仲有樹脂黏土模型、模型屋仔、鋼琴......
仲仲有老公送咗比我九世，但一次都未用過既衣車 - 好想學車野，遲遲未坐言起行!
可惜每日只得24小時 - 我太多野想做嘞!
就算一日有48小時都未必夠......
最近打算重拾雕刻刀，本來打算刻多幾個先一次過出post，不過唸住來緊刻個大大地既製作 - 咁即係要耐d先完工啦!
依2個印仔已經坐咗好耐，咁就post 咗佢地先啦!!
依個Hannya 係繼"為食妹"之後更加複雜既印仔 -
尤其係佢棚死人牙最難刻!! 希望我既大大地作製會成功啦!
唔知幾時我先有時間整返樹脂黏土模型、砌返模型屋仔、練返鋼琴 + 開始學車袋仔........呢???
唔計樓下個垃圾留言 原來我係第一個呀! 我自己做手工淨係識車野.... 好想睇你整多印仔同埋樹脂呀!! 呢d真係好考耐性.... 我做野無咩耐性手工又唔多好,, 所以真係無你咁叻整到咁靚既印仔!!
回覆刪除[版主回覆09/18/2010 17:08:00]妳而家係第一個嘞!
原來妳識車野架! 咁我第日有問題可以請教妳咯~ 其實我玩咗印仔唔係好耐，而且衰懶，所以暫時作品仍然唔多! 至於黏土已經玩咗一段時間，但學妳話齋真係好考耐性要好多時間，所以我唔係成日都得閒整......不過我都好希望快d可以騰出時間再開工!
我都係想學衣車仔九世啦,都係隨口(up),不過今日睇報紙又挑起我條癮,為期個半月既短期課程都幾岩我,不過最大問題係交通唔方便,希望我依邊有公車搭啦
回覆刪除唔係呀,個y字幾靚呀 唔知妳既大大地製作係咩呢
[版主回覆09/18/2010 17:05:00]乜妳唔識車野既咩? 妳上次唔係話睇到部衣車流哂口水咩??
我無唸住去上堂呀，依度唔似香港咁乜都有得上堂學一餐~ 但之前喺金石堂買咗本"第一次學車縫"，我唸住睇書自學咋!
個y字弧線位刻得唔夠順呀! 起角既......不過今次係第一之刻字，希望下次會刻好d~
大大地製作係..........唔話妳知住!
嘻~ 到時你開始車野既時候大家交流下啦 我又未至於咁叻可以教人呀~~ 其實車野應該簡單過刻印仔.. 因為車野只要較o岩個衣車.. 肯放手車就ok~~ 工多藝熟嘛~~~~ 我見你post d 黏土咁靚 我都心思思都學呀.. 不過我驚自己三分鐘熱度... 期待你既新作品
回覆刪除[版主回覆09/18/2010 18:12:00]好呀! 越來越想快d開工~ 我見到妳整公仔衫好鬼靚，貼多d出來分享吓吖?
其實刻印仔無想像中咁難架! 最緊要有幾把雕刻刀 + 一枝筆刀! 當初我都係睇咗扑友整得好鬼靚，先心思思試吓，試過先知原來唔難，只係要有耐性 + 要專心~
黏土好好玩架，而且完成後超有滿足感! 同樣 - 無想像中咁難! 我都係自己買黏土書睇自學之嘛 - 可以自學得到既野，難極有限! 有興趣試吓吖~
我都好鐘意玩車衫同袋仔 織頸巾勾斗逢^^ 屋企都有部衣車，不過都係同你一樣 ... 想做既野太多 ... 哈哈，我早前仲諗住學畫畫添 .. 但都未睇過本書 哈哈 !!
回覆刪除[版主回覆09/18/2010 20:02:00]我都織過頸巾比老公~ 今年冬天打算織返條比自己! http://hk.myblog.yahoo.com/veronicams_tsim/article?mid=11364
咁起碼妳都用過部衣車吖! 我成3年前未識用就買咗，但到而家都未掂過! (查實係有次我隨口講吓話想學車野，跟住有一晚老公就買咗部衣車返來送比我! ) 希望我快d會的起心肝玩玩部衣車啦!
