菜乾紅蘿蔔煲羅漢果; 梅子磨豉醬炆鴨; 豆醬蒸魚 & 白灼芥蘭
(話咗每餐減份量，但暫時仲未做得到.......
)尋日買餸時偏偏買漏咗煲湯既紅蘿蔔! 唯有再出返去買......懶唔想行返去Asda (其實Asda 都好近! 嘻~
)，所以去咗再近少少既小型蔬果店~
通常我貪方便唔想去2間店，會一次過喺Asda 買哂菜 + 肉~ 但其實依種小型蔬果店既蔬菜，比連鎖超市既平且新鮮!!
好似今次我第一次買依種沾滿泥既紅蘿蔔，批皮時發現 - 依d紅蘿蔔比起超市一早洗到乾乾淨淨既紅蘿蔔香好多好多~~~~~
批第一下皮時已經發現到! 一路批皮，紅蘿蔔香一路攻入鼻哥窿!!錯有錯著 - 如果唔係我大頭蝦忘記買紅蘿蔔，我都唔知原來紅蘿蔔都可以咁唔同，有咁大分別呢!
喺Tesco 買咗隻做緊特價連內臟既嫩鴨~ 皮薄少脂肪，肉又嫩滑 - 炆出來似雞肉咁嫩喎! 唔錯~ 唔錯~~
用酸酸地既梅子 + 香口惹味既磨豉醬來炆，真係超級開胃好送飯!!
本來想買鱈魚來蒸......
機不可失! Halibut 平時都幾貴架嘛~
不過今餐飯最大敗筆就係碟芥蘭!
所以我又買咗包芥蘭想整啦......點知我個雪櫃放太多野，唔小心郁咗個溫度制搞到雪櫃太凍!
尋晚攞包芥蘭出來時，菜葉部份雪到變咗深綠色!!!! 
見到包靚芥蘭變到咁既款，都無心機磨薑嘞......白灼算數!
唔關餐飯事既題外話......
我屋企附近果間成日錯價錢牌既Asda (網誌)，終於有改善嘞!!
(有少少感動......
)
咁鬼平!
買枝水都唔止40p 啦~ 咁我就買咗2枝試吓啦! (另一枝係檸檬味~)點知到咗self checkout 一咇 - 24p each
平咗喎!!!!! 同樣係錯價錢牌! 不過計平咗對顧客來講當然無問題啦!! 哈哈~~~~~
菜乾紅蘿蔔煲羅漢果食譜click here~ 梅子磨豉醬炆鴨食譜click here~ 豆醬蒸魚食譜click here~
所以我買菜都係去街市檔擹買,d菜又平又新鮮好多架
回覆刪除哈哈...又係碎翁之意不在酒,個巾盒好靚喎,好有化妝盒feel
[版主回覆09/08/2010 18:53:00]我之前懶，唔想行多個地方，一次過乜都買哂一了百了......不過以後都會去蔬果店買洋人菜! (中國菜一定要喺中式超市買!)
個巾巾盒依個款最靚~ 不過覺得之前睇電視廣告靚d......
你都好呀 , 仲出到blog , 我今日出一篇可以一個字都冇哂 , 仲要草稿都冇出番來呀 , 激死我呀 ....
回覆刪除我成日見到你哋炆鴨好正呀 , 但我又食唔到咁多肉喎 , 真羨慕你呀 ...
[版主回覆09/08/2010 23:14:00]佢地頭先回我話整好咯喎! 尋日果篇發幾次先發表到，真係搞到發癲咁滯!!!
香港可唔可以買半隻鴨架? 少少地炆半隻過吓口癮咪得囉!
我想問d 鴨係放係邊到架? 係放係冷櫃 or 雪櫃呀? 上次見您整完之後, 我又心思思想整, 但去過幾次tesco 都搵唔到呀! 其實煮少d 真係好難... 您可唔可以食飯前先夾左d for 第二日lunch, 咁Mr. T 咪唔會見幾多食幾多 lol? 我都係見到鍾意食既野, 飽到上心口都會食埋佢架
回覆刪除[版主回覆09/08/2010 23:11:00]依隻係鮮鴨來，放喺雞果度囉，不過Tesco 唔係成日都有鴨賣架! 間中先有架咋~
其實都可以先留起少少餸for 第二日既，不過唔知點解我由細到大都唔係好鍾意依個做法..... (無特別原因，只係唔鍾意咁做!)
