開speaker.......大家就會聽到好優美既Johann Pachelbel "Canon In D Major" 弦樂 - 即係孖T既婚禮進行曲!
我既婚紗 + 3件晚裝都係婚前返香港度身造既.......
不過老公話: 妳係咪真係鍾意依個款? 我送比妳啦! 不過妳唸清楚係咪要依個款...因為訂造冇得改款架!!!
Auntie Angel: 阿妹~ 妳係咪減肥結婚呀? 妳好瘦啊!!! (老公聽到陰陰咀笑~
)
我: ....冇呀~ 我由細到大都係咁架......
Auntie Angel: 不過妳咁既身形變化應該唔會好大...婚紗造好後唔試身都應該冇問題!
) 不過佢套衫仲有好多機會著就真既~~ 總算抵返!
V媽媽送既鑽石頸鍊~
鑽石手鈪連介指1套~ 都係V媽媽送既! 依套野係V媽媽珍藏，我好細個時已經識佢......
老公送既珍珠鑽石耳環;
當然仲有老公送既訂婚介指 + 結婚介指啦......
香檳色玫瑰 + 象牙色馬蹄蘭~ 玫瑰花芯仲鑲咗水晶架!
我既水晶裙褂頭飾~ 係一位Auntie 送既! 
英國擺酒時送中式結婚公仔 + 心型朱古力1粒;
而香港就送西式既結婚公仔! (不過唔記得咗有冇朱古力.....
)
個pat pat 印住我地既名 + 婚禮日期架~~~
夜晚擺酒既地點係旺角好彩海鮮酒家~ 我地安排咗個bagpiper (風笛手)，吹住蘇格蘭風笛 - "Amazing Grace" 帶我地進場! V媽媽仲買咗幾箱彩帶炮派比賓客，我地一路行進場.....成頭成身都係金粉彩帶......
擺酒前果晚，V媽媽都喺好彩擺咗圍 - 只限女家女眷出席! 男人冇份食既~ 我反而有keep 菜單...
擺酒後仲有剩既啤酒...佢地班友緊係飲得唔好嘥啦! 
"Canon In D Major" 係其中一首我最愛既classical~ 我同老公都覺得"燉登凳凳"既傳統結婚進行曲好鬼悶 + 老套~ 所以我地決定用"Canon In D Major"做我地既婚禮進行曲!
我同老公都覺得"燉登凳凳"既傳統結婚進行曲好鬼悶 + 老套~ 所以我地決定用"Canon In D Major"做我地既婚禮進行曲!
由伴娘帶頭進場，到V爸爸帶住我行入禮堂...宣讀誓詞...交換介指...簽名...禮成......整個過程都係播住"Canon In D Major"......
(順帶一提...婚禮正式開始前，場地播我地既孖T歌 - "This I Promise You"~ )
)
話咁快就2年嘞! 時間真係過得快到好恐怖......2年前既今日，係我正式成為成日都好鬼happy 既Mrs.T既大日子~ 
孖T婚禮進行既地點係香港數碼港既芝柏玫瑰禮堂(Cyber Port GP Rose Chapel)，地方好好好好靚~~~~~~~~~ 而家香港可以喺自己鍾意地點註冊真係好! 註冊處邊有咁鬼靚呀?????
孖T婚禮進行既地點係香港數碼港既芝柏玫瑰禮堂(Cyber Port GP Rose Chapel)，地方好好好好靚~~~~~~~~~ 而家香港可以喺自己鍾意地點註冊真係好! 註冊處邊有咁鬼靚呀?????
>>>>>>>>>>>>>>>>>>>>>>>>>>>>>>>>>>>>>>>>
奔波既婚紗:
(1) 我既婚紗係網上搵既款式，打印出來 + 經修改後，交比V爸爸好朋友auntie Angel 開既婚紗店照圖樣造~ 我鍾意比較簡約、classy + long lasting 既款式~ 我希望10年後睇返結婚相時，唔會爆笑噴飯果隻......所以我件婚紗一粒水晶珠片都冇!
