臨急臨忙既Halloween DIY (10月31日)

老公臨收工時收到老友伴郎Jeff 電話 - 搵老公出去飲酒~ 我地就來返香港，老公將會錯過Jeff 細佬CJ 既生日，所以決定出去! 咁即慶...老公一d準備都冇! 去到超市，幾乎所有Halloween costumes 都收鬼哂，改放聖誕節用品，所以臨時臨急求其買咗d道具DIY......

當年萬聖節前夕...再前夕 (2001年10月30日)

屋企換季大掃除，執衫執鞋執到人都癲!!!!  原來買吓買吓不知不覺中......我擁有既身外物數量係咁驚人喎~~~~~  好似永遠都執唔完咁......

執吓執吓摷返好多收埋咗既舊野出來，感覺好得意! 因為e.g. 有某d物品，我買or 我得到時既情境、心情......仍然歷歷在目! 同時又覺得時間真係過得好快~~~ 快到妳唔信!!!

掛住睇舊野...越執越慢......!!!

親愛既Passport 返咗來嘞~~~ (10月30日)

我對入境處既咀咒終於生效嘞!!!!!

今早先收到V阿姨既email 問我幾時返香港，剛剛回咗佢話仲未知......冇耐郵差就敲門......

感動~

老公對我既好，令我唸返起幾件往事......

(1) 舊年結婚一週年前冇耐，我誤會咗老公有第二個女人...

但我當時並冇將自己心裡面既疑問講出來，老公完全唔知道我心裡面有事!

事件蘊釀咗一段時間後，有一日我為咗依件事好唔開心，突然唔知點去面對老公! 所以我選擇逃避 - 我整日冇聽老公電話~ 不過手機 + 屋企電話不停咁響! 手機都可以較冇聲，但屋企個電話......於是我走咗出街，漫無目的咁周圍行~~~~

到我冷靜後想返屋企，喺屋企樓下見到老公架車 - 老公早咗成個鐘頭返來! (佢話係特登早走返來搵我...) 我喺屋企停車場唔敢返上去...手裡面既手機又不停咁震......終於我接咗老公電話!

老公知道我喺樓下，就9秒9跑落來搵我，一見到我就攬住我 + 喊得好悽涼，問我發生咗乜事......(老公絕對唔係易喊既人來! 一向好硬淨~~~ 依件事之前，我只見老公喊過一次 - 拍拖時我地鬧分手~)

我將自己心裡面既疑問講哂出來，老公同我一一解釋...老公同我講: HonHon~ 我並唔係隨便將介指帶係女人手上既果種人!!! 我選擇咗妳做我老婆，係因為我想同妳spend the rest of my life~ 所以我希望妳可以信我! 我想妳應承我 - 如果妳下次又懷疑我做衰野，妳要同我講，唔可以就咁走咗去就算!

夫復何求~ (10月27日)

啱啱喊完......不過係開心感動既眼淚~~~~~~

今次金融風暴，V媽媽損失都幾慘重~ 而某大銀行某位職員，對V媽媽講咗一番不付責任既說話...上星期五仲竟然大庭廣眾，用離哂大譜既無禮態度同V媽媽講野! 厚道既V媽媽念住而家咁既時世，唔想依個時候打爛人家飯碗......所以並無即時投訴對方~~~

V媽媽身為依間銀行既VIP，竟然都會比職員用咁既態度對待~ 佢條氣點會順吖? (我聽到果位職員既言行都O哂咀!!!) 一肚氣既V媽媽心理付擔百上加斤 + 無從發洩...唯有打比我呻!

阿姨、姨丈 + 老公 - 全部都喺銀行在職，每個人既專業意見，都係勸V媽媽一定要投訴依位無禮職員! V媽媽都好聽話 + 行動好快手~~~ 投訴已受理 + 成功換人跟進V媽媽既其他投資......

