蝦子撈麵

簡簡單單，快手又好味! 食完齒頰留香~~

 1. 蝦子適量白鑊炒香備用。

(雖然Fian 送我依樽係熟蝦子(網誌)，但炒過既蝦子會香口好多架! )

 2. 蝦子麵煮熟瀝乾。

(我依包好明顯係瑤柱麵唔係蝦子麵，但其實我覺得食落完全無分別! )

 3. 豬油少許在鍋中煮溶，加入麵條撈勻後上碟。(可用健康既橄欖油代替! )

無錯~ 大家見到既係豬油一大舊! 小妹間中會用豬油搓包，所以雪櫃長備豬油!

我一向食野都係以味道行先 - 用豬油撈麵的確係香好多~ 反正唔係日日用豬油撈飯，間中一次半次無傷大雅啦!

4. 麵上淋上少許滴珠油。(可用蠔油或醬油膏代替)

P.S. 滴珠油係一種甜豉油，質地比老抽更杰且味道帶甜，用來整撈麵或做海南雞飯啱哂嘞!

5. 灑上(1)已炒香的蝦子，再灑上油蔥酥和蔥花，食時將所有材料撈勻即成。