我選咗象牙色~ 原本既頭紗只長及腰。度身後我返咗英國，無意中睇到婚紗雜誌，見到拖地款既頭紗好靚~ 好鍾意! 雖然auntie Angel 係V爸爸好朋友，但我唔好意思要人地改來改去.......
雖然auntie Angel 係V爸爸好朋友，但我唔好意思要人地改來改去.......
於是我膽粗粗走去House of Frasers 既婚紗部，訂造咗個"Richard Design" 既象牙色裙色丁邊拖地頭紗!! 好鬼貴啊~~~ 齋頭紗都要£300啊.......肉赤!!!
婚紗未造好...喺唔知對唔對色既情況下，我自己走去配頭紗 - 實在好冒險! 英國婚禮前2日，造好既婚紗先由V媽媽喺香港帶過來; 而且頭紗又係訂造 + 需時2星期，如果唔對色就大鑊嘞!! (所以未婚既朋友千其唔好學我!) 好彩婚紗同頭紗超配~ 個個都話 - 我唔講根本完全睇唔出係分開買!
(2) 因為我度完身就返咗英國，所以後來造好既婚紗 + 禮服並冇機會試上身。記得度身時，婚紗店裡面冇一件婚紗我著得啱身 - 件件都太大!
Auntie Angel: 不過妳咁既身形變化應該唔會好大...婚紗造好後唔試身都應該冇問題!
不過.........
英國婚禮前2日終於攞到衫...件件都大咗起碼1吋有多!!!!! 全部low cut 款冇帶喎~ 容乜易著著吓甩架!?!?!!! 即時panic!!! 結果婚禮前夕姐妹們漏夜喺酒店逐件幫我用針線縫細，暫時頂得住檔!! 到咗香港婚禮，我一落機就帶住婚紗 + 晚裝去auntie Angel 既婚紗店，即時改返啱哂size!
(3) 老公既蘇格蘭裙禮服係喺Glasgow 度身訂造既~ 但佢套衫就巴閉到貴過哂我婚紗 + 晚裝既總和!!! 而且香港既婚禮仲搶哂我鏡~ (豈有此理!!!!
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
我既婚紗配飾:
崇尚簡約既我最怕一揪二lun 既大大串誇張飾物! 所以除咗我婚紗一粒水晶珠片都冇之外，我用來配襯婚紗既首飾只有:
係咁多!
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
我既新娘花束:
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
我既裙褂:
我本來好憎裙褂~ 我覺得紅卜卜好肉酸!! 再加埋果揪黃禁禁既金器...超老土超憎!!! (唉~ 鬼叫我係中國人咩.....) 咁裙褂當然係租架啦~~~
英國租裙褂真係冇乜選擇~ 英國擺酒既中國城大酒樓有裙褂租 (間酒樓叫"中國城"~ 唔係夜總會!!) 但件裙褂就超嚇驚!!! 梅菜到似出土文物 + 超大碼，仲要係釘珠果隻......重到好似掛咗幾舊磚頭上身咁! 好彩Chinatown "安美"有細件d size，靚d + 乾淨好多~ 不過最細都係得中碼，我著喺身仍然似大咗肚先結婚咁款........
不過香港依件裙褂，令我對裙褂改觀! 依件係"褂后"~ 繡金銀線好輕身，仲貼身收腰~ for the very first time, 我竟然覺得裙褂靚喎!!! 果間舖頭仲有件褂皇，不過褂皇好銀色啊~ 似新99褂多過新娘褂!!! 褂后靚過褂皇好多........
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
回禮小禮物:
喺英國...西方人既回禮小禮物多數係糖~ sweet 咁既意思; 而英國既中國人多數都冇回禮小禮物! (at least 我地既中國朋友都冇...)
而我地既回禮小禮物，係採取"中西打亂種"形式咁送既結婚公仔1對!