雖然V媽媽睇錢銀睇得好開，但畢竟V媽媽心情唔算靚~~~~~

落雹喎! (10月24日)

尋日由朝到晚橫風橫雨...但今朝一起身天氣尚算唔錯~ 雖然好凍，但都算係陽光普照!

晏晝點零鐘，天色開始陰又刮大風...都預咗佢會落雨~~ 同V媽媽傾傾吓，突然聽到有野打落窗玻璃! 拉開窗簾一望 - 哇! 落好鬼大冰雹呀~~~~~~ 唔怪之咁鬼嘈! 冰雹打落窗玻璃既聲音，連V媽媽隔住個電話都聽到!!!

超搞笑既星球大戰theme music - The Imperial March by Kuricorder Quartet

早幾日同老公一齊睇緊YouTube，無意中睇到有一個video，背景音樂用咗一首編曲超搞笑既"The Imperial March" - Star Wars 星球大戰既主題音樂~~~~

二人世界的三餸一湯 - 10月22日 (附食譜)

粉葛紅蘿蔔赤小豆扁豆湯; 鹵水拼盤; XO醬翠玉瓜炒貴妃貝 & 椒絲腐乳菠菜

以前都整過鹵水雞翼之類，不過全部都係用李錦記; 今次特登買咗包鹵水汁試吓自己煲鹵水汁!

鹵水拼盤

XO醬翠玉瓜炒貴妃貝

二人世界的三餸一湯 - 10月20日 (附食譜)

枸杞豬潤肉片湯; 黑椒豬扒; 清蒸鱸魚 & 蒜茸菠菜

有見上星期五老公對條黑立既反應良好...星期日去Morrisons 買野，又見到鱸魚好靚~ 於是決定再下一城! 老公反應都好好~ 話好好食! 不過當我問佢: 上次條黑立好味d，定依條鱸魚好味d呀? 佢竟然話: 唔記得果條係咩味! 

枸杞豬潤肉片湯(滾湯)

Perfect Day Part 3 - The Enchanted Forest 2008 (10月18日) 有video~~~

星期六(10月18日)食完早餐 + shopping 完一輪之後，我地就返咗屋企稍作休息~ 不過我地既仲未躝夠街，戲肉在後頭~~~~

Perfect Day Part 2 - 心頭好 Le Creuset (10月18日)

一路都好好奇 - 點解咁多人咁"恨"買Le Creuset 既廚具??  我覺得Le Creuset 既產品又貴又好鬼死重! 一個煲攞到手都斷咁滯......而且又唔係話特別靚仔~ 再講我認為一定有其他廚具可以代替Le Creuset......所以一直以來對依個牌子興趣不大!

Perfect Day Part 1 - Sweet Sweet 既Ikea 早餐 (10月18日)

以前仲返緊學時，一到星期五晚，就有咁夜得咁夜先瞓~ 或者天光先瞓! 一時去睇午夜場; 一時同朋友去食宵夜; 或者喺屋企打機玩電腦or 唔知做乜鬼......總之有夜一夜都唔願瞓! 第二日星期六就瞓到下晝點幾兩點...再夜一夜先瞓...星期日又瞓到晏晝......成個weekend 就咁冇咗......

近依大半年，我 + 老公決定一改以往既壞習慣! 星期五晚唔去睇戲，改租DVD; 只會夜少少瞓，唔會太夜瞓~ 星期六盡量早起出去食早餐~~~~

尋日(10月18日)我地一早起身，渣車去Ikea 食佢地又平又大份又正既早餐!

 咁大份早餐都只係£2.00 左右! 仲包埋麵包1個~~~

二人世界的三餸一湯 - 10月17日 (附食譜)

蘋果雪耳煲海底椰; 柱侯茄子肉片; 清蒸黑立魚 & 火腿炒Spring Greens

早兩個星期見到泗和行有切片既乾海底椰賣，之前我完全未食過 + 唔知海底椰係乜東東~ 返到屋企上網睇睇，原來係用來煲湯既~ 而且網上既人都話海底椰湯好滋潤! 於是我又買包試試......

