菜乾紅蘿蔔煲羅漢果; 節瓜冬菇炆排骨 & 蝦醬吊筒
今餐個炆排骨裡面有節瓜，已經有肉又勉強叫做有菜......就煮少一個餸啦，順便可以實習一下"T家少餸制"可唔可行!!?!
不過我發現係唔得既! 因為排骨炆出來仍然係一大煲!!!!!!
其實果盒排骨我前日已經用咗部份來煲菜乾湯，剩底既先尋日用來炆節瓜.......大家可想而知盒排骨幾大盒!
大家可想而知喺英國做人少既家庭煮婦係幾咁有難度!!
上一餐已經講過我雪櫃裡面放太多野，唔小心郁咗裡面個溫度制，雪鬼壞咗我包靚芥蘭!
(網誌)
我煮飯時先發現條節瓜雪到咁既衰樣，但有好鬼多排骨喎.........唯有臨時浸幾粒冬菇頂上! 好彩依隻叫"珍珠菇"既冬菇仔好細粒好快浸軟~~~~
早幾餐老公喺唔知情既情況底下，大讚蝦醬通菜好味道!
(網誌)打鐵趁熱我要再下一城!!!
(其實.......一我自己想食蝦醬; 二盒蝦醬就快到期!
)
都係果招啦 - 事前唔出聲! 嘻嘻~~~~
結果成碟吊筒佢仲食得多過我，連一向佢唔多吼既魷魚頭都食鬼埋!!
既然上次老公知道蝦醬通菜後既真相後都話好味，點解我今餐仍然唔可以開飯前同佢坦白魷魚係用蝦醬炒既呢?
因為......
老公lunch 時打電話比我......
老公: HonHon~ 妳食咗野未呀? 
我: 啱啱食完嘞! 老公: 妳食咗乜野呀? 我: 食咗炒飯囉! 老公: Wow~ 炒飯! 正~~~~~~~ 我都想食!! (Mr.T 好鍾意食炒飯架!) 我: 係用蝦醬炒既炒飯!! 嘻嘻~~~
老公: Yuck!!!!! 
我: 好好味果喎! 我下次炒比你試吓吖?
老公: Nah~~~~ 唔洗嘞.......咁你地話我點可以開飯前向佢坦白呢??
菜乾紅蘿蔔煲羅漢果食譜click here~ 蝦醬/蝦膏炒飯食譜click here~ 節瓜冬菇炆排骨食譜click here~ 蝦醬吊筒 (參考食譜)click here~
係唔係即係善良嘅謊言。。？？
回覆刪除[版主回覆09/09/2010 17:52:00]唔係吖~ 我都無講大話! 我唔出聲之嘛~
佢應該係接受到陣味而接受唔到個名啦,咁真係逼住要妳瞞住佢喎
回覆刪除[版主回覆09/09/2010 17:51:00]咁咪話我老公衰囉! 明明覺得好食，但因為佢叫做"蝦醬"就鄙視佢，名稱歧視!!!!!!
佢係唔係以前比"蝦醬"嚇親搞到而家聽到個名都驚。。？？？
回覆刪除[版主回覆09/10/2010 17:31:00]其實係咁既.......
試過有次老公喺雪櫃搵到舊我已經開咗既馬拉盞(似蝦膏果隻馬拉盞!)，我已經包咗2層三文治袋架嘞~ 不過佢個傻人習慣唔知咩來，就會打開來聞吓.......
佢一聞就慘叫: HonHon~ 依舊咩來架? 好臭呀!!!! 係咪變壞咗呀?? 快d揼咗佢!!!!
我唸係因為依件事啩!
點解Mr. T 一聽到蝦醬個名就唔想食, 但係唔知既話又咁鍾意食gei
回覆刪除[版主回覆09/10/2010 17:28:00]唯一既解釋 - Mr.T 係傻既!
我早排煲左個湯 hahha~ 個傻人唔食涼瓜 仲要係勁抗拒 但係個日我煲個湯 只係同佢講 咸菜 黃豆 排骨 ........跟住比佢飲 我問佢 好唔好飲呀.... 佢話唔錯丫 幾香呀 好飲丫 (奸笑) 跟住佢飲左第一碗 我問佢 仲要唔要呀? 佢話好呀~ 跟住我話 你自己入去"裝"多碗啦.........15秒後......(有苦瓜既 )
回覆刪除笨笨.....
[版主回覆09/10/2010 17:27:00]唉~ 我老公又係勁憎苦瓜! 但我又好鍾意食喎......
不過我唔可以好似妳咁"裝"我老公，因為係我老公負責攞餸，裝湯裝飯! 佢裝湯時一定會見到係苦瓜........
你個邊啲節瓜咁長嘅?香港嗰啲肥肥短短的~~~
回覆刪除[版主回覆09/10/2010 17:25:00]我都有咁既同感 - 好長! 但唔知點解..... 仲有d毛拮死人!! 好鬼痛架!!!!
蝦醬炒飯 我都未試過添 好野味呀 好想試下呀 !!!
回覆刪除[版主回覆09/10/2010 17:24:00]咦~ 妳未試過蝦醬炒飯架? 好正架! V婆婆 + V媽媽都係蝦醬炒飯高手!! 妳都試吓啦~~~~
蝦醬好野味...我都根鍾意食架...正!!!!!
回覆刪除[版主回覆09/10/2010 17:23:00]蝦醬緊係好野! 我老公依d假鬼佬都唔識貨!!
名稱歧視
回覆刪除[版主回覆09/10/2010 17:23:00]佢根本只係唔鍾意蝦膏個名 + 聞落去陣味! 但事實佢係覺得好味既!
下次不要透露事實之全部了.......
回覆刪除[版主回覆09/10/2010 17:21:00]我直頭乜都唔透露! 食完飯先透~~~~
蝦醬....我都唔鐘意食>"< 梗係覺得怪怪地既~~~
回覆刪除[版主回覆09/10/2010 21:41:00]咁每種食物都會有人鍾意 + 唔鍾意既~
不過我老公未試過就話唔鍾意.......唔會邏輯囉!!!
I love prawn paste chicken. It is so delicious.
回覆刪除[版主回覆09/11/2010 00:27:00]never try shrimp paste chicken, but it sounds a good idea!
我同Mr.T 一樣鍾意食炒飯
回覆刪除[版主回覆09/12/2010 16:43:00]我都鍾意架! 尤其我依種飯桶~
我以前讀書一個人住煮食仲慘呀~ 有時買食糧真係唔低到唔食算喇~
回覆刪除[版主回覆09/12/2010 16:42:00]咁我就好少少 - 因為我初頭搬出來係同2位男性朋友一齊分租，佢地都係中國人，所以大家一齊夾錢買餸買米，輪住來煮飯~
後來再搬時都同咗老公拍拖，佢成日都來我度食飯~ 都係間中先煮一個人既啫!
妳老公真係好攪笑，佢純綷係心理問題，一聽到蝦醬就話yuck，唔知就食到咁鬼滋味
回覆刪除[版主回覆09/17/2010 16:49:00]比佢激死就真! 啱啱尋晚我先同佢講: 唔得! 我一定要搵次炒蝦膏飯比你食!!!
佢答我: 不如妳炒蝦膏飯比自己食，另外炒個"正常"炒飯比我，我試少少妳果d睇吓我鍾唔鍾意先?
妳話佢幾鬼麻煩呢!!!!!