)
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
伴郎 VS 伴娘:
伴娘係我由細玩到大既幼稚園兼小學同學Cass~ (我地未讀幼稚園已經識對方架嘞!) Cass 遲我個半月結婚...要籌備自己婚禮之餘，仲抽空請假長途拔涉過來我英國既婚禮! Cass 話我係佢見過唯一一個婚禮前唔瞓覺既新娘! 上頭果晚屋企咁鬼多人 + 咁鬼嘈...點瞓呀????
上頭果晚屋企咁鬼多人 + 咁鬼嘈...點瞓呀????
而伴郎係老公死黨Jeff~ Jeff + CJ 兩兄弟為咗我地既婚禮特登去香港~~~
我 + 老公有佢地依幾個朋友，真係好幸福!
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
擺酒:
唉~ 我唔記得keep 張菜單!!! 
基本上我果晚乜都冇食過! 連有乜野食都唔知~~~ 菜單又冇keep，想用來幻想吓都唔得.......
基本上我果晚乜都冇食過! 連有乜野食都唔知~~~ 菜單又冇keep，想用來幻想吓都唔得.......
>>>>>>>>>>>>>>>>>>>>>>>>>>>>>>>>>>>>>>>>>>>>>>>
孖T婚禮回顧:
除咗行禮地點、婚紗禮服、伴娘伴郎、回禮小禮物 + 老公老婆....我地可以自己話事之外，婚禮好多其他野都身不由己! 兩家人都一大咋親朋戚友; 中國人特別多婆媽習俗; 加上我係獨女......個個長輩都想話事......
結婚簡直係人生一大煩事!!! 基本上我果日心情煩躁多過enjoy~~ 籌備緊婚禮時，我仲試過唔止一次對住老公發脾氣 + 掟野話唔結......I'm so glad it's all over!!!
不過過程並唔重要，最重要係個結果 - 我嫁咗一個好老公! 
睇晒啦～你好幸福呀，嫁左個好老公！（其實係你老公聚到個好老婆！）
回覆刪除祝你地永遠幸福快樂！
（我囡同我一齊聽住你首歌一路睇你個blog~佢一路睇一路話好感動^^)
[版主回覆10/13/2008 21:16:00]哈哈~~~~ 多謝! 其實果日我自己都感動到喊! (讀誓詞時~)
雖然結婚超煩~ 但畢竟一世人一次...係一個珍貴既回憶!
好幸福喲~~~
回覆刪除[版主回覆10/13/2008 21:17:00]Thank you~
我結婚教堂進場也是canon in d~!!! 太喜歡,因為同你一樣唔喜歡傳統果首~
回覆刪除[版主回覆10/13/2008 21:19:00]咁除咗我唔鍾意傳統果首之外，我本身好鍾意classical music，依首亦係其中特別鍾意既~~~~~
恭喜晒呀~妳個slide整得好好呀,我好似有份參加妳哋婚禮一樣,好sweet呀,仲有就係,個場好好好靚呀
回覆刪除妳哋去邊度慶祝呀
送比妳同妳hon hon嘅,
[版主回覆10/13/2008 21:31:00]多謝哂!
因為婚禮仲有好多好多相...所以我特登濃縮成個過程出來架!
我真係覺得玫瑰禮堂好靚! 啱啱06年4月開始先准予新人喺自己鍾意既地點行禮....我10月結婚，個場開咗只係幾個月咋~~~~
P.S. 就快到妳慶祝咯喎!
恭喜晒你地呀 WEDDING PARTY is so SWEET & so beautiful
回覆刪除[版主回覆10/13/2008 21:33:00]Thank you~ Thank you!
祝賀孖T布婚週年紀念快樂, 靚太我又嚟送歌la,
回覆刪除完全因你[演唱會] , 哩個好聽啲~~
完全因你[KTV] , 哩個就有埋國語版,好似比較符合你現狀~~
仲有就係,我哩個電腦白痴,自製咗幅賀卡俾你,但整極都唔識點貼上嚟,唯有喺msn度睇吓send 唔send到俾你啦~~
[版主回覆10/13/2008 21:36:00]哇~~~~ 死火!!!! 見到妳個回應先醒起今日約咗妳開咪!!!!!