柱侯茄子肉片

依個好似係方太烹飪書既食譜~ 不過經我改良過...as usual!

蘋果雪耳煲海底椰

Sainsbury's 既驚喜 - 野菇雞肝醬 (10月16日)

除咗每星期例行公事去中國超市一次外，英國各大超市亦係我T 師奶經常出沒既蒲點!  眾多英國超市當中，我最少幫襯既就係Sainsbury's~ 因為......

- 屋企附近步行幾分鐘，有1間24小時Asda, 1間24小時Tesco Extra + 1間Lidl;

- 由屋企渣幾分鐘車，又有最少3間Morrisons + 1間Aldi;

- Sainsbury's d野比其他同級超市貴; 不過貴得來品質又及唔上Marks & Spencer;

- Sainsbury's 用Jamie Oliver 做代言人! 不過我唔鍾意Jamie......

早幾日睇網友Samwei 講，Sainsbury's 大大隻新鮮帶子做特價，於是我又心思思想去及吓......老公話我知，我先知道原來由屋企渣10分鐘車左右，都有一間Sainsbury's! 於是尋晚(10月16日)就去咗嘞~~~~~~

不過依間Sainsbury's 比較細間~ fish monger 都好細...一隻帶子都冇! 不過一場去到，我係唔會空手而回既!!!!!

 通常我只會出街食飯先order 雞肝醬，一般超市賣既雞肝醬我係唔吼既! 不過依舊野吸引到我，係因為佢一撻撻......望真d先知係野磨菇~~~

二人世界的三餸一湯 - 10月15日(附食譜)

沙參玉竹粟米煲豬心; 南乳炆牛腩; 泰式辣椒蝦 & 蒜茸炒黃芽白

幾日冇煮過飯，老公一入門口就話好肚餓!

泰國 - 泰式辣椒椰汁蝦

依個係其中一個我最鍾意既TV Chef - Rick Stein 既食譜~

南乳炆牛腩

依個係我99既食譜~ 唔用柱侯醬，另有一番滋味~~~

得個樣但尚未成功既雜果忌廉蛋糕

上星期五(10月9日)我突破咗自己 - 焗咗個雜果忌廉蛋糕慶祝結婚2週年~ 不過依個蛋糕並唔成功! 因為......

燒鴨胸配紅酒覆盆子汁 (Roast Duck Breast with Red Wine & Raspberry Sauce)

Gamba Seafood Restaurant - 2nd Wedding Anniversary (10月11日)

評審高級餐廳最有權威既，當然係源自法國既"米芝蓮星級" (Michelin Star); 不過英國亦有自己一套，類似米芝蓮星級既評審餐廳制度 - AA Rosette Award~
AA Rosette Award 同Michelin Star 一樣，同樣係用星級制度。而唔同既係 - Michelin Star 最高係3星; 而AA Rosette Award 最高有5星~~

10月11日晚既結婚2週年，我地去咗喺Glasgow 相當出名食海鮮 + 有2星級AA Rosette Award 既Gamba 慶祝! 其實N年前我地已經去過Gamba 幾次，不過後來我地忙於試新餐廳，所以已經好幾年冇去過!

孖T布婚週年之"孖T婚禮"(2006年10月11日)

開speaker.......大家就會聽到好優美既Johann Pachelbel "Canon In D Major" 弦樂 - 即係孖T既婚禮進行曲!

"Canon In D Major" 係其中一首我最愛既classical~  我同老公都覺得"燉登凳凳"既傳統結婚進行曲好鬼悶 + 老套~ 所以我地決定用"Canon In D Major"做我地既婚禮進行曲!

由伴娘帶頭進場，到V爸爸帶住我行入禮堂...宣讀誓詞...交換介指...簽名...禮成......整個過程都係播住"Canon In D Major"......