畫我已經無畫好耐咯! 屋企仲有幾塊未開既畫板......但有九萬幾樣野想做，畫畫已經比我排到最後!
你個 ＨＡＰＰＹ ＢＩＲＴＨＤＡＹ 刻得好靚吖。。 比心機刻多 Ｄ 再 ＰＯＳＴ 比我地睇。。。 我無你咁叻識整咁多嘢。。。 我只係識織下頸巾同冷衫仔 ＪＡ。。。！！！
回覆刪除[版主回覆09/18/2010 19:55:00]多謝Ka Man~ 不個個"Happy Birthday" 我麻麻地滿意咋! 我鍾意個Hannya 多d - 難度高d，滿足感都大好多!
過獎嘞~ 我唔係叻! 我係八卦樣樣都想試吓，正正係周身刀無把利.......
冷衫我唔識織，不過織過式樣簡單既頸巾比老公! http://hk.myblog.yahoo.com/veronicams_tsim/article?mid=11364
等我今個冬天又織返條比自己先~~~
你織既溫暖頸巾好靚呀 你老公仔一定好開心 ^^ 其實我都同你一樣有好多野想學 但我又唔捱得夜 ... 所以的時間比其他朋友仔少 ~~ 哈哈 V女你整月餅點呢 我今日又整多一次送比朋友仔 哈哈 你加油呀 !!! 等你既靚靚月餅 ^^
回覆刪除[版主回覆09/19/2010 19:29:00]多謝Katie! 老公好鍾意條頸巾，又舒服又夠暖，佢冬天日日都攬住架~
我尋晚終於願郁死去整月餅嘞! 因為今日要返6299度食飯，要焗好d餅攞返去比佢地~ 不過第一次整小試牛刀，整住8隻先! http://hk.myblog.yahoo.com/veronicams_tsim/article?mid=48968
我很喜欢你做的 黏土， 黏土的才料是在英国有的吗？？贵不贵？
回覆刪除是的，我是马来西亚人
[版主回覆09/19/2010 19:25:00]多謝月兒~ 整袖珍黏土食物用既係樹脂黏土~ 樹脂黏土可以做到好幼細既質感，而且透明度高，所以成品像真度高!
不過英國係無樹脂黏土賣架! 我係趁返香港時入貨 + 上網訂購既~ 樹脂黏土約50-60蚊一包，因為成品袖珍，一包夠整好多作品架嘞!
不過我以前訂開果間店已經執咗，我今晚上網睇吓搵唔搵到其他店比妳參考吖!
回覆刪除好靚呀，可以訂番個嗎…
[版主回覆09/19/2010 19:20:00]多謝sam wu 讚賞!
嘩。。。您刻得好靚呀！ 好似十項全能咩都識咁！我係一個藝術白痴。。對美術完全無天份～ 我又係9世無掂過琴！ 我諗我睇音都未必識。。。要好似GRADE 1 咁慢慢續粒續粒咁數上去啦
回覆刪除[版主回覆09/19/2010 19:18:00]多謝Jo! 其實刻印仔一d都唔難，最緊要係耐性既專心架咋! 我唔係十項全能咩都識，我係超級八卦樣樣想試吓周身刀無把利!
妳英國依邊都買咗鋼琴呀? 我一定要快d開始練返琴，如果唔係手指硬哂越來越生硬架嘞~
無買呀！ 其實我讀中六時已經停學琴！ 所以計番起已經有10 年～ 我D手指都硬晒！ 係呀！ 您屋企有琴就快D要練下佢！ 我好鍾意聽鋼琴聲音～ 好柔和好舒服！ 記得以前自己彈完就會好有成功感架～ 不過太耐無掂， 咩野都唔記得晒LU~
回覆刪除[版主回覆09/20/2010 02:02:00]OIC! 咁妳而家返香港時會唔會彈吓?