妳等多我一陣~ 妳知我部電腦慢! 等我回埋就online~~~~~
咁妳一陣比張咭我啦!!! Thank you~
個場真係好靚呀，如果我有機會嫁得出，都會考慮下呢個場！
回覆刪除[版主回覆10/13/2008 21:37:00]依度真係唸得過架! 因為仲可以出埋去佢地個二十幾萬呎既海邊花園影相架~~~ 不過當日我時間緊迫...冇影到!!!
係好彩擺酒....... 唔多似你既 style wor ! (sorry!)
回覆刪除anyway, 你地好似傳說中既公主王子, 不過係形d果隻!
好羨慕!!
[版主回覆10/13/2008 21:39:00]我係咩style 呀? 好彩有咩問題呀? 我喺glasgow 都係喺中國城擺酒之嘛~~~~
睇番你哋真係好開心...你兩個真係好好!!!希望你哋大家都可以珍惜對方!!!
回覆刪除唸番起自己結婚嗰日都係唔enjoy.......一樣係咁麻煩,但真係一個好好既回憶
[版主回覆10/13/2008 21:40:00]多謝妳既祝福!
雖然結婚當日係好煩~ 但不失係一個美好回憶!!!
真是令人羨慕呀~
回覆刪除好幸福喔~
[版主回覆10/13/2008 21:43:00]多謝哂!
哎吔~ 我忘記咗同妳講一聲"生日快樂"呢!!! 早幾日我已經想同妳講....不過好多時我一去妳果邊就斷線or freeze! 試過1、2次係咁~ 可能我個電腦太舊，加埋妳果邊多公仔.....
anyway, happy belated birthday!
Happy Anniversary,日日都咁開心,好似你blog名咁"成日都好鬼Happy嘅mrs.T"!
回覆刪除[版主回覆10/13/2008 21:47:00]Thank you 啊~
恭喜晒!!!! 祝你倆每天都係溫馨浪漫 day!!!!
回覆刪除[版主回覆10/13/2008 21:48:00]多謝哂!
件婚紗好靚，點解唔post張正面相見埋妳個靚樣呀? 首音樂真係好聽喎! 我祝妳永遠都係開開心心
回覆刪除[版主回覆10/13/2008 21:50:00]多謝哂!
背面先睇得到我個頭紗嘛幾長嘛~ 正面相個slideshow 裡面有啦!
我結婚o個日都係乜都無食, 諗住完o左返酒店房會有野食, 點知係乜都無, 累到即時要瞓, 所以話結婚都係一生人一次就夠..hehehe
回覆刪除(PS..條鑽石頸鍊..好閃呀... )
[版主回覆10/13/2008 21:57:00]我返到酒店房食咗好多野呀~ 刁轉既 我竟然想食叮叮蝦餃燒賣! 所以老公送咗我返酒店房後，我去沖涼，佢就去7仔幫我買叮叮點心返來! (酒店房裡面有微波爐~~~)
haha...原來我同你一樣係10月新娘，你早我幾日(我係下星期日)，我而家都煩緊點慶祝，事關仲有2個小朋友跟住...想撐下台腳都唔得... Happy Anniversary，祝你地日日都恩恩愛愛啦~
回覆刪除[版主回覆10/13/2008 22:01:00]多謝哂~
原來都幾多人係10月新娘果喎!
其實同埋小朋友一齊慶祝都好溫馨吖~~~
海邊花園！？我鍾意海呀！
回覆刪除場租貴唔貴！？有冇限時架！？
[版主回覆10/14/2008 23:17:00]已經係兩年前既事~ 而且唔係我比錢...我真係唔記得咯! 就算記得，成2年我唸都未必同價咯~~~
當然有時限啦! 不過我只記得佢地有幾個唔同package，唔同package 有唔同時限! 總之果度book 場行婚禮，時限之內去任何地方都係任影!
