回覆刪除加埋茶葉去浸咪成為左茶葉鹹蛋囉?等佢出世睇下好唔好味,我又整下先
[版主回覆09/29/2010 17:42:00]之前有奇人話我自大嘛，咁我咪學習緊謙厚囉!
我上網見人話加茶葉去醃鹹蛋，醃出來黃既顏色會靚好多架! 咁我咪試吓囉~
嗰份ribs咁大塊，你都可以食到第二rounds，我真係覺得你好勁
回覆刪除[版主回覆09/29/2010 17:38:00]嘻嘻~~~ 份ribs 係幾巨架! 超過一呎長架! 啖啖肉而且燒得好香好好味~~~
Mrs.T, 我想問下而家英磅20磅嘅舊版係咪唔用得架啦??如果手上面有可唔可以去銀行換架??? 苦惱中.........^o^我有1000磅係舊版唔知點算好
回覆刪除[版主回覆10/03/2010 03:09:00]唔好意思Candy~ 之前唔記得妳喺邊篇blog 留言，搵咗好耐所以而家先回妳!
Mr.T 話舊版£20街店唔會收架嘞，唔可以就咁用來買野，不過英國銀行可以換~ 但佢就唔知香港銀行換唔換得!
到時話我知係唔係個黃真係靚 Ｄ。。。！！！
回覆刪除你整 Ｄ 餸真係引死人啦。。 如果住你附近我一定成日去搵你。。。哈哈哈哈。。。
[版主回覆09/29/2010 17:58:00]好呀~ 醃好我開來食時會講講成果係點既! 一個月左右啦~
哈哈~~~ 其實只要妳搵到我食譜裡面既材料，妳都一樣整到我煮既餸架!
炒白菜同蒸雞好正呀﹗ 肉丸+的鮑魚汁送飯超正~
回覆刪除[版主回覆09/30/2010 21:04:00]我老公果晚淨係食雞、肉丸 + 菜，海參我食哂!
妳果邊幾時先見到紅葉呀
回覆刪除[版主回覆09/30/2010 21:03:00]差唔多架嘞! 上面張相d樹都開始變緊紅 + 黃~