(順帶一提...婚禮正式開始前，場地播我地既孖T歌 - "This I Promise You"~ )

話咁快就2年嘞! 時間真係過得快到好恐怖......2年前既今日，係我正式成為成日都好鬼happy 既Mrs.T既大日子~  孖T婚禮進行既地點係香港數碼港既芝柏玫瑰禮堂(Cyber Port GP Rose Chapel)，地方好好好好靚~~~~~~~~~ 而家香港可以喺自己鍾意地點註冊真係好! 註冊處邊有咁鬼靚呀?????

>>>>>>>>>>>>>>>>>>>>>>>>>>>>>>>>>>>>>>>>

奔波既婚紗:

我既婚紗 + 3件晚裝都係婚前返香港度身造既.......

二人世界之預早慶祝布婚週年Dinner - 10月10日

燒鴨胸配紅酒覆盆子汁 (Roast Duck Breast with Red Wine & Raspberry Sauce)

依個燒鴨胸我已經N年冇整過...今日(10月10日) 特別為咗"孖T結婚2週年前夕"依個特別日子，再來煮佢一煮!

Nando's 既燒雞肝 (10月9日)

尋晚(10月9日)本來應該煮飯既，不過晏晝無意中睇到一位英國blog 友一篇講Nando's 既blog，發現而家Nando's 竟然有我最愛既燒雞肝食!!!! (最上面依碟就係嘞~~~ )

好慘呀!!!!! (10月8日)

依對珍珠鑽石耳環係結婚前，老公送比我用來襯婚紗既禮物，婚禮之後我都好少帶，因為有少少隆重~ 平時冇乜衫襯到......

二人世界的四餸一湯 - 10月8日 (附食譜)

西湖牛肉羹; 紅燒百頁結烤肉; 豉椒炒蜆; 烚鹹蛋 & 蒜茸炒菜芯

本來尋晚想煲蘋果海底椰湯，不過唸住煲湯時先醒起 - 之前果日唔記得買蘋果!  唯有臨時改咗滾個西湖牛肉羹~ 食飯時硬係覺得個牛肉羹唔同味...先醒起原來我冇落莞茜!!!  唉~ 年紀大冇記性嘞........

紅燒百頁結烤肉

一般百頁結烤肉會用五花腩，但我今次用梅頭肉~ 因為唔想咁肥膩!

豉椒炒蜆

老土怪品牌 - Anya Hindmarch

一向對Anya Hindmarch 既產品都冇乜好感!

佢既手袋冇特色唔classy，用料亦非常一般! 同價錢唔成正比...換句話說 - 咁既價錢唔值! 不過Anya Hindmarch 最老土既地方，就係佢一貫既宣傳手法!!!!


雖然我唔太鍾意AH 既產品...但犯賤既我都用過依個品牌!

不過就咪洗旨意要我付出幾百英鎊去買佢既產品~ 雖然用過，但其實......

(1) 金色Loose Pocket:

 依個喺AH website + Harvey Nicoles 賣緊£78......

二人世界燒羊肉 - 10月7日 (附食譜)

紅酒燴羊肩配薄荷汁 (Pot-Roasted Shoulder of Lamb with Fresh Mint Sauce)

依排天氣轉凍咗好多! 

紅酒燴羊肩配薄荷汁 (Pot Roasted Shoulder of Lamb with Fresh Mint Sauce)

Weekend 買買買之"交換禮物"

星期日唔洗返6299度食飯，成個weekend 躝街躝足2日! 真係爽~~~~ 

連續2日都早起身，老公落街買早餐返來，食完就去行街~ 星期六(10月4日)天氣麻麻，所以只喺Glasgow 行吓 + 做吓grocery shopping; 尋日星期日(10月5日)天氣超好，我地就去咗愛丁堡!

去親愛丁堡，都會去我最最鍾意既舖頭 - LV 打個白鴿轉! 因為Glasgow 冇LV Shop...