我來英後就停咗學鋼琴嘞，有好多年都無彈過琴~ 好多年前仲同老公拍緊拖時，老公情人節送咗部好basic 既Roland digital piano 比我，於是我開始彈返琴~ 前幾年賣咗部Roland，換咗部功能多好多既Yamaha!
等我搞掂屋企野，我一定會再彈返鋼琴!
Hanny....刻得好靚呀...好有神.... 不過叫佢做Hanny...好似同佢好friend 咁...
回覆刪除[版主回覆09/20/2010 01:51:00]多謝Maggie~
不過"Hannya"其實係依種日本妖魔既名稱來架，中文叫做"般若"! 唔係同佢friend 所以改個英文名比佢~
我都有好多嘢想學，但無時間...
回覆刪除[版主回覆09/20/2010 23:37:00]其實可能係我地太心野! 乜都想試乜都想學......
MR.T 學野真係好叻，張張刀，張張利~ 勁讚!!!!
回覆刪除[版主回覆09/20/2010 23:36:00]太過獎嘞Candy! 我正正就係周身刀無把利先啱~
AIYA, 打錯咗, 係靚靚嘅MRS.T 先 RIGHT ^.^
回覆刪除[版主回覆09/20/2010 23:35:00]哈哈~~~ 唔係喎! 妳之前講得啱d喎 - 老公叻過我好多!
讀書時期學行車野,不過好多年無車,而且自己都唔叨
回覆刪除[版主回覆09/20/2010 23:34:00]我都係讀書時上家政學過吓車野，不過我真係好水皮，連交功課條圍裙都係同學仔幫我車先交到功課咋.......
個happy birthday真係好靚呀, 你好叻呀~咩都識~
回覆刪除[版主回覆09/20/2010 23:33:00]Thank you~ 不過個Happy Birthday 其實仲有好多可以改進既地方!
您刻得好靚呀！You are so talented!
回覆刪除[版主回覆09/20/2010 23:31:00]多謝妹頭讚賞! 玩吓啫，唔就算係咩talent~
其實我從來都未擁有過一部綱琴架... 因為我媽話我學野3分鐘熱度 + 屋企無地方放, 唔肯買比我呀! 我個時學到6 級架啦... 但係我媽堅持唔肯買!
回覆刪除[版主回覆09/20/2010 23:30:00]OIC~ 不過其實屋企無鋼琴都有好處架! e.g. 因為屋企有鋼琴，所以每次有親戚客人來屋企作客，V媽媽就會叫我彈琴娛賓!
Hannya想像到真係好難刻，不過妳都刻得好靚 Happy Birthday印都刻得好靚呀，Y字唔靚咩？有咩唔妥？ 話時話，啱啱識妳已經聽妳話要整間黏土麵包店，我等妳開張等到頸長啦 快快快快快手開工啦
回覆刪除[版主回覆09/20/2010 23:24:00]Thanks 阿四! 個y字右手邊好明顯刻得唔足圓滑! (而家睇睇吓連個D內弧都刻得唔靚...... )
嘻嘻~~~~ 我都記得間麵包店真係好鬼耐! 依d咁既大工程，要慢工出細貨架嘛! (超慢工出超細貨!!! )
雖然我未試過刻章，不過我覺得字真係幾難刻，尤其好似妳話啲孤位，不過第一次刻都幾靚呀，下次一定會更靚
回覆刪除[版主回覆09/21/2010 20:17:00]我自己就反而覺得字無細緻既公仔咁難刻!
其實我依個happy birthday 係自己衰 - 心急想快d完成，明明眼都紅哂，老公叫我瞓我死都唔瞓，仲要繼續刻......
個 happy birthday 印刻得好靚呀 !!! 勁 !!! :D
回覆刪除[版主回覆09/21/2010 20:14:00]過獎嘞Elaine! 其實個Happy Birthday 仲應該可以更加好~
嘩... 整得好靚呀 , 我仲想在淘寶訂"印"仔, 當整手工皂時"吸"上去, 看來我是要搵你掟喎.... 你真厲害呀 ...