另外，因為個場係屬於芝柏~ 我記得只book 咗個場幾粒鐘，但 我地用既係芝柏攝影師! (攝影師book 咗十幾粒鐘)，所以時限變咗十幾粒鐘!
其實如果妳唔係想用個場行婚禮的話，只係想影靚相，咁妳可以book 芝柏影婚紗相! 包影數碼港既~~~~
我諗，如果價錢許可，我可能影相同行禮都會係個度，因為，聽人講呢間既攝影好似都幾OK架喎！
回覆刪除另外，因為我唔係教徒，但又幾鍾意教堂feel行禮，所以，我諗呢度都幾岩我！
Anyway，有排都未嫁得出，嫁得出先去參觀下個環境、睇下價錢再決定！
[版主回覆10/15/2008 15:45:00]其實喺果度book 場行婚禮，佢都已經會幫妳影婚紗相架嘞! 我影得少因為註冊果日時間好趕~~~
所以個人覺得行禮就喺果度，婚紗相就去第二度影! 咁樣多d變化嘛~~~~
哦，咁如果照你咁講，即係其實可以join另一間平少少既package影相，然後行禮時間個度book長d，咁就可以影埋婚紗相喇！？(如果budget有限的話)
回覆刪除[版主回覆10/15/2008 22:26:00]係呀~ 總之喺果度行婚禮就一定要book 場! 妳可以另book 攝影師or 用返芝柏既攝影師(芝柏攝影師要另外book 果喎!)
好似我咁~ 妳見我都有少部份得我 + 老公既婚紗相架，咪行完婚禮之後影果囉! 但我其他婚紗相就喺法國婚紗 + 薇薇新娘影既!
薇薇新娘
回覆刪除未聽過既！？哦，你婚紗相係法國影，好似好得喎！我最記得有部三角琴！I like it！
[版主回覆10/16/2008 18:23:00]有少少奇怪妳未聽過薇薇新娘! 不過妳未結婚 + 未影過婚紗相......真係唔知都唔出奇~~~
薇薇新娘可能係台灣婚紗相最好既一間! 最近幾年都幾乎係佢地攞哂台灣全年最佳婚紗攝影......
我地舊年返香港一次過影咗2輯婚紗相 - 香港喺法國婚紗影完，幾日後去台北薇薇影第二輯! 台灣依輯既攝影師，就係譚小環婚紗相既攝影師嘞~~
http://hk.myblog.yahoo.com/veronicams_tsim/article?mid=5325
哦，原來係台灣既公司！
回覆刪除因為我未需要影，同埋，都唔知自己第時個老公有冇能力負擔去第二度影，所有，未有去搵咁多資料呀，特別係唔係香港公司！
費事睇咁多資料，搞到恨嫁既我咁心思思啦！
[版主回覆10/17/2008 17:02:00]咁我祝妳快d有咁既需要啦!
希望承你貴言啦！
回覆刪除恭喜哂 ...回想起咁甜蜜的日子 , 又真係會好開心的 !
回覆刪除你那時的婚宴又英國 , 又香港 ....咁咪好趕囉 !
[版主回覆10/20/2008 17:20:00]多謝哂!
當時真係好趕好辛苦呀...... 2006年係好年突然多咗好多人註冊結婚，所以政府先對外開放結婚地點!
老公06年1月同我求婚; 我地5月先有時間返香港雙方家長見面;
咁多野搞，但酒席先係最麻煩!!! 本來我 + 老公話唔擺酒~ 但62嘈到反枱 + V媽媽唔想認我咁滯!
最慘老公有3個堂兄堂姐都係06年結婚!!!! 又要擇日對八字，又唔可以同佢堂兄堂姐撞月......所以我地7月時先喺英國擺酒，10月再返香港註冊 + 擺酒~~~~
所以我咪發爛咋掟野囉!
V, they only accept those with distinction in high dip in HKU.......at least for the year I went to.......the outcome is they became the high marks in Y1 .............for those like me who went straight from F7........we passed but were mostly in lower ranks..................lor.