哈哈~~~ 佢就係好似妳咁嘞 - 只要鍾意食，就算飽到上心口都照食!
巾巾都有盒....其實有都幾方便, 又整齊 ! 你知喇, 送就話o者,唔會買個專登放架嘛 !
回覆刪除[版主回覆09/08/2010 23:04:00]我平時只係就咁放喺手袋暗格架咋，有時會整摷哂....... 有個盒幾好~
個巾巾盒好靚喎。。。。
回覆刪除[版主回覆09/08/2010 23:01:00]佢地送好多個款，不過我最鍾意依個款!
豆豉+魚好好味呀 我媽咪都成日整 我最鐘意將的汁撈飯 ^^ 個巾巾包好靚呀 !!
回覆刪除[版主回覆09/08/2010 23:01:00]豆醬來架! 同豆豉唔同架~
我幾鍾意個巾巾盒，最啱放喺手袋帶出街!
真係睇都 lam lam 脷.... .....Mr.T 好幸福呀....
回覆刪除[版主回覆09/08/2010 22:59:00]嘻嘻~~~~ 妳都可以好幸福架 - 妳都可以整依d餸架嘛!
自從跟返媽咪之後好耐都未飲過菜乾湯喇
回覆刪除[版主回覆09/08/2010 23:22:00]菜乾湯篇涼，月事時不宜飲用~
SORRY 打錯字, 係我 "以為"係成個box咁款
回覆刪除oh!我而家先知個盒仔唔係勁厚架...
回覆刪除我以前係成個box咁款....
我平時用個扁扁既袋仔, 一次都可以放4-5包 !
[版主回覆09/08/2010 23:21:00]哦~ 唔係架! 依個雖然係鐵盒，但好薄架咋，只放到2包，3包好忟水~
在超市和街市雞檔冰鮮鴨都一隻呀 , 而雞檔就有半隻鵝 , 但d鵝鬼死咁大隻囉...
回覆刪除紅蘿蔔我都買有泥這種呀 , 香好多甜好多, 咁啖湯出來是不同的...
[版主回覆09/09/2010 17:26:00]咁買細隻d嫩鴨仔囉! 我今次果隻都係嫩鴨仔，我 + 老公2個人一餐搞掂哂咯~
我第一次買有泥既紅蘿蔔咋! 估唔到有咁大分別.......
做女仔真係好麻煩 ..
回覆刪除[版主回覆09/09/2010 17:24:00]但女仔受人呵護多人鍚喎~
其實講開蔬菜﹐ 我睇日本的飲食節目都覺得日本的蔬菜好樣的~ 但係點解我又唔知~ 我呢度街市果的都係好貨﹐ 不過總之個樣就冇咁玩具化啦~
回覆刪除[版主回覆09/09/2010 17:20:00]係囉~ 我都有同樣疑問! 我成日睇NHK World 就係見到佢地乜鬼菜都靚，個型又好鬼cute，總之靚到唔係好捨得食落肚果隻.......
Hi,
回覆刪除This is my first time to visit your blog!
I like your blog very much because it is so warm and so sweet!!!
Joey
[版主回覆09/09/2010 17:18:00]Hello and welcome Joey!
im so glad that you like my blog~ thank you very much! pls come visit again!!
個巾巾盒好靚
回覆刪除[版主回覆09/09/2010 17:16:00]最靚係依個款!
有泥既紅x蔔係會香d同甜d架！我媽教話多泥先係靚野。
回覆刪除[版主回覆09/10/2010 21:57:00]係囉~ 我今次第一次買有泥既紅蘿蔔先發現到依點!
巾巾袋又幾靚喎!
回覆刪除[版主回覆09/12/2010 16:50:00]果個係巾巾盒來架! 買bodyform 隨包附送~
咁算唔算寶物尋歸底？
回覆刪除[版主回覆09/17/2010 16:47:00]都算架~ 不過唔係底，係後面!