回覆刪除[版主回覆09/21/2010 20:13:00]過獎嘞! 我玩印仔時間尚短，技術仲未到家~
不過如果妳唔嫌棄，我好樂意刻個章比妳架! 就收妳零折啦! 妳想要咩款式?
個birthday印好得呀 ! 你有無學過架 ?
回覆刪除[版主回覆09/22/2010 04:18:00]Thanks 天蠍GG~ 其實我覺得只係麻麻地，有好多地方刻得唔夠好!
我無學過呀! 我玩咗印仔唔係好耐，只買咗2本書睇吓自學!
個時我車得好慢,攪到條校裙都要留堂車埋,仲要上課時,成日都比老生話:
回覆刪除你車完未呀? 無計喇,自己都無天份,不過上到打字課,就全班打得最快個幾個,而家咁耐,都退步左喇
[版主回覆09/23/2010 04:06:00]我果時唯一車既圍裙都係同學仔幫我搞掂，所以我而家有部衣車都完全唔識用......
咦~ 唸唸吓.......點解我以前喺香港讀書時無打字課既呢?
我都係呀﹗想整既野永遠都整唔晒﹗ 不過其實我係貪玩+懶~
回覆刪除[版主回覆09/27/2010 02:45:00]太多心但太少時間! 唯有輪住一樣到一樣.......
我個時讀職業先修，老師話我成績唔好，讀呢間學校會好過文化中學
回覆刪除其實我覺得讀書辛苦過返工，自己又無讀書天份，也是靠後天的努力，所以都幾辛苦架
[版主回覆09/27/2010 17:20:00]OIC! 唔怪之我中學時無打字課啦~ 不過打字課好似幾好玩!!
我讀完書就結婚無正式出來工作過~ 不過我間大學好多course 都規定最少要做2個月workplacement，所以我曾經喺香港一間好有規模既出口紡織品公司做過2個月咁大把寫字樓工作! 佢比咗一份預我要做8個星期既報告我，但我2個星期已經搞掂哂，剩返個6個星期我返工都係幫頭幫尾 + 買咗本書自學倉頡~ 對我來講係一個開心愉快既經驗啊!
不過我覺得返工輕鬆過讀書，因為雖然我唔怕多功課做，但我好怕考試!!!
記得你提過可能練返鋼琴 ?其實要學幾耐架,以前聽朋友講,個女學鋼琴,每堂半小時,係咪好難架?
回覆刪除[版主回覆09/28/2010 00:06:00]係呀~ 我喺香港學到6級就過咗來，所以停咗無繼續學，不過同老公拍拖時佢知道我學過鋼琴，所以送咗個琴比我，咁我開始彈返琴~ 只係好懶好耐無掂過個琴啫.....
學幾耐 + 難唔難真係因人而異之喎! 好似我咁 - 鋼琴老師話我有天份 + 有小聰明但我太懶...... 但我聽專家講過: 係有心學既話，30歲先開始學都一樣可以彈出成績來! (我都有朋友剛剛先開始學鋼琴架! )
每堂半粒鐘咁少????? 妳朋友個女係咪好細個? 我唸佢應該係去琴行學? 琴行學琴一般老師質素比較參差~ 我以前 + 我家表弟妹，鋼琴課一律係請老師返屋企上門教架!
佢係我同座大廈做野,佢個女好似係得幾歲,每堂只係半個鐘,但學費好貴
回覆刪除我一直都以為學琴要由細學起,聽人講大個左先來學會好難,因為D手指都好......
[版主回覆10/05/2010 19:42:00]緊唔係~ 學任何一樣野都唔會話"太遲"既!
只要"有心"!
我都想學呀,係咪可以印去布果度架
回覆刪除[版主回覆07/14/2011 03:12:00]買本書返來或睇吓人地個blog，再去十蚊店買幾塊刻章擦膠返來試吓就得架嘞，其實都無咩要學，最緊要試之嘛! 我都係咁自學架咋~
可以印上布，不過要買特別既印台! 普通水溶性果種只可印紙~