回覆刪除So, you didn't attend the GCE A-Level?? That's better wor ~~ my friend who was in UK before attend ALs of different universities, like Cambridge, Oxford etc......different subjects with different level for and a different list of universities...............so complicated that I didn't actually listen fully.........
[版主回覆10/21/2008 17:16:00]i wasnt talking about HKU~ i was refering to the comment you made earlier - going to uni after attending college, would spend more time for the same degree~
to be honest, i dont understand why people go back to HKU after spending halfway in UK's uni? also HKU's standards are not as high as what people think! i have an ABC friend once attended to HKU, he told me that he couldnt understand what the lecturers said - cos they taught in chinese! my impression of HK uni students (not just HKU!) is - the majority speaks crap English! even very simple english.....
i see someone spoiling this nice sweet entry again! Anyway, i think it's a good idea to choose a classic design for the wedding dress. I've never thought of it in this way before. It would be much more relaxing if someone was to plan the whole wedding for u. But then it might not turn out exactly the way u want it right? I think it's fun to have a wedding in two different countries!! u're a very lucky bride! So which one is your official wedding day? Did you use waterproof makeup when you 註冊? i'm sure u did right?
回覆刪除[版主回覆05/12/2009 02:23:00]really? is it bitch no.1 or bitch no.2? see if you can read my mind? (remember to use private comment woh~)
tell me abt it! however it was to short notice from the day my husband proposed to me til the actual weddings.......i think no wedding planner would take the job!
trust me - it was def NOT fun to have 2 weddings in different countries!!!!!!! of course the HK one was the official one la! im a 港女 ma~~~~~~ the Scotland one was just 6299's party!
HI, 我是住在美國的香港人, 這是我第一次在你的BLOG留言, 你個BLOG DESIGN 得好好, 加上又有很多食譜. 我都好鍾意食野&整野食. 你如果得閒可以來我的BLOG, 俾下意見.
回覆刪除我都係2006結婚的, 是12月, 當時都想去台灣影, 不過冇時間, 要返工. 我同我老公都希望在日後的結婚週年去台灣影婚紗相.
數碼港既芝柏玫瑰禮堂都好靚, 可惜當年不知道.
[版主回覆07/21/2009 18:41:00]Hello 妳好~ 歡迎妳來訪!
多謝妳既讚我個blog~ 其實整blog，煮野食...我都仲係學緊架咋! 得閒大家交流吓吖~~~~
我伴娘都係06年12月結婚~~~~~其實我地既婚紗相係結婚後補影架! 因為我family 喺香港，結婚前返咗香港見家長 + 造衫; 之後又要搞2個婚禮 - 一個喺英國; 一個喺香港...雖然我唔洗返工，不過老公要，06年用哂佢d假期，根本冇時間影婚紗相 + 去honeymoon.........所以我地婚紗相 + honeymoon 都係後補架! 所以咪一次過喺香港 + 台灣影2輯囉!
玫瑰禮堂係06年4月左右開架，我都好last minute 先比我搵到依個地點~~~~
Feel very happy for you so sweet
回覆刪除[版主回覆10/13/2009 01:16:00]Thank you very much!
Feel very happy for you so sweet
回覆刪除e... 又會咁啱~~我都會係玫瑰禮堂行禮~~~ 真係好靚 , 仲好近我屋企~~
回覆刪除我鍾意對西式公仔, 仲記唔記得係邊度訂ka?
[版主回覆04/17/2010 18:50:00]對公仔喺金都訂之嘛! 邊間我就唔知嘞，因為果時我喺英國越洋打電話叫V媽媽幫我搞~
我 擺酒的地點 都是在旺角好彩酒家. 菜式仲很好味.
回覆刪除[版主回覆01/18/2011 22:51:00]嘻~ 咁啱既!
係呀~ 佢地d菜好味，反正擺酒都係要洗錢，我寧願洗得實際d - 菜好味比排場重要得多，最緊要大家食得開心嘛!